المشاركة الأصلية كتبت بواسطة marawy (المشاركة 3761388)

ربي يعينك ويعينني ويعين كل ام تعاني من هالمشكله
للاسف الحال من بعضه بنتي عمرها سنه ونص ومجرد تسمع اسم الاكل تصرخ لا قبل تذوقه ومتعبتني معاها حيل ربي يحفظها

من يومين ابوها اتخذ معاها نظام جديد وهو انها تعتمد على نفسها بالاكل وما نجبرها على اي اكله هي ماتحبها
وصحيت الصبح شفته فارش لها مفرش ومخليها تاكل وتشرب عليه بنفسها وما شاء الله استغربت ان هالطريقه مشت عليها وصارت تاكل افضل من قبل بشوي ..
لكن للحين اعاني نفس المشكله لما يكون الاكل سائل ومضطره اوكلها بنفسي ..

وبالنسبه للطلعات اخذي معاك انواع البسكويتات والاكلات الخفيفه اللي تحبها والموز والتفاح ينفع للطلعات كثير .. بالاضافه انك تشتري لها من بره لو متوفر بطاطس او ذره او اي شي ينفع لها

اتمنى افدتك وربي يحفظ لك بنتك ويخليها لك يارب