منتديات حوامل النسائية

بسم الله الرحمن الرحيم
بالحمد لله ولدت قبل عشرين يوم وجبت بنوته زي القمر على مامتها hwaml02
طبعا تعرفون العذاب والانتظار قبل الولاده والاحباط hwaml15
انا طبعاً ماخليت شي ماسويته مشيت وحبيت وشربت واكلت كل شي يقولون انه يولد بس ماطلع الا باليوم اللي ربي كاتبه hwaml16
المهم قبل اولد كان يوم السبت اخذت قهوتي مع زوجي وطلعنا للبر لاني مبعده الولاده من كثر ما انتظرت hwaml7
وافصخ جزماتي تكرمون وابدا امشي بالرمل وادعي دعاء الكرب المهم ماطولت لانه كان برد hwaml14
وارجع واحط لي منبه عندي محاضره الساعه 9 الصباح وانام
واقوم الساعه 4 وانا احس بوجع ببطني واروح للحمام والاقي دم hwaml03 انبسطت بس خفت لاني ماكد فكرت كيف بولد كنت اتجاهل ومابي افكر بالولاده والامها وطاح الفاس بالراس hwaml7
المهم واجلس افكر. وش اسوي؟ مابي اكلم ماما لان عندها ضغط وتخاف وتوسوس وتصير حالتها حاله hwaml15
قلت اصبر لين تقوم لدوامها واقولها واصبر مع الطلوق لين 7 قلت بكلمها لاني بكريه وجاهله بهالامور اخاف يصير مايصلح استنى ويضر البيبي :( كلمتها وقلت لها قالت اشربي قرفه و روحي للمستشفى اذا قالو لك ولاده كلميني حتى اجي لانها كانت بدوامها
واروح اصحي ابو الشباب قال مو بتروحين لدوامك 9؟ قلت بروح اولد ويقوم مفجوع hwaml03
المهم شربت القرفه ورحت قالت لي مفتوح 3 سانتي ويودوني ويحطون بي جهاز متابعة الطلق ونبض البيبي hwaml10
واستنى مع الطلوق مذهوله من الالم طبعا جا دكتور قال لازم افتح موية الرحم حتى تعجل الطلق وفتحها وقال البيبي متبرز هفيف بالرحم بس مدام نبضه سليم اماراح يصير شي وراح وابدا ادعي وادعي لين خلاص ماعدت اتحمل الوجع اكثر
hwaml15
جاء مره ثانيه قال مفتوح 6 سانتي بس النبض ضعف لازم عمليه انا هنا انصدمت لاني مافكرت ابداً اني راح اولد عمليه :(
واقلبها مناحه وصياح ولاني لحالي مامعي لا ماما ولاحد زادت الطين بله المهم واكلم ماما قلت لها يقولو عمليه قالت عادي يابنتي الحين كل الناس يسوو عمليات وتهون علي وهي خايفه اكثر مني ههههههه
المهم وقعت ع الورق وبسرعه غرفة العمليات وانا ابكي والناس يهدوني والحمد لله صار من حظي احسن الدكتورات :)
المهم كنت ابكي ودكتورة التخدير تقولي ليش تبكي تحسي بالم ماتخدرتي؟ قلت لا خايفه خخخخخ
المهم ماكنت احس بشي ابدا كنت طالبه بنج نصفي وماحسيت الا بنتي تبكي وازود ابكي معها واحمد ربي على هاللحضه الله يرزق كل محرووم بكيت لين حسيت دموعي خلصت hwaml03
ويطلعوني لغرفة الافاقه واسمعه ياذن حسبته الظهر واشوف الساعه الا هي 6الا ربع المغرب شلون ماحسيت ابداً
واطلع والقى امي تبكي بالجناح وزوجي من الصبح ينتظر
وانا كنت ع الصامت بس سارحه وافكر باللي صار لي خخخخخ
صدمه نفسيه ماتكلمت الا بعد ثلاث ايام خخخخخ
حسيت نفسي ضعيفه ما اقدر اتحرك الا بمساعدة ماما حتى ملابسي ماقدر
يالله حسيت بقيمة العافيه اشياء كثير ناسين نشكر ربنا عليها
وانا امر بكل هالحالات افكر شلون الناس يحملون ويولدون ثانيه وهم مجربين هالتعب hwaml7
قلت لزوجي خلاص مافيه الا هالوحده انسى هههههههه
الحمد لله على كل حال والله لايذوقكم العذاب اللي ذقته ويجعل ولاداتكم سهله يسيره hwaml13