|
أبي أكسر حاجز الخوف اللي بداخلي !!
أخواتي ..
السلام عليكم ورحمة الله وبركاته أنا موضوعي جدا بسيط .. وتافه بعد .. بس حابه انكم تساعدوني شوي أنا عندي في عيني القرنية المخروطية .. وسويت عملية ليزك cross-linking قبل شهر ولله الحمد نصحني الدكتور عشان يكتمل العلاج اني ألبس عدسات لاصقة .. وفائدتها انها تعدل من شكل القرنية وتحسن الرؤية .. طبعا في حالة ما تعدل شكل القرنية راح يلجأون لعملية زرع قرنية وزرع عدسة طبعا فصلت العدسات وطلبتها من أمريكا مخصوص .. وأنا في حياتي كلها عمري ما لبست عدسات .. ولا حتى حاولت أو فكرت ألبسها .. من وأنا صغيرة بالنظارات وخلال فترة يومين تقريبا وأنا أشوف مقاطع فيديو باليوتيوب كيفية لبس العدسات للمبتدئين أمثالي .. وحسيت الموضوع سهل جدا لما وصلت العدسات .. وأبي ألبسها في البداية ما عرفت .. وهذا شيء طبيعي .. قعدت يوم بأكمله أتدرب كيف أمسكها بيدي وأحاول أفتح عيني .. وتطيح .. وهكذا لكن اكتشفت ... اني أخااااااااااااف من أي شيء يمس عيني أو يقرب لها حسيت ان عندي فوبيا والله العظيم صرت أقرب العدسة لعيني وترجف يدي وأهون من لبسها =( حاولت مع زميلة لي تلبسني العدسة وتعلمني كيف .. للأسف ما قدرت أكمل صرت أغمض عيوني وبقوة لي الحين حوالي اسبوع كامل وانا أحاول مع نفسي كيف البسها .. عجزت كيف أكسر حاجز الخوف فيني =( المشكلة الحين متخوفه من تأخير لبسها لا يزيد من وضع القرنية والجأ لعملية .. وفي الوقت نفسه متخوفه من أي شيء يمس أو يقرب عيني خصوصا ان لي أسبوع على هالحال بنات الله يوفقكم .. كيف أكسر حاجز الخوف اللي فيني ؟؟؟ جد عجزت وتعبت مني أدري الموضوع تافه وبسيط .. بس والله من أفكر اني اجرب البسها أشيل هم وأخااااااااف بشكل شنيع أبيكم تساعدوني كيف أكسر هالخوف اللي بداخلي أبي نصايحكم |
رد: أبي أكسر حاجز الخوف اللي بداخلي !!
السلام عليكم اختي انا من رايي انك تجاهدي نفسك على الموضوع ، مو صعب الموضوع ......الله يكون بعونك
|
رد: أبي أكسر حاجز الخوف اللي بداخلي !!
اذا انتي خايفه من العمليه خلاص اضغطي علئ نفسك
وتشجعي وقولي انا اقدر البس وان شاء الله بتقدرين انا قبل كنت اخاف البس عدسات الزينه طبعاً بعدين تعلمت وسهلات |
| الساعة الآن 03:56 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .