|
عملية
السلام عليكم ورحمة الله وبركاته
شخباركم ؟ ربي يكرمنا بالذرية الصالحة جميعا .. بنات بسالكم عن عملية اطفال الانابيب .. انا وايد قريت عنها وعرفت الها بس عندي بعض الاستفسارات .. مثل ماعرفت ان قبل عملية السحب البنت تاخذ ابر ؟ كم ابر تاخذ ؟؟ وفوين تنطق في اليد او الفخذ او ؟؟ وهل تكون ثقيلة ؟ وعقب بكون يوم السحب يكون لازم تخدير كامل ؟ وشلون طريقة التخدير يطقوني ابر وانام فوين يطقوني الابر وهل تألم؟ انا واااااااااااااااااااايد اخاف من شي اسمه ابر .. ع العلم ان الحمد لله نتايجي سليمة بس زوجي .. |
رد: عملية
و عليكم السلام و رحمة الله
حبيبتي الدكتور يحدد لج نوع البرنامج اللي راح تمشين عليه (قصير ام طويل ) على حسب الفحوصات و العمر و بعدين يحدد لج نوع الابر و الكمية على العموم هي فترة شوي صعبة بس تمر بسرعة انتي من اي بلد ؟ و الله يوفقج و يسهل امورج |
رد: عملية
بالحقن المجهري حتى لو السبب من الزوج هو كل شي يسوونه معك انت
اول شي ابر نوعين وحدها تحضيرية وهذي بالبطن ووحدة تنشيط وهذي بالعضل عدد الابر وحدة باليوم من كل نوع لكن تختلف الجرعه بابره التنشيط بحسب الحالة بس هي وحدة من بعد الاسبوع تبدأ متابعه التبويض ولما تصير البويضات مناسبه تاخذي ابرة تفجير وبعدها ب36 ساعه السحب والسحب ببنج كامل ابرة وريد زي المغذي وكمام لحظات وانت طافيه وبتصحين مافيك الا العافية ممكن مغص بسيط يعني بنادول يكفيه وممكن ماتحسي بشي ابد وبعد يوم يحددولكم حاله الاجنة ويوم الترجيع المناسب وبعدها ب14 يوم التحليل هذا الملخص .. وطبعا في تحاليل تتسوا بحسب الحاله ومدة الابر تطول او تقصر بحسب الحاله بس بحالتك غالبا بتكون كذا المشوار مو سهل لكنه مو صعب خلك متفائلة وربي يكرمك ويقويك ♥ انا عندي فوبيا من الابر مو بس اكرهها وشفيت من زود ماكلت بهالابر هههههه هي تحرق شووي يعني خذي نفس عميق ولحظة وبتنتهي.. اجر يارب ♥ |
رد: عملية
حبيبتي ابر التنشيط مختلفة وحسب العمر
ع العموم اكو ابر تحت الجلد كنت اظربها في ايدي حسب رأي الطبيب واكو ابر تنشيط عظلية وفي تحت الجلد وهاي يحددها الطبيب المعالج حسب عمرك اني من فظل ربي كنت اظرب الابر لنفسي وحدي ياعمري لو زوجي يظربني والف الحمد لله ربي يسهلك امرك انتي والجميع تحياتي |
رد: عملية
اابنات وضحو ماقصروا
حبيت اضيف الاستغفار والاستوداع لله لاينفك من لسانك اسأل الله ان يرزقني واياك بالذريه الصالحه |
رد: عملية
مشكورين بنات على التواصل ..
اني عمري 22سنة قاعدة وايد افكر في الموضوع تعباااانه ومابي اتكلم لزوجي اخاف يتحسس او شي كل ما احاول ابعد موضوع العملية عن بالي ماقدر اقعد مع الناس واطلع لكن تفكيري في الشي واطيح دموعي الله كريم |
رد: عملية
الله يسر امورك ياااااااااااااااااارب
|
رد: عملية
البنات ماقصروا في الشرح وهذا الي حصل معي ابر بس حسب طريقة استجابتج انا عمري ٢٥سنة
بس ماتخوف حته الي تحت الجلد ماحس فيها ابد واخلي زوجي يضربلياهه حتى يشاركني في كل لحظاتي ولو مع الاسف بيوم ترجيع الاجنة سافر بس الحمدلله انه بيوم السحب كان موجود وبعد البنج يعطوكي ابر بالمغذي مسكن ووراهه يروح الالم اهم شي النفسية لازم تكون مرتاحه وكله بامر الله سبحانه وتعاالى انتي بديتي بالبرنامج لولا؟ |
رد: عملية
حبيبتي توكلي على الله
ﻻن عمرك كلش مناسب نسبة نجاح العملية تعتمد على العمر كل ماكان عمر المرأة من 20 الى 35 الاحد الاقصى تكون نسبة النجاح اعلى بلاعمار الصغيرة |
رد: عملية
اهلين ..
اني لحين مابديت في البرنامج بس لان الدكتور حدد علاجين واحين زوجي ماشي فيه اذا ماصار نتيجة بنروح للحل الثاني الانابيب ويارب يارب ما نحتاجه تتحسن النتيجه بهذا العلاج مشكورين حبيباتي الله يكرمنا بالذرية الصالحه ياااارب |
| الساعة الآن 03:38 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .