|
بنات الله يرزقكم اسعفوووووني باسرررع وقت
شخباركم حوامل
بنات انا بالسابع وقرب موعد ولادتي الايام تمشي بسرعه ولا كنت لنفسي لاني عانيت ثلاث سنوات من عدم الحمل والحمدلله بعدها ربي رزقني وكان كل همي جنيني ولا كنت اهتم بشكلي وانا سمنت وبطني واردافي طلع فيهم تشققات وسمررت حيل وجسمي حيل جاف وشعري من حملت صابتني قشرره وشكلها مقزز ومن يخذ يومين كاني جايبه قارورة زيت وكبيتها ع شعري ابغى حل لسمنه وحل لشعر والقشره واسمار وابي شي يشد الجسم ويشيل التشققات والله زوجي يقول بعد ماتولدي ابي تنزلين وزنك واحس تفشلت منه حيل الحين كيف ابي البس بعدين وكيف اكون حلوه مثل اول واحسن الله يرزقكم اسعفوني وش اسوي في فترت نفاسي وايش الخلطات اللي استخدمها ومتى ابدا فيها ومتى اسوي رياضه قبل اجي زوجي والله انا اكبر خواتي وعمري 24 واخواتي بس توأم عمرهم 15 سنه توهم صغار وانا غشيمه وما افهم شي اتمنى من المشرفات ماينقلن موضوعي لاي قسم لان قسم فترت النفاس مافيه اي تفاعل واغلب المواضيع ماحد راد عليهم وانا ابي منكم تسعفوني قبل اتورط بعدين |
رد: بنات الله يرزقكم اسعفوووووني باسرررع وقت
ليش التطنيش وين الردود ???
|
رد: بنات الله يرزقكم اسعفوووووني باسرررع وقت
اولا يارب تولدي بسلامه
يا قلبي وأجملا ترى من تولدي جسمك ينزل يعني يروح تنفيخ الولاده وبعدا انتي نظمي غذائك من حيث الدهون والنشويات ترى كتير يسا عدك وبعد الاربعين او لتتحسني نهائيا من جرح الولاده التجئي للمشي والرياضه كتيررررر مفيد وخديها عاده اشربي زنجبيل كل يوم كوب كتير بيحرق الحريرات وبذوب الدهون والشحوم ومتل ما قلتلك مع نظامك الغذائي وبيرجع جسمك متل قبل انشالله دعواتك لي بالحمل |
رد: بنات الله يرزقكم اسعفوووووني باسرررع وقت
الله يتمم عليك ع خير ياقلبي وتقومين بالسلامه
وكل هالامور اللي قلتيها تجي ع الحوامل ومثل ماتفضلت الاخت اللي قبلي وفتره النفاس بترجعين زي قبل واحلى نصيحه مني اول اسبوعين لاتستخدمين حاجه ع بطنك ولاتحطين مشد ترى مضر وبعد الاسبوعين حطي في كريمات كثيره لتتفتح البشره والتشقاقات بعد الولاده وفي خلطه حلوه لتبيض عطتني اياه الدهانه ملعقتين فازلين وجلسرين الاحمر وفكس وليمون حلوه لتبيض وعن تجربه بالنسبه اذا طلعتي من نفاس ان شاء الله القص يحسن الشعر والوزن شوي شوي راح ينزل لاتحاتين |
رد: بنات الله يرزقكم اسعفوووووني باسرررع وقت
اول اسبوعين لازم تهتمين باكلك
وبعده ابدأي اعملي رجيم واستعملي المشد واشربي ماي كثير وسوي رياضه شوي شوي راح ينزل وزنك وبعدها قصي واصبغي واشتري لبس جديد |
رد: بنات الله يرزقكم اسعفوووووني باسرررع وقت
نظمي غذائك وجسمك بيتصلح انشالله
|
رد: بنات الله يرزقكم اسعفوووووني باسرررع وقت
اولا يارب تولدين بالسلامه
واهم شي علشان ينزل وزنك انك تهتمين باكلك في النفاس مولازم تصير النفاس مفجوعه ولا تعمل رجيم تنظم اكلها ابعدي عن الخبز الابيض وكثرت الزيوت والمقالي كلي وجباتك كامله لكن بكميه معقوله اشربي مشروبات النفاس بدون سكر التمر كفايه ومع الرضاعه راح ينزل وزنك ولما تتحسنين ابدي بالمشي حتى لو في بيتك ورياضه خفيفه (لان الكل عارف انتشار الجلاطات وخاصه للنفاس) اما جسمك فراح تتعبين من الالوان والخطوط لكن مافي شي مستحيل وان شاء الله ارسلك اشياء ع الخاص بس انتظري اجمعها |
رد: بنات الله يرزقكم اسعفوووووني باسرررع وقت
اقتباس:
وبعد الولاده ان شاء الله راح ترجعين مثل قبل واحسن مع الاهتماام . الله يتمملك ع خير ... |
رد: بنات الله يرزقكم اسعفوووووني باسرررع وقت
حبيبتي الحمل يغيير من شكل جسمك ولون بعض المناطق بالأخص الحساسه والآطراف و هالشيء طبيعي جداً والمفروض زوجك يقدر هالشيء .. بس الله يهديه ...
في آجسام بعد الولاده بفتره قصيره ترد ترجع بس مو نفس ما هي يبيلها وقت تقريبا 8 اشهر اقل بشوي أو اكثر عشان ترجع مثل قبل ... وفي اجسام تظل بهالوضع لفتره طويله .. وفي اجسام تتأثر مع الرضاعه مو بس الحمل ... وفي أجسام تتأثر من عوامل المباعده كحبوب منع الحمل وأبر منع الحمل تخلي هالاجسام تزيد ف الوزن او تنقص حسب الجسم ... الجسم بهالفتره يمر بتقلبات هرمونيه والدورة غير منتظمه ... يبيلها وقت تنتظم .. حبيبتي انتي بعد الولاده اجتهدي سوي اللي عليج روحي الصالون سوي سمكره كامله لجسمج والارداف .. وشعرج حاولي من الحين تهتمي فيه انصحج بالاسبوع مرتيين او ثلاث مرات تغسلينه شامبوه وتسويله بالاسبوع مرتيين حمام زيت تكثرين منها وهي ما تأثر ع الحمل بالعكس مغذيه لشعر وتطريه .. وسوي رياضه .. واللبسي الاحزمه اللي يبيعونها للكرش البسيها بعد الولاده.. واذا لا سمح الله كانت ولاده بعمليه لا تلبسينها الا لما تلتأم المنطقه بالاول ... وفهمي زوجك أن كل جسم يختلف عن الآخر وكل جسم يبيله وقت على حسب الهرمونات وطبيعته ... ان شاء الله ترجعين مثل قبل واحلا واشرق وابهى من قبل .. لمن تشوفين النونو وتقر عينج ان شاء الله يتفتح ويهيج تلقائياً ومع اهتمامج فيه والرضاعه تصيرين رشيقه وحلوه .. الله يهون عليج الحمل ياااا رب وهذا اهم شي حالياً |
| الساعة الآن 03:45 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .