|
نزول دم والم قوي بعد عملية ربط عنق الرحم
نزول دم والم قوي بعد عملية ربط عنق الرحم
السلام عليكم بنات شخباركم؟ بنات اليوم عملت عملية ربط بسبب إجهاضات سابقه بس شنو تعبانه شنو اتألم واثار البنج لوعه وغثيان ليته يطلع ويريحني الم مو قادره امشي عدل ولا ادخل الحمام زي الناس كأني متجرحه تحت ودم ينزل مع العلم انا مسويتها بآخر اجهاض وربي ماكتب لي اكمل الحمدلله وكانت سهالات ماكو الم ولا دم مجرد افرازات تعبت بروحي جالسه واصيح من الألم اخذت مسكن بس مااحس ارتحت ابغا انام تعبانه من مرمطة المستشفى شسوي والمشكله ان بس جلسوني 6ساعات او اقل بعد العمليه وطلعوني غير المره الماضيه خلوني عندهم ليلة كامله مدري وش الاختلافات بين المرتين المهم انا محتاجه دعوة صادقه منكم واللي جربت تطمني طبيعي هالألم وهل يطول ولا يروح بسرعه نزول دم والم قوي بعد عملية ربط عنق الرحم |
رد: بعد عملية ربط عنق الرحم
الله يعينك حبيبتي ماعندي علم ان شاء في احد يفيدك
ماقالت لك الدكتوره ان الألم طبيعي ? اتصلي بكره وسأليها |
رد: بعد عملية ربط عنق الرحم
روحي طورى لا تخلين عسى ربي يطمن قلبك
|
رد: نزول دم والم قوي بعد عملية ربط عنق الرحم
انوار
هذا مستشفى حكومه ماتصدينهم بالتلفون ولما سألنا الممرضات قالت طبيعي الم مويه دم يوم يومين ويروح بس اللي استغربته ان المره الماضيه ماحسيت بولا شي ليش الحين غير تسلمون ع الرد واليوم الالم اخف صح يروح ويجي بس يهون عن البارح الله يكتب اللي فيه الخير مشكوره ع الرد اخت عبد الرحمن بس ماراح يفيدوني الطوارء ومافيني على الحوسه من المفترض اني ارتاح بعد البحث في النت كثير يقولو طبيعي ويستمر اسبوع او 12 يوم معهم وناس يقولو اقل من اسبوع على حسب الجسم يمكن او اليد اللي سوته الله العالم |
رد: نزول دم والم قوي بعد عملية ربط عنق الرحم
الله يعينك تحملي خيتي كلها كم يوم ويخف
ارتاحي انتي وان شاء الله مافي الاالخير |
رد: نزول دم والم قوي بعد عملية ربط عنق الرحم
الله كريم والله يدوب اقوم لدورة المياه والصلاة بس مافيني اصلا احس بمكان الربط الم كأنه مشدود الله المستعان
|
رد: نزول دم والم قوي بعد عملية ربط عنق الرحم
عادي طبيعي سويتها واستمر الدم يومين وبعدين اختف والالم طبيعي بسبب الربط
وضليت اصلي جلوس طول حملي ونايمة على السرير لان الحركة بالربط للي عندهم اجهاضات دكتوري قال ماتنفع والحمد لله اول اسبوع بالتاسع فكو لي الربط وولدت على طول لاتحملين اشياء ثقيلة وصحيح اليوم يمر عن سنه وتفكرين تطلعين بالسيارة وتنظفين لكن اصبري بسرعه تمر الاشهر والسنوات .. الله يثبت حملك يارب .. المفروض اهطوك ابرة تثبيت كل اسبوعين مره مثلي .. فيه تحاميل رهيبه اسمها سايكلوجكت دكتوري قال اضمن استخدمها لين السابع يحطونها بالخلف وتمنع الطلق والنزيف |
رد: نزول دم والم قوي بعد عملية ربط عنق الرحم
عادي حبيبتي الالم اخذي مسكنات ونامي وارتاحي والدم هم طبيعي.. هاليومين او ٣ ايام ربي يتمم لنا على خير وسلامة
|
رد: نزول دم والم قوي بعد عملية ربط عنق الرحم
تسلمون حبيباتي انا كملت اسبوع من العمليه
الالم اختفى بعد 3الى 4ايام تقريبا اما الدم جلس ينزل عندي مدة 6ايام كل يوم يخف لما صار افرازات لون بني وبعدها صار زي الماده لون اصفر مدري كيف الحمدلله صغيرة احمد... ايوا انا كتبو لي ابر مرتين بالاسبوع والحبوب حبتين كل12ساعه الحمدلله واحيان احس بشد تحت فبطني لما اكح او اعطس وربي يتمم علي فرحتي هذا انا بس نايمه ع السرير واصلي جالسه الله كريم |
| الساعة الآن 02:27 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .