|
الي تزين أعشاب الولادة بنفسها تدخل
السلام عليكم
أخواتي انا من النوع الي محب اشتري أعشاب الولادة من الحريم ومو كل حرمه ثقه ً فانا أسألكم الي عندها طريقه أعشاب للولادة تزينها ونافعه معها تعطيني تجربتها انا بولادتي الاولى زينت طريقه فيافي صراحه أعجبتني بس ماسمنت فيها وفي أخوات قالوا خطاء بطريقتها ياليت تفيدوني بنات |
رد: الي تزين أعشاب الولادة بنفسها تدخل
ولا رد
بحثت بقوقل وحبيت افيدكم وندردش عن الموضوع السلام عليكم حبيت ادردش لكم عن الاعشاب اللي افادتني وقت النفاس: -الحلبه >> روعه الطريقة : تشرب مع الحليب الدافي وممكن مع القهوه القشر فوائده :لادرار الحليب عن تجربه وبعد تبيض الجسم عيوبها : الريحه طبعاً وممكن تتفاديها بالحلبه اليمينه أو عرق الحلبه .. -الرشاد>> فوائده: ممتاز للعظام والظهر خاصة الطريقه:يؤخذ بالملعقه سف <<سفوف يعني وبعده تشربي مويا عيوبه : طعمه غريب مو حلو وبتحسينه يلزق بس تقدري تتحملي -قهوة النفاس>> الطريقه:تاخذين مقدار من قشر القهوه وتحطينه في ابريق مع نانخه وزنجبيل <<ضروري وهيل وقرنفل عشان الطعم يعني حسب الرغبه وتضيفين مويا مغليه وخليه على النار الين تغلي واشربيها .. فوائدها:تنظف الرحم بعد الولاده طبعاً وتؤخذ وقت الدورة الشهريه مره روعه.. عيوبها:مالها عيوب بالعكس تسلي مع الحلا هههههه .. -المره << الطريقه:تذوبينها مع القهوه أو مع المويا الدافيه أو تحطينها وهي دافيه بالفوطه (الكوتكس) اكرمكم الله .. فوائدها:تضيق مررره بستانسين من النتيجه وبنفس الوقت بتريحك من ألم الخياطه بس فيه ""ملاحظه"" جداً مهمه وهي انك تدهني المنطقه بزيت الزيتون لاززززم عشان ماتشد وتتقطع.. عيوبها: طعمها مر، مر، مر، بشكل رهيب -الكمون+اليانسون +الكراويا<< الطريقه:تسوينها بشكل (شاي )يعني بترمس وتشربين منه كثر ماتقدرين بس لاتغلينها على النار غسليها ونظفيها وصبي عليها مويا مغليه وممكن تضيفين نعناع حلو طعمه ويهدي الاعصاب وخليها فتره وبعدين بالعافيه فوائده: الكمون حلو للغازات (النفخه) واليانسون برضو والكراويا حلو لادرار الحليب عيوبه:ماله عيوب ابداً بالعكس حتى ريحة الاعشاب حلوه -الخواجوا<< الطريقه:حطي زيت زيتون في مقلاة على النار وسخنيه شوي وبعدين ضيفي الخواجوا وخليه ثواني بس عشان يذوب شوي وحطيه بالفوطه اكرمكم الله .. فوائده:يخفف من ألم الخيوط عيوبه:ماله عيوب ابدا -الفلفل الاسود<< الطريقه : تضيفينه مع الحليب أو مع الأكل فوائده:مفيد للجسم بشكل عام عيوبه:ماله عيوب غير الحراره البسيطه لكن لاتكثري عشان الرضاعه.. هاذي الشغلات اللي استفدت منها وهي اللي فعلاً ضروريه اتمنى تسفيدو منها واللي عندها أي شي تضيفه عشان الكل يستفيد |
رد: الي تزين أعشاب الولادة بنفسها تدخل
الله يسامحكم ولا رد
والمشكله كلكم حوامل |
رد: الي تزين أعشاب الولادة بنفسها تدخل
مشكوره حبيبتي ع الموضوع استفدت منه كثير
|
رد: الي تزين أعشاب الولادة بنفسها تدخل
اتمنى يفيدونك
|
رد: الي تزين أعشاب الولادة بنفسها تدخل
الله يعطيكي العافية ويرزقك من واسع فضله
انا بكرية واستفدت من موضوعك حييييييل مشكورة حبيبتي |
رد: الي تزين أعشاب الولادة بنفسها تدخل
شوفي ياقلبي أنا مستحيل أشترى من حريم
الحمدلله روحى العطار وأجمعى أدويتك بنفسك وترا العملية سهلة هاتي علب زجاج 5علب أول علبة أجمعى لهوم أول 15يوم تلهمين مرتين صبح وعشاء (حلب وماش وفلفل أبيض مطحون ) لهوم بعد 15يوم (رشاد غير مطحون حبة سوداء غير مطحون وفلفل اسود مطحون وكمون مطحون ) منقوعه تشربينها بعد كل وجبة عبارة عن (علك مر مرة )وبعد 20يوم اضيفي محلب وشوى صبره وحطى ملعقة صغيرة بموية صحة صغيرة واشربيها طبعا التمرة مع دراسين وشوى فلفل أبيض اول 15يوم نفس التمرة بالسمنه اضيفي رشاد وحبة سوداء وفلفل دواء القهووة تحطين ملعقة بفنجانك وتصبي قهوة عليها وتتقهوين ( خوذى نفس المقاس فنجان من الكمون مرامية مرة حبة سوداء يانسون عنزروت قرنفل مقل |
رد: الي تزين أعشاب الولادة بنفسها تدخل
وتضيفي على دواء القهوة ملعقة شبة سوداء وملعقة صبرة وملعقة فلفل الهواء وبس
أم العلبة اﻷخيرة أجمعى لوبيا حمراء وماش حب ودراسين وحطيهم على مرقة لحم مرقوق هذا دواء اﻷكل وبس هذا النظام واكتبي على كل علبة اﻷسم وبالنسبة لنظام فيافي فاشل انا جربته بنفاسي اللى قبل فاشل واهم شي ماتجوعين واخر اﻷيام غسلي ارطا وملح فارسي واستخدمى حبوب البيتادين روعه وان شاء الله تطلعين أجمل عروس بعيون زوجك وأدعى لي يسهل ولادتى |
رد: الي تزين أعشاب الولادة بنفسها تدخل
بالنسبة لقهوتك طول النفاس خليها قهوة القشر روعه وهى حطى بترمسك 3حبات قرنفل وعودين دراسين وشوى زنجبيل طازج واطبخى حى موية وحطى ملعقتين قشر وملعقة شمر وملعقة كمون وتطبخ 10 دقائق وصبيها بالترمس وحليها بسكر نبات او عسل وبالعافية
والخواجوا روعه للشمم |
| الساعة الآن 12:11 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .