أرجوكم أفيدوني ؟؟؟؟
 

السلام عليكم
كيف الجميع ؟
قبل كل شي .. أنا ولدت في 15/6/2013
ولما صارلي 36 يوم والدة أخدت حبوب منع حمل لمدة 4 أيام وآخر حبة كانت يوم الأربعين ووقفت لأني تعبت على الحبوب وكانت وسيلتي لمنع الحمل هي المانع الطبيعي

بدي احكيلكم شو صار معي اليوم وبدي تفيدوني لأني متوترة ونفسيتي كتييير تعبانة لدرجة كنت بعيط
اليوم أجت علينا مرة عمه لزوجي وإحنا قاعدين نطت بتقلي شكله دمك ضعيف بقلها ليش ؟
بتقلي وجهك أصفر وعيونك ذبلانين كتير .. بقلها يمكن دمي ضعيف وسكتت
بعد بشوي بتقلي بتاخدي مانع حمل قلتلها لأ ما بآخد إلا هي بتقلي والله شكلك حامل ما دام مابتاخدي مانع
وبصراحة أنا زعلت كتير واتنكدت من هالموضوع مش لأني كرهانة أحمل بس لأنه وضعي مابسمح إني أحمل
المهم حماتي بتقلي أجتك الدورة ؟؟ قلتلها أجتني يوم الأربعين وقعدت علية 5 أيام
وفي 20/8 نزل علية شحطة دم بس كنت يوم 20/8 المغرب صار معي احتقان باللوزتين وسخنت
إمي حكتلي يمكن مع السخونة نزلت شحطة الدم ولما حكيت هاد الكلام لعمتي اليوم بتقلي هاد يمكن علامة حمل
وبصراحة أنا توترت كتيييير وما تحملت صرت أعيط لأنه انا وزوجي اتفقنا إنه بس تكبر بنوتتنا ونستقر لحالنا بنجيب بيبي تاني
وبعدين بنتي لساتها صغيرة كمان أسبوع بتصير 3 شهور وبترضع من صدري فقط
المهم رحت بعتت اشتريت كاشف حمل بنفس اللحظة ورحت حللت طلع إلي الخط الغامق وبعد 5 دقايق بين خط تاني خفيف جدا جدا
مع إنه أنا وزوجي ماخدين احتياطاتنا بس مابعرف ليش هيك صار وأنا بصراحة تعبانة كتيير ونفسيتي زي الزفت بعيد عنكم
ومش عارفة شو أعمل وحتى زوجي تنكد كتيييييييير وبقلي مستحيل كيف صار هيك
طيب هلأ لو حللت بالدم ببين أكيد إني حامل أو ما ببين ؟؟ طمنوني ؟؟

رد: أرجوكم أفيدوني ؟؟؟؟
 

حبيبتي روحي حللي بالدم بيبين مية بالمية و اسمعي نصيحة مني لا تتنكدي ولا تبكي ولا عبالك احمدي ربك في ناس بتتمنى تحمل شو هلحكي لو الله اعطاكي مليون و بعدها اعطاكي كمان مليون رح تزعلي احمدي ربك و اشكريه و ادعيلي الله يرزقني الذرية الصالحة

رد: أرجوكم أفيدوني ؟؟؟؟
 

الله يرزقك حبيبتي بالذرية الصالحة
إنتي فهمتيني غلط أنا والله منا زعلانة بالعكس أحب على قلبي
بس أنا وضعي حاليا ما بسمحلي لأني عايشة مع عيلة زوجي وغرفتي مو واسعة
وحتى بيت العيلة مو واسع يعني يلا يلا مكفينا
اتفقنا إنه بس نستقر لحالنا بنجيب بيبي تاني عرفتي ليش
لأنه وين بدي أحطهم هلأ لو صاروا اتنين يااارب تكوني فهمتيني
وأنا بكرة أكيد راح أحلل بالدم

رد: أرجوكم أفيدوني ؟؟؟؟
 

ان شاء الله بتجيبي ولد و بتشوفي على وجه كل الخير و بتستقري ببيتك الملك سدقيني انا وضعي زي وضعك بس انا ما عندي ولاد الله كريم كتير برزق عبده من دون حساب

رد: أرجوكم أفيدوني ؟؟؟؟
 

إنتي كام عمرك ؟؟ وقديش صارلك متزوجة ؟؟؟
الله يرزقك ويرزق كل مشتهي ياااارب
والله الأمومة حلوة كتييييير

رد: أرجوكم أفيدوني ؟؟؟؟
 

ياحبيبتي اذا صار حمل قولي الحمدلله
الله يكتبلك الخير

رد: أرجوكم أفيدوني ؟؟؟؟
 

احمدي الله ع السراء والضراء .. واسإلي الله خير ماكتب لك .. دامه خط خفيف ف اكيد حمل .. الله ييسر امرك ويريح بالك احنا عارفين احنا اللحين صرنا ب 2013 تنظيم النسل وترتيب وهذا شئ مهم بس اللحين وش تسوين غير تحمد الله يمكن فيه خير وكل مولوود بيجي الخير والرزق معاه

رد: أرجوكم أفيدوني ؟؟؟؟
 

مبروك الحمل حبيبتي...

بيقولوا ان الحمل الخطأ بيجي الولد تبعو غااالي كتير ع قلب امه..وبتحبه بجنون..

صارت كتير يا عمري...
توكلي على ربك..انا بعرف شعورك..لان انا كمان شكيت بعد نفاسي اني حامل وكنت ابكي..لاني متلك ماباخذ موانع وبرضع من صدري..
بس ماطلع حمل وارتحت :)

لا تتنكدي..سوي تحليل دم هرموني واارتاحي

..

رد: أرجوكم أفيدوني ؟؟؟؟
 

حبيبتي الله ييسر امرك..
وكل شيئ من ربي خيره الحمد لله..
بس سلفتي كانت شاكه انها حامل
وحللت وطلع خطين على طول وقامت تبكي
لان حالتها الصحيه ماتسمح وحلللت دم وماطلعت حامل ..

رد: أرجوكم أفيدوني ؟؟؟؟
 

سلام انتي ولدانة في مثل شهر ولدتي وجت الي الدورة يوم 19/9 وجتني مرة تانية يوم 19/10 وما اخذ مانع مثلك طبيعي ومثلك ما ابي احمل هلا وساكنة في بيت العايلة وقليل ما برضع طبيعي لان بنتي ما كانت حابة صدري عشان الحلمة كانت مسطحة والحين يوم طلعت صارت بس اعطيها اياها لازم بتشققها وتحرقني يمكنلان الحليب خف بس لو حملت ما راح ازعل مع اني ما ابي حاليا لان الله بيرزق من يشاء وفي ناس كثير محرومة وكل طفل بيجي على الدنيا بيجي معه رزقه واذا انتي متاكدة ان طلع لك خط تانيفانتي اكيد حامل لان نسبة هرمون الحمل اذا بين في البول فاكيد في الدم بيكون اعلى