|
بيتزوج الثالثه
بنات ابي اخذ رايكم او على الاقل لو تعليق انا قصتي طوييييييييله وعانيت بحياتي وربي معطيني قوه ياربي لك الحمد على كثر ماشفت بحياتي المهم يابنات زوجي يقول بياخذ الثالثه مع انا ماخذين بعض عن حب وضحيت بعملي وبنتي من زوج سابق واهلي وحياتي عشانه وعاقولته اهو يحبني وانا امووووووت بارضه الي يمشي عليها وماشوف بالدنيا الا اهو وعرض عليه واحد بالدوام وحده من قريباته واحنا الفتره الاخيره بينا مشاكل ويقول انه تعب من مشاكلي مع اني بسيطه وطلباتي الي ابيه يحققها من حقي ماطلبت شي ومو مقصره معاه بشي وعاوشك ولاده ويقول احتمال اتزوج وانتي نفاس بذمكتم هذا كلام اصلا مالي الا سنتين متزوجته وانا مطلقه مرتين واخاف اكره واخسره وانا احبه انا بطبعي غيوره عليه من الهوا كيف بتحمل ياخذ الثالثه والحمدلله علاقتي طيبه مع زوجته الاولى ومتفقين واحبهم انا افضل انفصالي عنه على انه ياخذ وحده علي لاني خسرت امور غاليه عاقلبي وتسببت بضررهم بسببه لما اقعد مع نفسي اندم على الي راح والوم نفسي كيف كنت انانيه وخليت ناس هم بأمس الحاجه لي ورحت ورى سراب وبنيت احلام عليها 0 بنات انا اخاف اطلب الطلاق واتعذب لاني احبه وحبه يمشي بدمي ومابي طفلي يعاني مثل بنتي واخاف اهلي ينصدموا وياخذوا مني موقف بسبب طلاقاتي واخاف اندم لان الندم صار تيعبني ويخليني اكره نفسي وحياتي وشرايكم بنات اقعد عاذمته ولا انفصل وابدى حياتي من جديد لاني مجروحه منه وماقدر اشوف حبي الوحيد بحياته احد غيري او لاهي عني او متغير ماقدر اتحمل ان الي سويته عشانه مابان بعينه وطعني تكفون بنات وش اسوي ؟؟؟ ابي رايكم غير الدعاء والاستخاره والاستغفار لاني ملازمتها ابي اعرف لو انكم مكاني وش بتسووا؟
|
رد: بيتزوج الثالثه
والله يا اختي انا برايي انه تبقين على ذمته انتي عندك بينت مسكينه والحين طفله اهو وبعدين ايش فرق الغيرة وهو اصلا عنده وحده ثانيه ؟؟!!ولا تنسين انتي مطلقه مرتين ما فيكي تطلقي مرة ثالثه صعبه جدا ؟؟!! انتي مثل ما قبلتي تاخذين رجل متزوج كنتي لازم تتوقعين انه في يوم من الايام يسوي معاج مثل ما سوة ويه الاولى >>>معليش انا كلامي قاسي شويه بس هاي الحقيقه يعني مثل ما تزوج على الاولى بيتزوج عليكي هذا شي بديهي لازم تصبرين كيف تقولين لا اهلك انك بتتطلقين مرة ثالثه ماااااايصير يا اختي بعدين انتي تقولي علاقتك ويه الاولى تمام والحمد لله وتحبوا بعض اساليها قوليلها كيف صبرتي انه يتزوج عليكي وهي بتصبرك وتعطيكي من صبرها ومثل ما قلتلج اقعد في بيتك وربي اطفالك وما فيك تطلقي مرة ثالثه وانتي بتقولي انك تحبي عسا ربي يحنن قلبه عليكي وعلى الاولى واذا اجت الثالثه ان شاء تكون طبيه وتعيشوا مثل الخوات مع بعض ...
بس انا عندي سؤال اذا زوجك مو قادر يوفر لك كل طلباتك مع العلم انتي تقولين قليله كيف بيقدر يتزوج ثالثه ويعدل بينكم ويوفر لكم كل شيء؟؟!! |
رد: بيتزوج الثالثه
الله يكون بعونك ويسخر لك زوجك ويهدي قلبه...
|
رد: بيتزوج الثالثه
اختي قطرات الندى بالنسبه لزوجته لاولى مافي حب بينهم وهي جالسه بس عشان عيالها وماهمها زوجها وكمان شخصيتها غير تماما عني انا عاطفيه جدا وغيوره عازوجي وهو قبل الزواج وعدني اني بمقابل تركي للعمل والتضحيات الي بقدمها ماراح يتزوج علي او يخوني وبالنسبه للفلوس انا تزوجني وهو مديون ومستعد ياخذ قرض ويتزوج ماعنده مشكله
|
رد: بيتزوج الثالثه
حبيبتي لازم تفكري منيح قبل ما تاخدي قرا الانفصال لانك متل ما كتبتي مو اول انفصال
وبعدين شو هالحب يا قلبي لونو بحبك ما بفكر يتزوج عليك يا عمري ولله مابعرف بهالرجال هاي على اقل مشكلة بتصير بدها تترك وتتزوج الله يهدي زوجك ويسخرلك ياه يارب حبيبتي لا تزعلي ولا تهتمي وكلي امرك لله لانك على وجه ولادة يا قلبي وانت لازم تكوني مهيئة بجو اسري هادئ كرمال البيبي وحليبو والنفاس الله يتمملك على خير يا عمري ويهون ولادتك وانت عمتولدي ادعي ياقلبي لربك انو يشيل ربك من راسو موضوع هالزواج هاد طمنينا شو بصير معاك حبيبتي |
رد: بيتزوج الثالثه
عاقولتك توأم كوكي ربي يسعدك المفروض اريح راسي وانتبه لنفسي والبيبي والله ياتوأم ان كانت تمر علينا ايام نتمشكل فيها ويكون اهو غلطان انا الي اراضيه واحيانا يعرف انه غلطان واقول خلاص انا تعبت بروح بيت اهلي يجلس عند رجولي يبكي ويقول احبك مااستغني عنك وهو يقول اني متعبته واختلق المشاكل معاه ومو فاهمه شخصيته ويبغى يخف حبه لي بزواجه من وحده ثانيه
|
رد: بيتزوج الثالثه
والله يأختي الله يكون بعونك
انصحك ماتطلبي الطلاق خليك على ذمته و يصرف عليك ويتكفل بعياله هالزمن نفسي نفسي وماحد يتحمل احد واذا تزوج لاتقهرين عمرك اصبري واحتسبي وكملي مشوار حياتك حتى لو ماتقدرين لكن حاولي والله ييسر امرك |
رد: بيتزوج الثالثه
صراحه مدري وش اقول
الله يكون بعونك ويثبتك ويسخر قلبه لك يارب |
رد: بيتزوج الثالثه
اقتباس:
والله يا حبيبتي الرجل عنده الحب غيييييييييييييييير عن الجنس لا تصدقي واكو مثل يقول اذا قلب المراه حجرة وااااااااااااحده فقلب الرجل حجرات وازيدك من الشعر بيت يعني في رجااااااااال في هالدنيا ما وعد زوجته قبل ما بدخل عليها انه مرااااااااااااح يتزوج عليها كلهم يقولون كذا بالاول وبعدين تلف عقلهم وحده ويتزووووووووجون عشاااان الرجل يقدر يحب عشرة سوة وعلى كلام زوجي يقول المراه اذا حطولها 10 رجال بتختار واحد حنين ورمانسي وبس اما الرجل اذا حطوله 10 نسوان راح يختار اربعه هاي طويله هاي سمينه هاي شقرة هاي حمرة اما بالنسبه لزوجته الاولى فصدقيني هي ما انعدمت مشاعرها الا لمن صدمها بزواجه والحين بيصير نفس الشي معك وبكرا مع الثالثه اذا بياخذ الرابعه حبيبتي انتي اقعدي في بيتك وربي اطفالك وخلي يصرف عليكي وطنش وانتعش بالتوفيق يا عمري |
رد: بيتزوج الثالثه
لاتطلقين من اجل لولاد
وماتدرين زواجه مايبعده منك وتنسجمين مع زوجته ربي يهون عليك |
| الساعة الآن 10:50 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .