مش عارفه اعمل ايه فيدوني ارجوكم
 

السلام عليكم ورحمه الله وبركاته
انا يا بنات كان عندي كيس علي المبيض والحمد لله عملت العمليه وشلته والدكتور طمني وقالي مافيش مانع للحمل حللت بعدها هرمون البروجسيرون وكان ماشاء الله 32 وحللت fsh. ,lh e2 , وهرون الحليب وكله كان تمام. وبردوا مش حصل حمل جوزي حلل عشان نشوف اذا كان التأخير منه وطلع عنده لزوجه وكانت عاليه المهم سافرت وسبته كذا شهر وهو بدأ ياخد في العلاج وحلل لما انا رجعت والحمد لله تحليل بقي كويس وبردوا مش حملت رجعت عدت تحاليلي لاقيتهرمون الحليب ارتفع وعندي تكيس بسيط انا المفروض بدأت اخفف وزني واخد جلوكوفاج ورحت لللدكتوره عشان اخد كلوميد الشهر ده واتابع تبويض بس كانت لسه نتيجه تحليل هرمون الحليب والدكتوره قالتلي خدي كلوميد وجلوكوفاج وارجعيلي يوم 12 دلوقتي انا مش عارفه اعمل ايه ولسه معادي معاها عليه اسبوع هو ينفع اتابع تبويض وانا عندي هرمون الحليب مرتفع ولا مش له لازمه واستني اعالج هرمون الحليب وبعدين اعمل تبويض ياريت اي واحده تابعت تبويض تفدني اعمل ايه انا بجد بدات احبط جدا كل ما حاجه تتصلح الدنيا تبوظ من الناحيه التانيه انا بقول هو ربنا مش رايد لي حمل دلوقتي عشان كده كل شويه تطلعلي حاجه شكل وبقول خلاص بقي استني ومش اعمل حاجه لحد ما ربنا يفرجها ياريت تنصحوني والله انا خلاص كل مازوجي يقولي هتعملي ايه مش لاقيه غير كلمه مش عارفه ومش عايزه ابهدل نفسي واخد في ادويه وتتلخبط هرموناتي وهو مافيش فايده مع العلم ان الشهر ده اخر شهر ليا مع زوجي وهسافر واسيبه مش اقل من 4 شهور ان شاء الله وحتي يوم ما نرجع نبي مع بعض تاني هنقعد مع بعض شهر واحد وبعدها 5 شهور علي. ما ارجعله اعمل ايه بس

رد: مش عارفه اعمل ايه فيدوني ارجوكم
 

ربنا يكتبلك الخير ان شاء الله بس انا اسمع انه لو هرمون الحليب مرتفع بنسبه بسيطه مش هيأثر في التبويض ولو البريود عندك منتظمه وكميتها مش بتقل .. كميه طبيعيه يعني يبقى التبويض كويس ... وفيه عُــشب اسمه قسط هندي بصراحه مجربتوش بس عرفت من واحده جربته بتقول انه بيظبط الهرمونات والتكيسات واي حاجه خاصه بالحاجات دي تقريبا وانه ظبطلها كل حاجه في خلال شهرين ممكن تسألي أي واحده جربته تفيدك اكتر وربنا يرزقنا جميعا يارب

رد: مش عارفه اعمل ايه فيدوني ارجوكم
 

كل تأخيره فيها خيرة ان شاء الله وتوكلي على الله
وربي يرزقنا

رد: مش عارفه اعمل ايه فيدوني ارجوكم
 

حبيبتي عالجي هرمون الحليب لانه مانع للحمل انشالله تشفي وتتعافي وتحملي هذا الشهر

رد: مش عارفه اعمل ايه فيدوني ارجوكم
 

لازم الهرمون ينخفض عشان المبايض تتنشط
لانه بالعاده يرتفع طبيعيامع الحمل فالمبيض يتوقف عن الإنتاج
أما ارتفاعه في غير فترة الحمل يعتبر مشكله لان المبيض بيتوهم بسبب الارتفاع انو فيه حمل فيتوقف عن إنتاج البويضات
أنا عندي مرتفع والدكتوره شرحت لي لازم ينخفض عشان تكون فرص الحمل أكبر والمبيض ينشط