منتديات حوامل النسائية - قصة ولادتي قدر الله وماشاء فعل

منتديات حوامل النسائية (https://naqatube.com/index.php)

- منتدى الولادة المبكرة والإجهاض (https://naqatube.com/forumdisplay.php?f=14)

- - قصة ولادتي قدر الله وماشاء فعل (https://naqatube.com/showthread.php?t=30596)

قصة ولادتي قدر الله وماشاء فعل

فجأه وبدون سابق انذار حسيت بآلام اسفل ظهري وبطني الصباح وانا نايمه الآم تروح وتجي كنت كل شوي اصحى وارجع انام وانا بكريه مادري وش السالفه الين صار العصر وصحيت وبرضوا الآم صارت تزيد كل خمس دقايق وقلت يمكن براد داخل فيني وسكت وكنت صايمه دخلت المطبخ قلت بسوي لي فطور بس ماقدرت من شدة الآم وصار المغرب وطلع معي افرازات ودم اكرمكم الله بعدها كلمت اخت زوجي وقلت لها قالت هذا طلق وهنا انصدمت لاني لسى ببداية السابع كنت لحالي فالبيت كلمت على زوجي كان بالدوام وجاني ورحت للمستوصف قالت لي الرحم لسى ماانفتح بس عندك طلق مبكرروحي للمستشفى الي تراجعين عنده بسرعه الحين وانا مارحت الا الساعه 12 بسبب ظروف دوام زوجي ووالمسافه مره بعيده قالوا الرحم مفتوح ثلاث سم قالولي ولاده بس بنحاول نوقف الطلق وقتها مت من البكي والممرضات والدكتوره يهدون فيني يخافون يرتفع ضغطي وضغط البيبي وطلبوا الاستشاريه لان الدكتوه خافت من حالتي قالت الاستشاريه افضل ودخلوني غرفة الولاده والطلق كلما له يزيد واحس بالموت اكثر بديت اصارخ من الطلق اقولهم ولدوني وصارت الساعه 6 الصباح وجت الاستشاريه قالت الرحم مفتوح 9 سم وولدت الحمد لله يارب بالسلامه وجبت خالد بس كان مررره تعبان كان وزنه 900 غرام قالوا انه ماراح يعيش كان معه نزيف بالرئه ونزيف بالدماغ وكان ضغطه مرتفعه وقلبه تعبان بس سبحان الله ربي كاتب له انه يعيش وقف نزيف الرئه بعد 4 ايام سبحان الله وكان على جهاز التنفس لان رئته مااكتملت وفيه فتحه وطول على جهاز التنفس ومع الايام بدو يخففونه بعدين صار على الاكسجين وبرضوا طول عليه لين شالوه ويرجعون يحطونه لانه يختنق لين كتب ربي والحمد لله شالوه ونزيف الدماغ كان مرتفع بس الحمد لله نزل وجته وهو بالحضانه الجرثومه المتوسطه والتهاب بالعين بس الحمد لله يارب ربي شافه منها وكان عايش على المغذي بعدين بدو يعطونه الحليب بكميات بسيطه عن طريق الانبوب و الحمد لله بعد ماشالو الاكسجين بدو يعطونه بالرضاعه وسعرات حراريه عاليه عشان يزيد وزنه وجلس بالحضانه شهر ونص تقريبا بعدها كتبوله خروج كان اول يوم تمام الحمد لله بس كان يطول بالرضاعه مرره اجلس ارضعه من ساعه ونص الى ساعتين واليوم الثاني بدا ينكتم ويصير ازرق وعلى طول رجعته لهم وكشفوا عليه بس مايدرون من وين هالكتمه والزراق الي يجيه وكتبوله تنويم تحت الملاحظه واستمر معه الزراق بس اخف من اول وكتبوله خروج بعد اسبوعين بس مازالت الكتمه معه ويزرق خفيف ويالله يالله يرضع يرضع شوي ويتنفس شوي الحين له اربع ايام عندي وربي احس اني بموت من كثر الوسواس بس اطالع فيه اشوف هو يتنفس ولالا وعطيه امي ساعتين انام ولاارتاح بنومي وربي احلم فيه مااقول الا ربي يشافيه يارب ويعافيه ويخليه لي اللهم امين واسفه حبيباتي ادري اني طولت عليكم بس قلت يمكن احد فيكم مرت عليه حاله مثل حالت خلودي حبيبي ويطمن قلبي اقل شي ارتاح شوي ياليت الي عندها فكره تفيدني اكيد حاسين بمعاناتي مااقول الاربي لايوريكم مكروه يارب