منتديات حوامل النسائية

منتديات حوامل النسائية (https://naqatube.com/index.php)
-   منتدى الولادة المبكرة والإجهاض (https://naqatube.com/forumdisplay.php?f=14)
-   -   الدورة بعد الاجهاض (https://naqatube.com/showthread.php?t=33439)

ام منصور 11-03-2010 10:44 PM
الدورة بعد الاجهاض
 
السلام عليكم
عندي مشكلة الدورة يا خواتي والله تبهدلت وياها
صارلي اكثر من شهرين من سقطت وسويت غسيل وبعد الاجهاض ب34 يوم يتني الدورة وتمت 9 ايام تقريبا تتقطع يوم فيه ويوم مافيه
والمفروض ترجع اتي بعد 28 يوم لانها قبل كانت منتظمه عندي
بس تاخرت 4 ايام ونزلت بغزااره ومرات قطع ( عزكم الله ) وتوقفت اليوم السابع واغتسلت وارحعت مره ثانيه بعد يوم دم احمر مره ومره اسود ( الله يكرمكم)
ماادري ليش والله خايفه يكون فيه شي بالرحم من بعد الغسيل
لو سمحتوا يا خواتي من صار لها نفس الموقف اطمني
وربي يجزيها الجنه من ترد علي

حامل الله ياجرنا 11-03-2010 10:55 PM
رد: الدورة بعد الاجهاض
 
الحمدلله على كل حال انا مره اجهضت ونزلت كالدوره لان له شهر واحد
الصراحه غريب الي كتبتيه انصحج تزورين طبيبه تطمنج وطمنينا وربي يكتب لج الي فيه الخير

غرير 11-03-2010 11:54 PM
رد: الدورة بعد الاجهاض
 
شكلك مانظفوك زين عشان كذا ينزل قطع بس لازم تروحين طبيبة وتتاكدين ان الرحم نظيف
وماتشوفين شر ياحلوة

ام منصور 11-04-2010 11:42 AM
رد: الدورة بعد الاجهاض
 
اقتباس:
المشاركة الأصلية كتبت بواسطة حامل الله ياجرنا (المشاركة 468300)
الحمدلله على كل حال انا مره اجهضت ونزلت كالدوره لان له شهر واحد
الصراحه غريب الي كتبتيه انصحج تزورين طبيبه تطمنج وطمنينا وربي يكتب لج الي فيه الخير
الله يطمن قلبج يالغاليه
ربي يرزقج الولاده الميسره السهله ويحفظج من كل شر ياقلبي
جزاج الله الف خير

ام منصور 11-04-2010 11:48 AM
رد: الدورة بعد الاجهاض
 
اقتباس:
المشاركة الأصلية كتبت بواسطة غرير (المشاركة 468447)
شكلك مانظفوك زين عشان كذا ينزل قطع بس لازم تروحين طبيبة وتتاكدين ان الرحم نظيف
وماتشوفين شر ياحلوة
الشر ماييج فديت قلبج
تعرفين ياختي عقب ماسويت التنظيف بعد 10 ايام نزل مني قطعه مثل الحبل السري وقالت لي الحرمه اللي تمرخ انه مانظفوني عدل
والله خايفه يصير لي امراض ثانيه من الدكاتره المخبل

ام 1 11-05-2010 09:59 PM
رد: الدورة بعد الاجهاض
 
ضروري بسرعة اختي تروحين تسوين سوناار
البقايا مو كويسة للرحم
روحي باقرب وقت وتطمني

حبي زوجي 11-07-2010 05:08 PM
رد: الدورة بعد الاجهاض
 
اكيد اختي شكلهم مانظفوكي عدل انا مره سويت غسيل وجاتني الدوره بعده تمام واخر مره ولدت وجبت ولد وصعدوني فوق وحسيت قام ينزل عندي قطع دم وبعدها نزل عندي دم واجد وعلى طول قالو لي نزيف وجات لي دكتوره ونظفتني وتعذبت عذاب خليها على ربك وقالت لي اذا ماتنظف الرحم ضروري انزلك غرفه الغسيل بس الحمدالله نظفتني وفعلا نزل دم واجد قطع شكلهم عند الولادة مانظفوني كويس يستعجلون على الواحدة الدكاتره وبعدها الحمدالله صرت احسن وبعد فتره توفي ولدي صار مريض الله يشفيك ياعمري طمنينا عليكي احسن حل روحي المستشفى لايجيك شي لاسمح الله 0000000000000

الخايفه 02-18-2011 11:34 PM
رد: الدورة بعد الاجهاض
 
السلام عليكم فية احد ضروري

الزهراء 02-19-2011 01:44 PM
رد: الدورة بعد الاجهاض
 
أختي عادي انا يوم سقطت ولدي الأول كان عمره اربعه شهور ونظفت بعده ولكن مثلما قلتي نزل مني دم وقطع عااااااااادي جدا وحملي هذا سقطته في البيت علشان اتجنب التنظيف لأنه اصلا بيستمر نزول الدم بعد التسقيط سواء نظفتي او مانظفتي طبيعي تظلي فتره ينزل دم واحيانا قطع سبحان الله الرحم يتبرئ من أي شيء فيه هذي نعمه من رب العالمين يوم تجي الدوره فلا تستغربي ومايمنع انك تروحي للدكتوره للتأكد لكن لاتحكي لها على التفاصيل علشان ماتستعجل وتقولك يالله باقي بقايا لازم انظف لك عاد انتي خابره دكاترة هاليومين مايصدقون يلاقون تشخيص مسبق يكملون عليه .
كثري شرب مغلي القرفة والتمر والبسي شتوي احتفظي بجسمك دافي ولاتتعرضي للبرد لين يقطع منك الدم وربي يشفيك ويرفع عنك ويعوضك خير ممافقدتي وجميع اخواتي .أللهم آمين
الله يشفيك ويعافيك


الساعة الآن 08:57 PM.

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .