منتديات حوامل النسائية - تجربتي مع الدكتور معتز الرمحي في الأردن

منتديات حوامل النسائية (https://naqatube.com/index.php)

- منتدى أطفال الأنابيب (https://naqatube.com/forumdisplay.php?f=21)

- - تجربتي مع الدكتور معتز الرمحي في الأردن (https://naqatube.com/showthread.php?t=260015)

تجربتي مع الدكتور معتز الرمحي في الأردن

كيفكم يا صبايا ان شاء الله أموركم كلها تمام..كما هو واضح من العنوان أنا عملت حقن مجهري عند الدكتور معتز الرمحي في الأردن، وأنا حاليا بانتظار موعد التحليل..
حبيت أكتب عن تجربتي عشان أنصح أي وحدة فيكم حتعمل حقن مجهرب او اطفال انابيب انا تزور هالدكتور، انسان اكتر من رائع، من علم وتعامل واحترام، انسان غير مادي أبدا، وهمه الأول والأخير نجاح العملية.. بيشخص حالتك بدقة وبيعطيكي جرعات الإبر والأدوية المناسبة لحالتك بدون مبالغة.. بيهتم بنفسية المريضة لأبعد الحدود..
تجربتي معاه بالتفصيل اني قمت بزيارتو حتى أبدأ بعملية حقن مجهري،هو كانت عيادتو في مستشفى الجامعة الأردنية، بس حاليا فتح مركز اخصاب خاص فيه وهو رئيسو، اسمو مركز النور للإخصاب، طبعا في غرفة الانتظار ما شاء الله معلق عالحيطان صور كتيرة لأطفال وتوائم ثنائية وثلاثية كلها جاءت عن طريقو بعد اذن الله طبعا، وناس كاتبين قصائد شكر بإسمه، وهاد شي بحد ذاتو بيعطيكي دافع معنوي قوي،تعامل معي بكل اهتمام وتقدير هو والكادر الي بيعمل معاه.. أعطاني حقن لمدة 10 ايام وبعدين قررلي عملية السحب، كنت كل زيارة آخد وقتي بالحديث معاه، مايهتم ازا بقيتي عندو ربع ساعة أو ساعة، أهم شي عندو انك تكوني مرتاحة وما يبقى عندك اي علامة استفهام..
يوم عملية السحب كانت عملية بسيطة جدا وتكاد لاتذكر، كادر التمريض والتخدير جميعهم ناس أكتر من رائعين، بيحاولو قدر المستطاع يمتصو التوتر منك، دخلت غرفة العمليات وصحيت وجدت نفسي في غرفة خاصة، الحمدلله كل اموري كانت تمام وخلال نص ساعة كنت صاحية ووضعي ممتاز..
تاني يوم اتصلولي يخبروني نتيجة انقسام البويضات وحددولو موعد الارجاع، ويوم الارجاع ناداني الدكتور على مكتبو، وشرحلي بالتفصيل حالة البويضات الي تم سحبها، وتفاصيل عملية التلقيح، وحالة الأجنة الي حيرجعوها ودرجاتها، وشرحلي بالتفصيل كيف ستتم عملية الارجاع، تقريبا بقيت عنده في المكتب نصف ساعة وهو يشرحلي كل شي بالتفصيل، ،بالنهاية سألني ازا عندي اي استفسار، وبعدين نقلوني للطابق العلوي للإرجاع..
ألبسوني ملابس العمليات المعقمة، وادخلوني غرفة العمليات، وجاء الدكتور، وشغل شاشة عرض وخلاني أشوف الاجنة قبل ارجاعها، وكان صراحة شعور لا يوصف! همه بيوصلو المجهر الي بيحطو الأجنة تحتو بيوصلوه بالتلفزيون الي بغرفة الارجاع،عشان كل وحدة تشوف أجنتها،بعدين في الشاشة شفت اخصائي المختبر سحب الأجنة بالإبرة، وأحضرهم للدكتور في غرفة الارجاع والي هي ملاصقة لمختبر الاخصاب، وكان الدكتور طوال الوقت يذكر الله ويسمي بالله ويدعي، وهاد شي بحد ذاتو بيدخل الطمئنينة على قلبك،وقام الدكتور بارجاع الاجنة بدون أي ألم، وتركوني 45 دقيقة بعد الارجاع نايمة على ظهري..
الحمدلله هذا الدكتور غير فكرتي عن عملية الحقن المجهري، لانو بيبسط الموضوع وبيخليكي تستمتعي بكل لحظة خلال العملية، الحمدلله انا لسة ماعرفت نتيجة العملية، بس تقييمي للدكتور ما بيعتمد على نتيجة العملية لانو هاد شي بيد الله وحده والطبيب بس سبب..الله يجزيه كل خير لانو صراحة انسان اكتر من رائع، وجد بنصح كل وحدة تجرب العملية عندو.. بيكفي انو انسان بيخاف الله*