|
نتيجة التحليل الهرموني ....
السلام عليكم ورحمة الله وبركاته
مثل ماقلت لكم اول كان عندي موعد لنتيجة هرمون الحمل طبعا النتيجه سلبيه بس الدكتوره حاسه اني حامل عشان كذا اعطتني موعد الاسبوع الجاي اعيد التحليل والسبب اللي شككها بالحمل اني استخدمت الكلوميد والدوره نزلت قبل موعدها يوم ووقفت وخفيفه قالت الكلوميد ياخر الدوره مايقدمها وتنزل غزيره مو خفيفه تقول ممكن حمل لكن مابين الهرمون الى الان هل من الممكن ان تحليل الدم الهرموني بالاول يعطي نتيجه سالبه بعدين موجبه.. ؟؟ علما ان اخر جماع صار بيوم 24 من الدوره الفايته ونزل علي الدم بيوم 28 يوم واحد ووقف واذا مشيت على كلام الدكتوره وقلت ان الدم مو دوره بيكون اليوم هو ال 45 من الدوره مع العلم ان الم الدوره والصدر والم فضيع بالظهر من نزول الدم الى اليوم لكن امس شد علي وقلت بتنزل الدوره بس اليوم خف الالم بدون لاتنزل الدوره ولو حسبت ان الدم اللي نزل دوره انا بكون الحين بفترة تبويض..!! بنات شرايكم قسم بالله احس اني متشتته وماني عارفه راسي من رجولي هل انتظر الدوره ولا تبويض ونبدا جماع مع ان ظهري جنني بالالم بس بتحمل عشان اوصل للحمل |
رد: نتيجة التحليل الهرموني ....
حبيبتي ما عندي فكرة بس ما حبيت اخرج من غير ما ادعي لك اللهم ارزق وفرح قلب اختي عظيمة الشوق بالحمل السليم المعافى عاجلا غير آجل
|
رد: نتيجة التحليل الهرموني ....
حبيبتي العلم عند الله
بس انتي ما راح تخسري شي حاول يتم الجماع هاليومين او اشتري جهاز فحص التبويض عشان ترتاحي |
رد: نتيجة التحليل الهرموني ....
هلا
بالعكس الكلوميد يسبب لخبطة للهرمونات انا قالي الدكتور كذا ونزلت الدورة قبل وقتها وكانت خفيفة وسويت تحليل رقمي للحمل وطلع مافية قال لي للدكتور الكلوميد لخبطة الدورة ويصر سبب في نزولها قليل بس انا سويت لك التحليل عشان نتاكد مافية حمل الله يرزقك الذرية السليمة |
رد: نتيجة التحليل الهرموني ....
هلابكم حبيباتي
انا بعد حاسه انه مو حمل خربطة هرمونات جبت اليوم بردقوش بس ترددت اشربه اخاف يطلع احساسي مو صح واطلع حامل واضر نفسي بالبردقوش وبنفس الوقت اخاف يروح علي الشهر هذا بس انتظر الاكيد وبالاخير ماطلع حامل ولا انا سويت شي انا الحين احس باعراض دوره انا بفترة التبويض ماحس بنغزات بصدري بس بالدوره احس اني معلقه لا انا بالسما ولا بالارض |
رد: نتيجة التحليل الهرموني ....
اللهم ارزق وفرح قلب اختي عظيمة الشوق بالحمل السليم المعافى عاجلا غير آجل
|
| الساعة الآن 11:06 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .