|
زوجة اب
السلام عليكم اخواتي انا صار لي سنه ونصف متزوجه وغلطتي الكبيره اني تزوجة واحد متزوج وزوجته متوفيه وعنده البنات الابطلعو روحي والغلطه الاكبر اني سكنت معهم في البيت فكرت ان الناس نقدر عليهم بطيبه وتعامل الزين لاكن في الزمن مايفيد الاانك تكون ديب طبعنا ان تزوجت برطهم وسكنت برطاهم والله يشهد علي اني ما احاول الديهم لاكن هم شكلهم يبوني اكون نحيسه وياهم لاوالحين حتى الامتزوجين ماني خالصه منهم ويريت ابوهم مقدر اني صابر عليهم الا ما يرض اتكلم واقول افعالهم يعني اكون خرسه والحين مشكلتي وي وحه منهم المتزوجه تركه بنته عدنا وعمره سنه وادا جت الى على طول جي وتاخده والله في البدايه فكرته حركه عاديه لا كن الموضوع بدء يضايقني والله في اليله قلت بقول الام الطفله بس بعدين ترجعت قلت خليني ساكت احسن والصبر والله بين عليي الني كنت مضايقه بس ماتكلمت الى ابوه قلت هو ما بير ض عليهم ويش اسوي غير الحكااتت الاصارة في السفر حتى الصياح صيحونيولني ساكت ويش اقدر الصرف وياهم دعوتكم لى بصبر على هدا البلاء وفوض امري الى الله انا الله بصيرنا بالعباد
|
رد: زوجة اب
ول 15 ومافي رد
|
رد: زوجة اب
لا تهتمي حبيبتي أن مثلك كنت زوجة أب وشاء القدر وانفصلت عنه لأنه مهما عملتي مع الزوج أو اولاده لا يثمر شيء *إلا مع القليل في هذا الزمن * وتزوجت بغيره الحمد لله برضوا عنده أولاد لكن مع أمهم ومرتاحه معاه حتى لما بيجوا عنا بنشوفهم ما في مشاكل إذا كان الزوج بخاف الله بترتاحي معه لو متزوج غيرك ولو حتى عنده دزينة أولاد الله يصلح الحال يا رب
المهم إنتي تكوني متفاهمه مع زوجك وهو بوضع حد لكل شيء وبناته وبتمشي الحياة أماإذا زوجك غير متفاهمه معاه رح تتعبي كثير لكِ أن تصبري وتحتسبي الأجر وأما أن تجدي حل معاه أو الإنفصال وهو أبغض الحلال لكنه أحيانا بكون حل مريح والله يهدي بالك ويصلح زوجك وبناته يا رب ويرزقكِ الذرية الصالحة |
رد: زوجة اب
مشكوره اختي امل 777 اى والله مهم تسوي اليهم والى ابوهم لا حمد ولا شكوره والله اوقات اتمنى الموت الى نفسي والى زوجي عشان اتخلص من الحياه وياه الانه متقلب المزاج جدا اوقات مزح ووقات على اشياء تافه تخيلي البارحه زعل وطنكر على ويش هو ما يعرف يقراء وكبران اكبر من بنته الاكبيره بثلاث سنوات وزوجته الاني خفت على نفسي اعنس الان عمري الحين 38 المهم زعل علي الاني مل حطيت صورته في الابتوب خلفيه تخيلي هدا موضوع يستحق احسه كنه جاهل والله اوقات اقول الحمد لله ما عندي اطفال كان ويش سوى الحمد ولا عتراض على حكم الله اسفه على الاطاله تحياتي
|
رد: زوجة اب
السلام عليكم ورحمه الله وبركاتة
ابغض الحلال عند الله الطلاق اختي العزيزة ندى الايام 1 كتبتي مشكلات كثيرة في نفس الموضوع 1-موضوع بناته 2-زوجة اب 3-مشكلة البنت الصغيرة 4-جهل زوجك وعدم معرفته للامور 5-زعل الزوج لاسباب تافهه اختي العزيرة انت لماذا وافقتي من البدايه على شخص متزوج ولدية اولاد وبنات ودائما تكررين في مواضيعك انه عمرك مقارب لعمر ابنه الكبرى والبنت الصغيرة ليش هي دائما معاكم خلاص انتي اتركيها لاتمسكيها والبنات هل انت مسؤؤلة عنهم مثل تتحمل مسؤلياتهم تغسلي ملابسهم الطبخ مثلا هل تعملي اليهم الفطور الغذاء العشاء احس من كلامك انهم مسوليين عن انفسهم فاختي نصيحة من اختك خلي البنات في حالهم انت تقولي انه مايكلموك خلاص ابتعدي عنهم واردد واقول قال الله تعالى (واما اليتيم فلا تقهر ) تفاهمي مع زوجك ومثل ماقالت الاخت امل ابغض الحلال عند الله الطلاق اذا انتي مو متحمله زوجك اطلبي منة الطلاق . شكرا |
رد: زوجة اب
السلام عليكم حبيبتي ندى الايام
ياليت تكتبين رسالتك مره ثانيه في الرد على الموضوع لان حروفك متشابكه وماني اقادره افهم شي بالضبط الكلام متشابك عشان كذا ماحد رد عليك اكتبي الموضوع مره ثانيه وانتبهي للكلمات ولاتشابكينها ببعض واسفه على الاحراج بس عشان نساعدك |
رد: زوجة اب
الله يكون بعونك
|
رد: زوجة اب
حاولي تصبرين وتتعايشين معهم وأنك تكونين لهم الأم
خير لك من تتزوجي رجل عنده زوجه أخرى |
رد: زوجة اب
شكرا اخواتي على الرد اختي فرحت عمر هدا الشئ يضيقي لما نفضفض ونطلع الافي دخلنا على الاقل كلمه طيب خاطرنا وانتين ما تعرفي اسباب هدا الزواج الله يهديك ومشكوره اختي وفعلا هم اليتام بس مو يعتدو على غيرهم ويجرحو غيرهم وانا والله يشهد علي ما احاول اضيقهمم
|
رد: زوجة اب
ذكرتيني في بنات خالتي
خالتي متوفيه الله يرحمها ويغفرلها وماخلفت إلا بنات بعد وفاتها زوج خالتي قرر يتزوج قالو بناته احنا نختار العروس وفعلا هم اللي اختاروها بس الحين تعاني معاهم مررره ينفخو فيها يسبوها والمشكله الأب مايتكلم يقولها انتي اتركيهم ماعليك فيهم وهم يحاولون يضايقونها بشتى الطرق ..اذا راحت السوق تجيب لهم هدايا يرمونها في وجهها ويقولولها مانبغى منك شي وهي مسكينه تبغى تحببهم فيها أول حملها جابت بنت وفرحو مايبغونها تجيب ولد والحين خلفت ولد في رمضان ماشاءالله وتضايقو مررره ويشيلون عيالها يقولولها احنا بنربيهم على كيفنا بس هي الصراحه مررره صبوره وتحاول تتجاهلهم بس مايتركوها في حالها الله يهديهم وهي ماعندها أحد غير أمها وأمها كبيره في السن ومريضه مسكينه دايما تشكي لأمي وتبكي الله يصبرها ويصبرك ياقلبي احتسبي صبرك عند ربك الله يفرج همك ويسخرلك زوجك ويكفيك شر من يعاديك |
| الساعة الآن 09:51 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .