|
موعدي الاول فمراجعة حملي
السلام عليكم
راح احكيكم ببساطة ايش سار في اول موعد لي فالمراجعة، موعدي كان في مستشفى الاطباء المتحدون في جدة طبعا جيت قبل الموعد لكن اتلطعت hwaml25 بعد كدا نادت اسمي و دخلت و جالسة تتكلم من خشمها الله يهديها، قلتلها انا انشالله حامل بس عملت تحليل منزلي و الدوره متاخرة اسبوع، قالتلي لازم تحليل دم و خلاص، خرجت رحت المختبر سويت التحليل قالتلي النتيجة بعد ساعتين، خرجت جلست انا و زوجي نتمشى برا الين الساعتين تخلص و اتصلت حجزت موعد عندها تاني فنفس اليوم عشان اقدر ادخلها بموعد لانو مررررررررا كان زحمة و هيا الدكتورة الوحيدة الموجودة تستقبل يوم الجمعة، المهم رجعنا اخدت التحليل طبببعا hwaml23 مافهمت شي منو بس اللي فهمتو كمية الهرمون فالدم و رقم طويل جمبو، نادت اسمي و دخلت قالتلي انا شفتك امس؟؟؟ قلتلها لا اليوم بس حجزت موعد ثاني عشان الزحمة اللي عندك و ماحبيت اخذ موعد احد، تخيلو جلست تضضضضضضحك هيا و الممرضة -ــ-، قلتلها انا حابة اعرف النتيجة و غير كذا حابا اشوف سونار و اطمن و عندي آلام شديييدة تشبه آلام الدورة، قالتلي مافي سونار لسا صغيرو مارح يبان، و باين من التحليل انك حامل الهرمون جدا عالي، قلتلها طيب الاسبوع الكم؟ الحمدالله فالثاني، اعطتني حمض الفوليك و حبوب دوفستون للتثبيت، و طلبت من تحاليل لمتابعة الحمل (بول و دم) بس انا الصراحة مررررررررا مارتحتلها و خصوصا اني بشحت الكلام منها شحتة و انا حابا مررررا اعرف اشياء كثير و اطمن على الجنين لانو اول حمل ليا و ماعندي اي تجارب، لاكن طنشت التحاليل اللي طلبتها لاني ابدا ماني حابا اكمل معاها! |
رد: موعدي الاول فمراجعة حملي
وعليكم السلام
غيري الدكتوره اذا منتي مرتاحه لها سوي اهم شي التحاليل الللازمه للحمل وان شاء الله كل شي تماام |
رد: موعدي الاول فمراجعة حملي
عادي عدل كلام الدكتوره
تسوي تحليل دم وبول وتاخدي فوليك بس انتي اول حمل لك بس هي مليون حامل تمر عليها باليوم عشان كذا تحسي انك متحمسة وهي باردة الله يتمم فرحتك وتقومي بالسلامة |
رد: موعدي الاول فمراجعة حملي
أنا شايفه ان الدكتورة ما غلطت
فعلا السونار مالازم يكون في البداية لأنه ما راح يبان شي أو ممكن تشوفي الكيس وما تشوفي الجنين وتخافي أفضل وقت لأول سونار هو الإسبوع السابع والثامن |
رد: موعدي الاول فمراجعة حملي
مثل ماقالت لك ام بتلاء
تقدري تغيري الطبيبة اذا مو مرتاحة لها ومثل ماقالت لك الأخت ملاك فعلاً فيه دكاترة تحسين فيهم برود لأنك مو اول حالة حمل تمر عليها مايحسون نفسنا بالحماس .. فلاتزعلي وخلك عااادي أنتي بأول الحمل وربي يتمملك على خير |
رد: موعدي الاول فمراجعة حملي
تسلموووووووون علي الرد، ايوا انشالله راح اغيرها و ابدأ التحاليل اللازمة
|
| الساعة الآن 08:25 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .