|
العصبية زادت وعدم الحمل خرب حياتي ومشاكل مع جوزي
مرحبا صبايا والله حاب افضفض الكو أقسم بالله كثير مخنوقة اتحملوني
لسا هسا قبل أذان الفجر اتمشكلت انا وجوزي والله قرفت حياتي بكفي صارلي 3 آشهر بعيدة عنو كنت عند اهلى حردانة عشان المشاكل الي صارت ولسا ما صارلي سنة ونص متزوجة رجعت لجوزي قبل 3 أسابيع بعد بكرا بكمل الشهر طبعا اهلي اتخلو عني واتبرو عني عشان رجعت لجوزي وتفاصيل كتيرة والله يا رب اني بين نارين وقلبي بوجعني اتخيلو شهر دون ما اشوف واحكي مع اهلي وأمي وابوي ورمضان ما اقعد معهم صايرة كتير عصبية من كلمة وحدة اعمل مشكلة نفسي يا الله احبل ويسير عندي بيبي التهي فيه وانسى الدنيا وأهلي يرجعو الي موعد دورتي ب 9 الشهر ادعولي أمانة ما تيجي أقسم بربي انا ما بغلط بحد وختمت القرآن اكتر من مرة وبصلي وملتزمة وبسبح بستنى فرج الله ادعولي وسامحوني .. |
رد: العصبية زادت وعدم الحمل خرب حياتي ومشاكل مع جوزي
يسر الله لك اخيتي و اصلح ذات بينكما ..حاولي دائما يا اختي اذا صار مشكلة مع زوجك اقعدي في البيت بلاش الاهل يعرفو لانو الاهل بيكبرو الموضوع المهم اصبري و صابري و ربي يفرج عنك و يرزقك و يرزقني الذرية الصالحة
|
رد: العصبية زادت وعدم الحمل خرب حياتي ومشاكل مع جوزي
الله يسعدك سمية
المشكلة مو من الأهل انا هسا ما الي حد حتى خواتي بحكي معهم من ورا امي وابوي لانو ممنوع المشكلة في الحمل عمل مشاكل نفسية النا |
رد: العصبية زادت وعدم الحمل خرب حياتي ومشاكل مع جوزي
حبيبتي نانا الله يفرج عليكي وتحملي وتنسو كل المشاكل حاولي حبيتي تتصالحي مع اهلك وامك وابوكي مو حلو يجي العيد وانتو زعلانين من بعض نحن في ايام فضيله كيف بيرفع العمل واذا انتو زعلانين حاولي تسوي عزيمه وخليها تكون عزيمه صلح مابينكم وحاولي تكوني هاديه المشاكل والعصبيه ماتفيد العصبيه تسوي مشاكل كثيره حبيبتي ارضي ربك وزوجك واهلك وان شاءالله تحملين وتتغير كل حياتك باذن الله ابعدي عن المشاكل وكل ماصارت مشكله اذكري الله ورح تشوفي كيف حنتحل
يارب يرزقك الحمل وفرحته وتفرحي اهلك يارب |
رد: العصبية زادت وعدم الحمل خرب حياتي ومشاكل مع جوزي
ييييي شو حاولت احكي معهم كل ما أرن الهم بسكرو الخط بالآخر امي وابوي عملو بلوك على رقمي من جوالاتهم
كنت هسا احكي مع خواتي يلاقو الي حل بحكولي انهم فتحو الموضوع مع اهلي وعصبو المشكلة مو مني نفسي يرضو عني والحمل بزبطش والنفسية هيك �� |
رد: العصبية زادت وعدم الحمل خرب حياتي ومشاكل مع جوزي
حبيبتي ليش تحردي عند اهلك ان شاء الله مع الوقت اهلك حيرجعو علاقتهم معك وانتي اوعك اوعك اوعك تتركي بيت زوجك وتحردي مره تانيه
ومشاكلك خليها ببيتك وبس ولما اهلك يسألوكي احكيلهم انو وضعك تمام ومرتاحه ومبسوطه ولا تحكي لزوجك انو اهلك رافضينك وما بدهم يكلموكي دائما خلي سيرتهم وسيرتو متل العسل وبالنسبه للحمل فخليها على الله ما عليه عسير ولا تقنطو من رحمة الله وبالنسبه للنفسيات كلنا نفسياتنا عاطله وربي يفرجها عالجميع وان شاء الله ما بتشوفيها الا بعد ٩ شهور وانتي نفاس وربي يهدي الاوضاع بينكم |
رد: العصبية زادت وعدم الحمل خرب حياتي ومشاكل مع جوزي
طيب ليش أهلك زعلانين كل هالزعل !!!
معقووولة زوجك فيه عيوووب كثييرة أهلك مش قابلينها ؟؟ ممكن نعرف سبب هالرفض وهالزعل منهم لك ! يعني رجعتي لزوجك من وراهم بدون مايعرفوا ولاا كيف ؟؟ |
رد: العصبية زادت وعدم الحمل خرب حياتي ومشاكل مع جوزي
انشالله تهدى الأمور يا رب
انو أهلى زعلانين مني عشان رجعت لأنهم شايفين انو راحتي مو معو وحماتي مو طبيعية خايفين عليا بس انا رجعت بالجاهة الي اجت مو من وراهم |
رد: العصبية زادت وعدم الحمل خرب حياتي ومشاكل مع جوزي
اجت الدورة قبل شوي الحمد لله الله يطعمني ويعوضني انا والجميع
|
رد: العصبية زادت وعدم الحمل خرب حياتي ومشاكل مع جوزي
اقتباس:
|
| الساعة الآن 12:22 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .