|
كيف انظم حياتي بوجود طفلي
مساء الخير
انا ولله الحمد لي 13 يوم والده بقيصري وجبت طلولي ربي يخليه لي ولأبوه حاليا مرتبكه بوجود طفل بحياتي وفيه اشياء كثيره ماحسبت لها حساب قبل حملي وعقلي مشوش اكيد طبيعي اللي بمر فيه وابي مساعدتكم شاغل بالي اشياء كثيره كيف احافظ على شكلي قدام زوجي وكيف اظل اهتم فيه مثل اول ولا اهمله وكيف اطلع مع زوجي مثل اول وخوفي ان وجود الطفل يسبب بعد بيني وبين زوجي للعلم ماكملت سنه على زواجي احس وجود البيبي بيغير حياتي وهذا شي اكيد لاكن ابي مساعدتكم كيف انظم حياتي مع طفلي بحيث ماتتغير حياتي بشكل كلي عن قبل نوم طفلي العميق يكون من العصر الى اخر الليل واحيانا يصحى اخر اليل ويبكي ويجلس للصباح ويكون نوم خفيف كيف اوازن بنومه للعلم زوجي دوامه شفتات يعني كل يوم يداوم بوقت وعندي سؤال احيانا ابني يقوم بالليل ويبكي وطلع معاه مغص واعطانا دكتور دواء ايفانكول 2 مل ونص مين جربته ونفع معاها بلاضافه لدواء سالينال لان دكتور قالي مايتعارضون مع بعض واستمري عليهم وخايفه كثره الادويه تضر ابني وهل دواء ايفانكول يسبب نوم ولا لأ واخر شي يصير اصحي ابني خلال النهار واقطع نومته عشان ينام بالليل كويس ولا مايصصير عذرا على كثره اسألتي بس لأني بكريه وصايره هاليومين مكتئبه وافكاري مشوشه ممممره وافكر كيف بتكون حياتي مع زوجي وابني |
رد: كيف انظم حياتي بوجود طفلي
حبيبتي. اشتري له شاي اعشاب اسمه بيبي كيووت واعطيه بالليل بيشريه وبيرتاح سيتال كويس بس ماكنت ابي استخدمه كل شوي. واذا عندك يانسون. اغليه وحليه بسكر نبات واعطيه بس واحد اعطيه يا اليانسون يالشاي. رضعه واحدة باليوم. في الرضاعه الصغيرة. واذا على النوم. لازم بتتعبي معاه انا ولدي قعدت ثلاث شهور وبعدين تعودت هو كذا بالبدايه تتعبي لازم وخلي زوجك يساعدك يعني يمسك البيبي وانتي كملي شغللك hwaml12 اتمنى اكون افدتك والبنات ماراح يقصروا وياك
|
رد: كيف انظم حياتي بوجود طفلي
حبيبتي اكثر الاطفال يصيبهم مغص الثلاثه اشهر او اربعه شي طبيعي والطفل ما تتعدل نومته الا على الاربعه اشهر او ثلاثه شي طبيعي نومته مخربطه الحين
|
رد: كيف انظم حياتي بوجود طفلي
والله كلما وضعنا ملخبط الله يعين
|
رد: كيف انظم حياتي بوجود طفلي
ماشالله لا إلاه الا الله تعجبني اهتمامك في زوجك الله يحفظكم لبعض يارب
اللهم لا حسد يارب حبيبتي فاهمه عليك تحاتي حياتك مع زوجك انا مثلك بكريه ما شالله حامل لسه ولادتي بعد 3 اشهر الله يتمم لي يارب ع خير و سلامه شوفي انصحك انك تهتمي في زوجك قد ما تقدري و لا تهمليه اسألي عليه بالجوال اذا كان طالع و اسألي عنه في الوتس اب و كذا حسسيه انك مهتمه فيه حتا اذا هو بره البيت .. قولي له مثلا ولدك طلول مشتاق لك و كذا خلي قلبه يحن ع ولده و كذا اذا جا من بره خلي ولدك ع الجلاسه حتا لو بكى معليش بس زوجك له حق عليك روحي لزوجك استقبليه و بوسيه و شيلي الاغراض من ايده دايم حسسيه انك تحبينه و مدري وشو بين فتره و فتره ارسلي له بيتين شعر سويله غدا قولي له اليوم خاطري اطبخ لك شي تحبه و افكار كثيره .. انصحك اهتمي بشكلك لا تعطين زوجك مجال ينتقد فيك شي ترا الرجال معرفوين ع كل شي يدقق و يقول مراي من ولدت و نستني و كذا لا تعطين زوجك مجال يفكر في غيرك نصيحتي لك يا حبيبتي حسسيه بالاهتمام و اهتمي بشكلك و لا تقولي له طفشني ابنك و كذا لأنه يضايق و لا تحسسيه انك بعيده عنه عشان الرجال اذا بعدتي عنه ابتعد عنك و تعرفي بنات الحرام هاليومين اعوذ بالله تتصيد الرجال اللهم يكفينا الشر ياربي |
رد: كيف انظم حياتي بوجود طفلي
زوجك لازم يقدر الوضع الجديد و يتغاضى عن بعض الامور
و بعدين البيبي في دا العمر صعب تتحكمي بيه بالعكس هوا يسير حياتك على كيفو انا اموري اتاخبطت 180درجه مع بنوتتي و بالنسبه للمغص جربي dentinox مرررره ممتاز |
| الساعة الآن 06:58 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .