|
خـآيفه..!
السلام عليكم ورحمة الله
كل عام وأنتو بخير ومن عوآده يارب =) بنـآت مثل مو كاتبه بالموضوع أنـآ خايفه والله يلعن ابليس لي كم يوم يوسوس لي واخاف اكثر اعوذ بالله بنات انا من قبل مسقطه وكان الحمل بالأسبوع العشرين :( الله يرحمه ويعوضني وقلت بنتظر ستة شهور وبفكر بالحمل وعلى مايلاقون لي حل لأني حاليا اراجع بالمستشفى بس المستشفيات الحكوميه يبيلها بال طويل مواعيدهم تتأخر :( انا ببدآية زواجي رحت لثلاث دكتورات وتصوير وقالو ان الرحم عندي ذو قرنين والجهتين كويسين للحمل ومو مشكله مافيه تأثير ع الحمل ولله الحمد بس لو اخذتي اكثر من سنه ماحملتي تعالي راجعينا والحمدلله اربعة شهور وتم الحمل ولله الحمد لكن كان نزيف ومثبتات وأبر و فجأه الدكتوره في الحكومه قطعت عني كل شي الحبوب المثبت والأبر وكل شي حتى حمض الفوليك وجلست كذا اسبوعين تقريبا وبعدها طلق وللأسف لأني أول مره فماكنت ادري كيف الطلق >< وخسرت جنيني بالشهر الخامس وألحين لما ولدت قالت الدكتوره تراجعيني بالعياده يمكن نعمل اشعه صبغيه ولا تصوير ثلاثي واعطتني موعد بعيييييييد وجاء ورحت لها ماسوت شي اعطتني موعد تصوير عند دكتور في شهر 10 تخيلو :( وما ادري وش بيسوو بعد لتصوير ولا متى الموعد وخايفه لآ أحمل وتنعاد نفس القصه خايفه اجهض ويطير قلبي ثانيه :( قريت كثير بالنت ان ناس عندهم نفس رحمي وعملو لهم ربط من ثاني حمل وتم بسلام وناس عطوهم علاجات توقف الطلوق اللي تجي والحمدلله وفيه حبوب بيبي اسبرين خذوه وماقطعوه عنهم والحمدلله كل شي كويس لكن الولاده قيصريه خايفه تصر علي الدكتوره وتعمل اشعه صبغيه :( وانا ماودي خلاص انا كويسه واقدر احمل ليش الأشعه :( ودي تعملي ربط وبس >< ويجي في بالي انو لو عملت لي ربط وجاني الطلق اخاف ينفك ولا يصير شي وافقد حملي ياربي وساوس كثيره وماادري شسوي طمنوني مين شمعت عن حالتي و كيف كان حملها هدو بالي الله يهدي بالكم والله من الخوف والتفكير بس اسجد ادعي ربي يالله لا تخيبني :( انا وزوجي نحب الأطفال حييييل وخايفه اتأخر او استغفر الله الله لا يقوله مايجيني بيبي راضيه حتى لو بقيصريه حتى لو بس اثنين اهم شي بيبي :( اسفه كلامي مخربط بس تعبت نفسيتي مالي بعد الله غيركم طمنوني وهدو بالي و عطوني امل :( |
رد: خـآيفه..!
وش دعوآ خواتي ولآ رد
كها دعوه أو كلمتين يطمنوني ويبعدو عني الخوف :( |
رد: خـآيفه..!
الله يطمنك و يرزقك بالحمل السليم المعافا شوفي اختي انا ماعندي خلفيه عن حالتك لكن تأكدي انه كل شي بيد رب العالمين انا مثلا وزني زاد بشكل مخيف بعد الزواج و لما تاخرت عن الحمل قالولي مستحيل تحملي الا بعد ريجيم قاسي وانا تعبت نفسيا لان الريجيم متعب و يبيله وقت و انا كنت متلهفة للحمل مع ذلك حملت الحمد لله ماشاء الله وبدون لا اعمل ريجيم وهذا من فضل و كرم رب العالمين فقط اكثري من الدعاء و الاستغفار و الصدقة وثقي في الله هو الذي يرزق الناس اختي طمني بالك ولا تخافي في ناس كان عندها عقم و بفضل الله انجبت
|
رد: خـآيفه..!
لا تخافي ياحبيتي ولازم تتوكلي على الله
|
رد: خـآيفه..!
صراحه معرف عن حالتك
بس الله يرزقك بالذريه الصالحه ويفرح قلبك وخلي املك بربي كبير واكثر استغفار والله يكون معك |
رد: خـآيفه..!
الحمدلله على كل حال
مشكورين ماقصرتو بنات ^_^ |
رد: خـآيفه..!
حبيبتي كل داء و له دواء .. انا مثلج خسرت جنيني في الاسبوع 21 .. و أكيد كل وحده منا عندها مخاوف هذا شي طبيعي ..
بس لازم الوحده تتوكل على رب العالمين و اللي مكتوب بيصير .. انتي خذي بالاسباب و توكلي عليه هو الرازق و هو خير الحافظين .. أنصحج تكتبين في يوتيوب محاضرات عن التوكل على الله و تشوفين صدق التوكل عليه .. فـ لا خاب من توكل عليه .. و رب العباد قال انا عند ظن عبدي بي .. حطي في بالك رب العالمين ان شالله راح يحفظ جنينك .. و يقر عينج فيه يآرب .. عليك بالدعاء و التضرع بالدعاء و قولي يا من لا يكلف نفسا الا وسعها و من لا يكلف نفس ما لا طاقة لها به لا طاقة لي بفراق جنين اخر فإحفظه لي .. |
رد: خـآيفه..!
الله يرزقج يارب ويفرح قلبج بالحمل السليم التام وتطلعين انتي والبيبي منه بصحة وعافيه
|
رد: خـآيفه..!
أم غلا
والنعم بالله والله اصلا قبل لا أحمل كنت خايفه ما أحمل الدكتوره قالتلي احتمال تكملي السنه ومايصير حمل وتوكلت على الله ودعيت واستغفرت وقلت يارب لا تخيبلي ظني وكذب كلآمها انت القادر على كل شيئ والحمدلله اربعة شهور وحملت وتم حملي خمسة شهور ولله الحمدل لكن رحمي الظاهر ماتحمل الثقل وانفتح وربي يعوضني بجنيني أنـآ والله متكله على ربي بس لابد من الخوف احس احيان اخاف لايتكررر نفس الشي لما احمل :( مع ان بعد مـآقريت عن هالرحم الحمدلله لقيت انه مافيه عوائق حمل ولا شي لكن احيان اجهاض والولاده قيصريه وانا راضيه بكل شي بس ابغا بيبي :( والشيطان بس يوسوسلي واخاف :( أستغفر الله لولو آمين يارب الله يسمع منك بهالشهر الفضيل يارب دعواتكم :) |
رد: خـآيفه..!
نفس حالتكالوسواس اكلني اكل
خسرت حملين الآن وخايفهْ يتكرر الي صار بس بتوكل ع الله والله يكتب لنا الي فيه الخير يارب يا رحييييييييم ارزقنيٓ وارزق إخوتي الحمل السليم الثابت ويقر عيونا بشووووفتهم ياارحمٓ الراااااااااحمين |
| الساعة الآن 09:32 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .