|
اهل زوجي حاولت اتاقلم معهم وماقدرت..
السلام عليكم ورحمه الله وبركاته مساء الخير .. صباح الخير انا مشكلتي مع زوجي واهل زوجي وجيت افضفض لكم مخنوقه ومو عارفه الحل افكر انفصل عنه بس اتعوذ من ابليس علما اني توني متزوجه لي 6 شهور اول حاجه انا من ديره واهل زوجي من ديره ثانيه طبعهم وتصرفاتهم غيرنا تمام .. هم يحبون التجمعات والعائله جدا كبيره وانا من عائله صغيره لم اروح لهم احس اني مخنوقه مو متعوده على ناااس كثيره ابي بس اطلع بسرعه اتضايق ما ارتاح احب فقط امه واخته اجلس معهم ارتاح اما باقي العائله من الخالات والعمات للحين ماحبيتهم مو عاجبني جوهم يمكن لاني ماتعودت على الازعاج والناس الكثيره مو عارفه ثاني حاجه زوجي مطفشني انه كل حاجه يتكلم فيها مع اهله مايخبي حاجه ولم اقوله ليه تقول يقول هذولا اهلي. متفقه معاه نزور مكه المكرمه لي فتره يمكن شهرين وراح وخبرهم والكل قال بنروح معكم وانا انسانه موظفه يعني اجازتي لازم اقدمها قبلها بشهر عشان تنقبل وقدمت اجازه على كلام زوجي وانا قلت له نروح انا وياك انا ما اعرف ظروف اهلك يمكن ماتلتقي ظروفنا بنفس الوقت اللي هم يبغونه وفعلا كلامي بمحله الكل الان الغاء السفر ومازال زوجي مستحي مايبي يسافر معاي الا معاهم يقول ننتظر ظروفهم طيب وانا اللي خذت اجازه وش اسوي فيها والله اني ابكي مخنوقه ابي ازور مكه ارتاح مخنوقه لان زوجي معاه ضعف بالسائل المنوي وقالوا لنا الحل لكم طفل انابيب وزوجي رافض قال الفلوس اللي ندفعها نسافر فيها وانا قلبي متقطع ابي طفل والان دخلت جمعيه عشان بس اسوي التلقيح الصناعي ادري طولت كلام بس اللي جواتي اكثر واكثر الحين وش الحل برايكم مع زوجي وانا كيف اتاقلم مع اهل زوجي وش الحل بمشكله الحمل محتاره وتعبانه نفسيااااا ..... |
رد: اهل زوجي حاولت اتاقلم معهم وماقدرت..
حبيبتي انت عروس جديدة ولازملك وقت لتتعودي على زوجك واهل زوجك ولازملك صبر وطولت بال حتى تعرفي كيف تتصرفي بذكاء معهم دون ان تضحي كثيرا وفي نفس الوقت دون ان تخسريهم
الله يوفقك ويكون في عونك امين |
رد: اهل زوجي حاولت اتاقلم معهم وماقدرت..
حبيبتي انتي توك عروس طبيعي الي تحسين فيه بس لازمك تبذلين شوية مجهود يعني أتحاولين تسولفين معاهم وتختلطين معاهم بالبداية كلشي صعب شوي شوي راح تتعودين
حاولي تتقربين من زوجك ومع الوقت راح تتعودوا على بعض ومناقشة امر الإنجاب لازم يكون فوقت يكون مزاجوا رايق ليتقبل فكرة التخصيب الصناعي اي شي بالدنيا بالبداية بيكون صعب اهم شي لا تخربي بيتك بيدك وانتي لساتك عروس الله يسخرلك زوجك ويرزقكك ربنا بالخلف الصالح عاجل غير اجل يارب |
رد: اهل زوجي حاولت اتاقلم معهم وماقدرت..
توج ٦ شهوور اكيد مب متعوده حبيبتي .. بتتعودين ع اهله ان شاء الله
وسالفه كل شي يقول لاهله .. تقدرين تصارحينه وتقولين له ماحب كل شي يطلع يعني لازم في اسرار بينا وجذيه والله مع الايام بيتعدل الوضع لا تحاتيين يبيلج ع الاقل سنه ولا سنتين وتتعوديين ع زوجج واطباعه .. اول سنه زواج كلها مشاااكل |
رد: اهل زوجي حاولت اتاقلم معهم وماقدرت..
ياعمري انتي. انا لي الحين سنه ولابعد تعودت على اهله ولاتقبلتهم.
بس ايش اسوي اذا رحت عندهم ملتزمه الصمت اذا وجهو لي الكلام رديت عليهم بابتسامه قدري فرق الطبايع بين اهلك واهله. انا زيك فررررق كبير بين البيئه الي انا منها وبيئتهم. بس احاول اساير الامور. هذولي بكره بيصيرون عمان عيالك. لازم تتقبلينهم وتحبينهم بشويش مو مره وحده. وبالنسبه لموضوع انه يعلمهم بكل شي // انا اكتشفت هذا الطبع في كثير من الرجال . لاني كنت اشتكي من زوجي للبنات خالتي وصديقاتي لقيتهم كلهم نفس المعاناه. اشرحي له بهدوء انك ماترضين وخليه يشوف النتايج اذا قال لهم وش يصير بالنهايه. مثل موضوع اجازتك حرام تروح عليك وانتي بالبيت .. وبالنسبه لسفرة مكه عل في الامر خيره .. خذي الموضوع بسهالات .. يمكن يروح معكم احد محروم من روحة مكه وتنفتح لكم ابواب رزق الله يهدي الامور بينكم والله يرزقك بالذريه الصالحه عاجلا غير اجل يارب .. |
رد: اهل زوجي حاولت اتاقلم معهم وماقدرت..
الله يجزاكم خير توني راجعه من مكه الحمدلله انشرح صدري
بحاول اتاقلم معاهم وافك الحاجز البي انا حاطته .. الف شكر لكم كلامكم رفع من معنوياتي .. |
رد: اهل زوجي حاولت اتاقلم معهم وماقدرت..
الحمد لله على سلامتك
كل ازواجنا نفس زوجك >< زوجي كان مايخبي شي عن امه خصوصا على علاجي كثير تسأله وكلشي يقوله لها وانا ماكان عاجبني لدرجة حتى حبوب منع الحمل قال لها ليلتها اتصلت عليه ابكي>>كنت عند اهلي وقلت له ليش تقول لها؟ ماابي احد يعرف ومن يومها علمته ان مو كلشي لازم اهله يعرفونه في اشيا مفروض تظل بيننا بس اسألتها الله يهداها كثيرة وخصوصا انها تسأله لحاله وتجي لي تسألني لحالي علشان تقارن بين كلامنا وتعرف صدق او نكذب عليها>< علشان كذا كل مااروح لموعد صرت اتفق معاه على رد واحد قول لامك كذا وكذا وانا اقول لها نفس الكلام وفعلا صار يقول لها الكلام اللي نتفق عليه واهله خالاته وعماته انا مااجتمع معاهم كثير لاني بمنطقة ثانية ولمن نروح لاهلنا مااروح لجمعاتهم دائما نفسك مااحب الفوضى واسألتهم كثيرة وتضايق بعضهم يبون يعرفون كلشي عن حياتنا وعلى الانابيب تحملي اشوي لازم يحتاج وقت علشان يتقبل الفكرة انا في البداية كان رافض بس بعد شهر او شهرين وافق لان شافني كيف صرت كل ابكي ومكتئبة حتى وقت الغدا او العشا الدمعة بعيني |
رد: اهل زوجي حاولت اتاقلم معهم وماقدرت..
اقتباس:
مشكلتك تشبه مشكلتي مع الاهل والاحراج يعني انتي سويتي طفل انابيب ؟ |
رد: اهل زوجي حاولت اتاقلم معهم وماقدرت..
البنااااااااااات ماقصرووووا....
|
رد: اهل زوجي حاولت اتاقلم معهم وماقدرت..
ياقلبي انتي توك عروس ..
طبيعي شعور الرهبه وعدم القدرة على التكيف خصوصا اذا كانوا بعيدين عشان كذا انا احب زواج الأقارب فيها امااان وايجابيات كثيرة وان شاءالله كلها سنه وتتعلقين فيهم وتحبينهم ويصيرون اهل اطفالك وجزء من حياتك .. انسي شي اسمه طلاق اغلب الي استعجلوا في اتخاذ قرار الطلاق يتمنون يرجعون لحظة بس مع ازواجهم مهما حصل يموتون ندددم .. لاتبكين حبيبتي الزواج نعمة من الله غيرنا فاقدها اشكري ربك واحمديه وحافظي على هالنعمه الحياة الزوجية سعاااادة واستقرار وحب وتفاهم وصداقة وستر للاثنين الحياة الزوجية كلها حنّيه ما يحس فيها الا المحروم منها .. زوجك إنسان يؤثر ويتأثر زيه زي اخوك زي ابوك زي صاحبتك مصلحته من مصلحتك والعكس سمعته من سمعتك والعكس الرجل زي الطفل انتي تشكلينه مثل منتي حابه بأسلوبك بثقافتك باحتوائك رح يكون لك مثل ما تبغينه يكون تجنبّي نظرة انه مجرد زوج له او عليه حقوق وواجبات ! هذي نظرة سطحية دون المستوى لاتليق بشخص متعلم اعتبريه ابنك صاحبك اخوك كلهم يغلطون صح ولا ؟ اذًا انصحيه برفق بالكلمه الحلوه قوليله حبيبي هذي اسرار مو كويس انك تقول اي شي يصير جوا بيتنا لحتى اهلك خل لنا خصوصياتنا وحياتنا المستقلة من حقنا نسافر لحالنا وعادي ما تخجل منهم اعتذر منهم انت الحين انسان مستقل ومسئول عن سعادتي وحياتي لاتقصر بحق امك لكن تكلم معاها ان تونا عروسين نبغى نسافر لحالنا لين مانتعود على بعض اكثر بعدها ابشري اوديك تعتمرين.. اسألي مجربه "كل شيء بالاسلوب الراقي الحلو يجيييك وتنالينه" الله يسخركم لبعض ويوفقكم ♡ |
| الساعة الآن 08:19 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .