منتديات حوامل النسائية - استخيري ربك عشان ترتاحي

منتديات حوامل النسائية (https://naqatube.com/index.php)

- منتدى أعراض الحمل والوحام (https://naqatube.com/forumdisplay.php?f=8)

- - استخيري ربك عشان ترتاحي (https://naqatube.com/showthread.php?t=292092)

استخيري ربك عشان ترتاحي

انا من تقريبا شهرين غيرت دكتورتي و رحت عند وحده ثانيه و ارتحت عندها كثير بالرغم انها ما اعطتني تنشيط و لا ادويه غير الدينكستون و الهاي كروم

و الله يا بنات ما شاء الله على هذي الدكتوره تفتح نفسك بكلامها و ما تستغل الناس بالتحاليل الغاليه بدون فايده و كمان اذا كانت التحاليل غاليه تقول سووها بمستشفى عام و جيبوا النتيجه يعني تراعي الناس ما شاء الله عليها
و اخر مره جيتها كلمتني و انا ابكي عندها لاني بكمل سنتين بدون حمل رغم كل العلاجات اللي اخذتها تدرون ايش قالت لي !
قالت دعيتي ربك قلت ايوه قالت صليتي استخاره قلت لا ليش ايش دخل
تقول انصحك تصلينها كل ما حسيتي بضيقه و حزن و استخيري ربك و قول ي اذا كان الحمل خيرا لي فاكتبه لي و بارك لي فيه و اذا كان الحمل شرا لي في ديني و معاشي فاصرفه عني و اصرفني عنه طبعا بدعاء الاستخاره و بعدها اذا ربك كتبلك حمل بهالشهر خير و بركه و اذا لا فترتاحي و تعرفي انه شر لك لو حملتي فهذا الشهر و وقتها تعرفي ان فيه حكمه لعدم حملك حتى لو ما فيه أي مانع له
و اما عن كلام الناس فالناس ما راح يسكتوا سوا حملتي او لا اللي تجيب عيال كثير يقولوا يا حرام ما ترتاح و اللي ما عندها يقولوا يا حرام ما عندها احد يسليها و من الكلام لا يعد و لا يحصى فليش تتعبي نفسك بالتفكير و انتي عارفه مهما سويتي حيتكلموا عليك
برضوا اذا حسيتي بحزن و ضيقه من كلامهم روحي صلي استخاره و قولي في الدعاء اذا كلامهم عني خير لي في ديني و معاشي ......... الخ
و الله راح ترتاحي و اذا كان كلامهم شر لك حتشوفي سبحان الله انهم راح يسكتوا و ما يتكلموا عليك لا قدامك و لا وراك و ينشغلون باشياء ثانيه

انا لي 5 ايام اتبع نصيحتها و الحمدلله مرتاحه مع انه باعتقادي هذا الشهر ما فيه تبويض عندي فاقول ان شاء الله خير لي لاني استخرت ربي بهذا الشئ

و قالت لي قصه تقول جات عندي وحده عندها بنت معوقه من الولاده و عمرها 5 سنوات و زوجها يبغاها تحمل و هي حطت اللولب عشان ما تحمل لانها خايفه يجونها عيال معوقين بحكم الوراثه او القرابه تقول هي جاتني عشان تستشيرني تحمل او لا و تشيل اللولب فقالت لها روحي هذا الشهر و استشيري رب العالمين و صلي استخاره
تقول الدكتوره بعدها بشهر جتني و تقول يا دكتوره مو مصدقه انا حامل و مركبه اللولب قالت الدكتوره شفتي يعني ان شاء الله خير لك و ربي كاتب لك هالشي مع انك مركبه اللولب تقول شلت لها اللولب و كمل حملها ما شاء الله

ان شاء الله تستفيدوا و جربوه و الله راح ترتاحون احسن من العذاب النفسي اللي نحسه كل شهر مع نزول الدوره و نقول ليش ما حملنا دهذا خير لك ما دمتي استخرتي ربك

hwaml7hwaml7