اللم فضيعه جهه اليسار وخاصه الورك :/
 

السلام عليكم ورحمه الله وبركاته


اهلين خواتي انا اكلكم وحاليا مو قادره انام من اللم الورك

من السادس بدت معاي بس اليوم جايني شي لايطاق

نايمه وكل شوي اقوم من الالم الحين ماقدر انسدح

اللم شددددديد بالجهه اليسار من جسمي وخاصه الورك وينزل على تحت واسفل ضهري

والغريب كله من الجهه اليسار مع اللم اسفل بطني وتحجير

طبعا انا بالتاسع وش اسوي خواتي شكيت انه طلق

بس مابي اروح للمستشفى الين تجيني علامه واضحه ،، فيه شي يخفف !!

طمنوني خواتي والله تو نايمه وانا جالسه ماقدر انسدح ابد من قو الالم

والحين مو عارفه وش اسوي

ربي يسهل ويهون علي وكل الحوامل ويرزق كل راغبه بالحمل


يارب فرج كربه كل وحده ترد علي وتفيدني لو بدعوه وحرمها ووالديها عن النار

رد: اللم فضيعه جهه اليسار وخاصه الورك :/
 

حبيت اذكر شغله بعد انا التحجير من بدايه التاسع يجي ويروح

بس لي ثلاث ايام اغلب وقتي بطني يتحجر بقوووه ؛(

رد: اللم فضيعه جهه اليسار وخاصه الورك :/
 

الله يسهل عليك ولادتك ولايحرمك شوفة جنينك بصحه وسلامه

انا بولادتي الاولى )بكر( جاني الم في اليسار مصحيني من نومي وبعدين بدت مغوص خفيفه واستفراغ واسهال الله يكرمكم
وبدت تزيد الالام ونزلت علي المويه
انتي باين انه طلق بس اذا بكر روحي لاتتاخري بذات اذا كان الالم متواصل


دعواتك لي باقي اسبوع وادخل التاسع

رد: اللم فضيعه جهه اليسار وخاصه الورك :/
 

^

يارب مع اني خايفه بس اتمنى اولد اليوم قبل بكرا :(

وانا مو بكر هذي ثاني ولاده وعشان كذا مابي استعجل واروح ويصير مثل ولادتي الاولى اطول بالمستشفى واتعب منهم :(

الله يتمم لك ويسهل علي وعليك ويجعل ولادتنا سهله سريعه ميسره ويرزقنا الساعه الطيبه ويسخر لنا عباده يارب

رد: اللم فضيعه جهه اليسار وخاصه الورك :/
 

الله يسهلك حبيبتي

لاحظت انو اغلبية الحوامل في الشهور السوطى يشكون من نفس حالتك فأتوقع طبيعي

بس بما انك بالتاسع يفضل اختي تستشيري طبيبك

رد: اللم فضيعه جهه اليسار وخاصه الورك :/
 

حاولي تشربين اشياء ساخنة تخفف الالم مثل الحلبة في الشهر التاسع زينة للولادة لانهاوتسهل
واقري ايات ومعوذات على بطنك وان شاء الله تكون هذي الاعراض علامة طلق وولادة احتمال الجنين افتر وصار راسه بالاسفل استعدادا للنزول
ربي يسهل عليج ان شاءالله وتبشرينا بسلامتج وسلامة البيبي

رد: اللم فضيعه جهه اليسار وخاصه الورك :/
 

الله يهون عليك حبيبتي ويسهل ولادتك

رد: اللم فضيعه جهه اليسار وخاصه الورك :/
 

والله يالغلا انا نفسةالحاله لي شهر انا بالجهه اليمنى

باخر الشهر السابع الله يعييين


بس ماتوقع ولاده لاتستعجلين اذا مافي اعراض ثانيه يتعبونك والله يعظم اجرنا

رد: اللم فضيعه جهه اليسار وخاصه الورك :/
 

الله يجزاكم الجنه ويحرمكم ووالديكم عن النار

صدق ان ردودكم تجيب الراحه الله يخلي لكم كل غالي

قدرت انام بعد جهد وللحين مستمر معاي الم بس اخف من امس :(

وهلكني هالتحجير الله يسهل علي وكل حامل

وبالنسبه للجنين الحمدالله من الثامن وراسه تحت بس مانزل للحوض :(

عاد اتمنى تكون هالام بسبب نزوله للحوض مع اني احس بطني مازال مرتفع ولا ماله دخل !!

رد: اللم فضيعه جهه اليسار وخاصه الورك :/
 

اعتقد عادي انا دائماً تجيني بين كل فترة ! بس افضل شي تشوفي دكتورتج كل وحدة تختلف الله يسهل عليكي حبيبتي ..