|
التلقيح المجهري والابر cetrotide 0.25 + Gonal f 450
السلام عليكم ورحمة الله وبركاته... حبايبي حبيت اسأل عن ابر Gonal f 450 و ابرة Cetrotide 0.25 كتبها لي الدكتور اعتقد للتنشيط لاني بادية بأطفال الانابيب وبسألكم ابر جونال اف اقدر اصرفها من مستوصف حكومي او من التعليمي بالدمام ...لان الدكتور يحسب علي الابرة الوحده بــ440 ريال واحتمال احتاج من 7 الى 11 ابرة...واذا في احد اشتراها ياليت تقولون لي بكم ... والله يرزقني ويرزق كل متزوجه بالذريه الصالحه.. |
رد: التلقيح المجهري والابر cetrotide 0.25 + Gonal f 450
بـــــــــــــــنــــــــــــــــــــاااااااات حرام عليكم ولا وحده ردت
طيب ع الاقل اللي اشترتهم تقولي كم سعرها..؟ والابرة الثانية Cetrotide لأيـــش...؟ |
رد: التلقيح المجهري والابر cetrotide 0.25 + Gonal f 450
بروح اليوم باخذ ثاني ابرة ..... الله يسامحكم ولا وحده ردت
|
رد: التلقيح المجهري والابر cetrotide 0.25 + Gonal f 450
طيب يابنااااات مين خذت ابر برافيل....
لان الدكتور كتب لي بالوصفه جونال اف بس اللي لا حظته اليوم ان اللي اشتريها من عنده برافيل تكفون ساعدوني وش الفرق ....وهل اقدر احصلها بالمستشفى الحكومي...؟ |
رد: التلقيح المجهري والابر cetrotide 0.25 + Gonal f 450
طبعا بعد المفاجأة الكبرى اللي تفاجأت فيها من اخواتي في المنتدى والغريبه عليهم لأن لي كم سنه واعرف تعاونهم
وتفاجأت بــ34 مشاهدة ولا رد من اي عضوة .... فاأنا لا اقول الا....حَسْبِـيَ اللّهُ لا إلهَ إلاّ هُوَ عَلَـيهِ تَوَكَّـلتُ وَهُوَ رَبُّ العَرْشِ العَظـيم . وهذا تفسيرها...عشان لا احد يقول اتحسب عليه(عباره عن دعوه للاكتفاء و الشعور بعدم الحاجه و كما نعلم ان السر احد ركائزه هو الشعور بالغنى و الاكتفاء .) والله يغنيني عنكم والله لايحوجني لكم ولكم من كل قلبي الف شكر وبوسه |
رد: التلقيح المجهري والابر cetrotide 0.25 + Gonal f 450
ياقلبي لاتزعلى ممكن البنات مادخلو ويكون المشاهدات للزوار
عموما انا جربت القونال اف وهذ لتحسين وتكبير البويضه اما التانى اول مرة اسمع بيه ربي يوفقك ويرزقك يارب ونفرحو بخبر حملك ياااااااااااااااااارب ولاتزعلى ياعمري وطمنيني عنك |
رد: التلقيح المجهري والابر cetrotide 0.25 + Gonal f 450
انا من الامارات ماعندي فكره فمستشفيات السعوديه بس اذكر اخذت انا لاسبوع ابر جونال اف 150 يمكن وبعدها اسبوع 250 القوه مالتها ومع ابر ثانيه بودره وسائل كلفتني 6000 درهم انتي ليش تعورين راسج ترا الادويه اذا كنت فنفس البلد وخاصه ابر مايتغير سعرها اذا لقيتي الابره ب ثلاثميه وشي بتحصلينها بكل الصيدليات نفس السعر
وانا دايمن اشتري من صيدليه مستشفى نيو مدكل سنتر اكيد عندكم منها والله يوفقج ويسر امورج يارب |
رد: التلقيح المجهري والابر cetrotide 0.25 + Gonal f 450
مرحبا حبيبتي ، اعذريني قليل إذا فتحت المنتدى ..
أنا نفسك بديت الخطوات يوم الخميس عشان العملية ، وآخذ أبر جونال إف ونوع ثاني بس لمدة يومين الخميس والجمعة ، وهو نفس فكرة إلا انتي عليه ونفس الجرعة ، بس شركة ثانية ... جونال إف سمعت الدكتورة تقول أنها بـ ٤٠٠ ريال وشي العلبة الوحدة ( إلا عندي فيها ٣٠٠ يونيت ) ، والثانية بـ ٢٠٧ ريال مكتوب عليها .. بالنسبة لي أخذتهم من أرامكو لأن زوجي يشتغل هناك ، بس أرامكو ما يعملون أنابيب ، فساعدوني بـ ٨ علب وان شاء الله يكفوني .. إلا أعرفه أنه مره صعب تاخذينهم من حكومة لو ما عندك ملف هناك ولا بتسوين الأنابيب هناك ، بس التعليمي عندهم أنواع من الإبر .. بس مرة صعبة بما أنك بدأتين على العلاج والتزمتين بشركة معينة .. الله يعينك على سعرهم ، مرة غالين ! بالنسبة للجونال إف فيها ٣٠٠ يونيت ، بس يظل منها كمية في الأخير داخل الإبرة .. اسألي دكتورتك عن هذا الموضوع ، ممكن تجمعينهم بدل ما ترمينهم / لأن مرة مُكلفين ! |
رد: التلقيح المجهري والابر cetrotide 0.25 + Gonal f 450
حبيبتي أنا أخذت هدول الإبر بس كميه أكبر وعنا بفلسطين بتعرفي إسرائيل عامله التامين الوطني والموت الممغنط للعيادة بنوخد الإبر خصم ٨٥ بالميه
إبرة ستروتايد عشان أتأخر التبويض وما يروح الموعد للتبويض . وجونال أف لزيادة البويضات وبالنجاح حبيبتي .. والله يرزقك اللي في بالك |
رد: التلقيح المجهري والابر cetrotide 0.25 + Gonal f 450
الله يجزاكم خير.......
والف شكر لكل. اخت ردعلى موضوعي.... والحمد لله اليوم سحبت البويضات والله يكتب اللي فيه الخير |
| الساعة الآن 12:25 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .