|
عطوني امل بتجاربكم .. ❤
السسسلآم عليكم خواتي ❤
صارلي ثلاث سنين متزوجه وماصار حمل وكل شي سليم ولله الحمد لكن ربي ما اراد . حاليا انا مقبله على التلقيح الصناعي وخايفه جدا .. ابي نصايحكم اذا عندكم خبره وتجارب عطوني امل بتجاربكم الناجحه مع التلقيح والاعراض وشنو اسوي ارتاح ما اتحرك او امارس حياتي الطبيعيه وادعولي ربي يجزاكم خير ❤ |
رد: عطوني امل بتجاربكم .. ❤
انا اختي بعد ٧ سنين تأخر
سوت اطفال انابيب وأول مره ماظبطت كان خارج الرحم وبعد سنه سوت ثاني والحمدلله ربي رزقها بي ٣ توأم واخد مات في الشهر الاول وربي تمم لها ع خير وجابت الاثنين ودحين ماشاءالله أعمارهم سنه ونص كل شي بيد الله وتساهيل والله يسهلك يارب ويرزقك بالحمل السليم والذريه الصالحه |
رد: عطوني امل بتجاربكم .. ❤
أنا حملت بالتلقيح الصناعي وعندي توأم
|
رد: عطوني امل بتجاربكم .. ❤
ربنا يرزقك الذرية الصالحة ويقر عينك يارب معنديش خلفية بس حبيت ادعيلك واصبرى
|
رد: عطوني امل بتجاربكم .. ❤
الله يرزقك بما تتمنين ياااااااااااارب
|
رد: عطوني امل بتجاربكم .. ❤
مرحبا اختي انا سويت تلقيح صناعي مرتين و لله الحمد عندي بنوته و الثانيه في الدرب ...
اول شي قبل لا تسيرين عند الدكتوره ركزي ع ثلاثه اشيا مهمه جدا عشان التلقيح ينجح ... 1- الرحم عندج يكون نظيف مافي ( تكيسات او اورام او غيرها من الامراض ) 2- الانابيب تكون مفتوحه 3- تحليل زوجج يكون زين و الحيوانات عنده حركتها و عدد مناسب للتلقيح ... انا قبل لا اروح للدكتوره وقفت ابر منشطه و ادويه شهرين و كنت اخذ عسل مشبغ بغذاء ملكات النحل و بودره طلع النخل و حبوب اللقاح و زيت حبه البركه الاصلي اخلطهم و اخذ ملعقه اول الصبح و ملعقه فليل من ثاني يوم الدوره و الحمد لله هالخلطه ساعدتني شالت كل التكيسات و نظفت الرحم و نشط البويضات و المبايض و كنت مسويه من كم شهر الصبغه و سرت للدايه ( الممرخه ) ك نوع من الاطمئنان و الحمد لله جيكت ع الانابيب الحمد لله الامور طيبه سرت العياده كم جلسه و طبعا كتبت لي الدكتوره كم ابره تنشيط عشان توصل البويضه حجم 18 و مع هالابر تطلع كذا بويضه و الحمد لله يوم وصلت البويضه الحجم المناسبه عطتني ابره تفجير و هالابره الدكتوره تحدد قوتها و حدد لي موعد التلقيح يوم السبت كانت عاطتني ابره التفجير الساعه 9 الصبح والاحد اللي هو ثاني يوم المسا سوت لي التلقيح و طبعا زوجي راح و عطاهم عينه الساعه 3 ظهر يوم الاحد عشان للمسا تكون جاهزه للتلقيح بالنسبه للالم ما اجذب عليج و اقولج ماشي الم .. في الم و الم اشبهه ب الم الدوره يوم الدكتوره تدخل الاله اللي توسع لج المهبل عشان تدخل الانبوب اللي من خلاله تصب عينه الزوج داخل الرحم و تخليج الدكتوره عندها نص ساعه او ساعه ع حسب حالتج و عقبها تطلعين عادي و تمارسين حياتج عاديه و اذا حابه يستوي جماع للتاكدي اكثر ع الحمل عادي تقدرين ع الجماع عقبها ب 12 يوم او 14 تحللين بول و تشوفين النتيجه بس الافضل انج تحللين دم عشان تتاكدين من وجود الحمل ولا تنسين الدعاء و الصلاه و القيام و الاستغفار و ربي يرزقج و يرزق الجميع ... |
رد: عطوني امل بتجاربكم .. ❤
الله يسهل اموركم يارب ويفرح قلبك
كرري ربي اجعل لي من امري فرجا ومخرجا وارزقني من حيث لا احتسب والله يرزقك الذريه الصالحة يارب |
رد: عطوني امل بتجاربكم .. ❤
تابعي مع دكتور شاطر عندك واذا شايف الدكتور انه الافضل طفل انابيب اتوكلي على الله وان شاء الله ربنا يكرمك انا عملتها لما كان ليه 6 سنوات وما حصل حمل لعدة اسباب وعملت العملية كانت تجربتي الاولى والحمد لله نجحت وربنا اكرمني ببنتي ليان هلأ قربت على 3 سنوات وان شاء الله ربنا يفرح قلبك ويرزقك بالذرية الصالحة عاجل غير اجل اللهم امين
على فكرة كتير ناس وهم بتابعوا مع الدكتور صار حمل طبيعي وفي ناس بعد العملية طفل انابيب وبعد هيك حمل طبيعي وليه صديقة بتفشل العملية الشهر اللي بعده بتحمل طبيعي وكله بامر الله |
| الساعة الآن 07:39 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .