|
ابشركم ولدت الحمدلله اللذي بنعمته تتم الصالحات
حبيباتي انا ولدت صالي اسبوع
الحمدلله مع الصبر والاذكار مرت الساعات وجتني اغلا بنوته بس عندي مشكله صغيره احاتيها - بعد الولاده قالت لي الدكتوره ماتحتاجين خياطه وايد بسويلج كم غرزه وخلاص المهم الخيوط للحين ماطاحت وانا حركتي فالبيت كثيره خصوصا انه عندي بنوته قبل وماشاءالله حركيه وماعندي حد يساعدني عليها ولا على شغل البيت فخايفه على الخياطه لان الفتره الاخيره صرت احس بحكه والم واخاف الخيوط تطيح قبل ما يبرا الجرح -الشي الثاني حابه اعرف كيف الوحده ترجع لزوجها بعد الولاده الثانيه يعني يصير في تغير والا نفس ماكان مع الولاده الاولى جد احاتي وايد هاذا الموضوع ياليت الولادات يطمنوني الشي الثالث بالنسبه للرضاعه ارضع طبيعي الحمدلله تنصحوني ادخل شاي الاعشاب مع الطبيعي والا بيقل الحليب مني ومتا اعطي البيبي منقوع التمر >>سمعت انه يسوي مغص للبيبي عشان جذي خايفه منه ومتا اعطيها الماي ؟ انا سمعت ان كل ما اعطيت البيبي الرضاعه يقل الحليب اللي يفرزه الثدي عشان جذي لازم استمر بالرضاعه والشفط صحيح هالكلام والا لا ؟ |
رد: ابشركم ولدت الحمدلله اللذي بنعمته تتم الصالحات
الحمدلله على سلامتك ومبروك ماجاك ياغاليه ..
بالنسبه للالم والحكه هذا دليل على ان الخيوط بتطييييح وامورك تمام واستخدمي ميبو لانو يعمل على التئام الجرح .. وفيه ناس ترجع وفيه ناس تختلف .. على حسب كل وحده مو سوا الناس والرضاعه خليك من هالخرابيط واعطيه صدرك يرضع طبيعي .. والماء اعطيه نقاط من الحين عوديها لان بعضهم اذا ماتعودوا يصير الماء غريب فما يشربونه وكثير بنات اختي كدا مايشربون لانهم ماعودوهم طبيعي لما بيشرب من الرضاعه اكثر منك بيتعود عليها وينقطع عن حليب الام على فكره خبرتي بكريه .. وان شاء الله وحده تفيدك بالذات بالسؤال الثاني اما الخياطه فنصحت اختي بكريم اسمه ريالوكين طبعا هذا يخدر الم الخياط ماعاد تحسين بالم وفعلا استخدمته تقولي الله يريح عليك .. وهي والده لها شهر وكم اسبوع ... |
رد: ابشركم ولدت الحمدلله اللذي بنعمته تتم الصالحات
الحمدالله على سلامتك
لاتخافي مستحيل تطيح الخيوط الا لمن يلتائم واستخدمي ميبو اوكريم فيوسيكورت وغسول بيتادين ايوه يسير تغير تسير المنطقه اوسع ايوه تقدري تشربي شاهي اعشاب بعكس كويس له بيخفف عليه الم المغص الي يجي من الرضاعه منقوع التمر مو مهم اذا حبيت تعطيه اعطيه واذا ماحبيتي لا تعطيه وتقدري تعطيه كل 4 ايام مره على حسب ماتحبي المويه شي ضروري لو تنقطي كم نقطه في فمه عشان لمن يكبر يسير يشرب مويه يقل الحليب كل ماكبر الطفل لانه يسير يطلب حليب اكثر وانتي استمري على الاثنين وخذي اشياء تكثر الحليب في صدرك وقدامك العافيه يارب |
رد: ابشركم ولدت الحمدلله اللذي بنعمته تتم الصالحات
منكم نستفيد
|
رد: ابشركم ولدت الحمدلله اللذي بنعمته تتم الصالحات
الف مبرووك
الحمدلله على سلامتك |
| الساعة الآن 05:26 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .