|
الحمد لله على كل حال شكل حملي خارج الرحم
اهلاً بنات
طبعاً لاحد يقولي كل يوم تروحين ههههههه نبع الحنان مهي متطمنه الا تروحين خايفه يكون برا الرحم لان اذا برا وكبر لازم عمليه المهم رحت سويت سونار عادي ع البطن مافيه كيس حمل ولا شي سويت سونار مهبلي مافيه شي سويت سونار ثلاثي الابعاد ع البطططن مافيه ايضاً شي والحمدلله قالت احتمال يكون خارج الرحم ومستحيل مايبين لان بالاسبوع السادس وقالت نسوي هرموني التحليل سويت وطلع العصر نسبته 2895 بالاسبوع السادس انا وقالت بعد يومين نعيده واحساسي انه خارج الرحم والحمدلله ع كل حال قالت وش الاعراض جاك اوجاع قلت لا قالت نشوف النسبه هالحيم اذا زادت شنو معناها واذا نقصت شنو معناها وبالاسبوع السادس هل هي مناسبه هالنسبه او مرتفعه والله لا انا مرتاحه ولا امي كلنا خايفين خارج الرحم ومن عواقبه |
رد: الحمد لله على كل حال شكل حملي خارج الرحم
مو شرط حبيبتي يكون خارج الرحم رفيقتي للشهر الرابع لما يبان الحمل عندها بالرحم بيقولوا السبب انو جدار الرحم عندها سميك ..صح نسبة الهرمون عاليه بس الحمل خارج الرحم في اوجاع ومؤلم وبضلي حاسه بوجع باحد الجوانب اليمين او اليسار ...انشالله خير تفائلي خير..
|
رد: الحمد لله على كل حال شكل حملي خارج الرحم
الله يسعدكم بنات
الوالده تقول فيه عشبه تشربينها اذا فيه حمل تثبته واذا لا برا الرحم تنزله شرايكم اجرب او اكنسل كل شي وانتظر فتره |
رد: الحمد لله على كل حال شكل حملي خارج الرحم
خيتي الحمل خارج الرحم يسبب انفجار للانبوب
بس انتي حملك يمكن صار متاخر استني اسبوعين كمان ولاتشربين شي والله يطمن قلبك وان شاء الله مافي الاالخير |
رد: الحمد لله على كل حال شكل حملي خارج الرحم
ماابي اخووفك كنت بقولك امسس بس ترددت
لاتسمعين لاحد الي تقولك طنشي ولا تروحي ماهي هي الي بتضرر نسبه الهرمون 2000 تدرين المفروض في جنين ونبض الله يهيدك الحمل خارج الرحم كثير ماحسوا من بدري وبعضهم بالشهر الثالث بدت الاعراض والمفروض ماتطلعين من المستشفى حتى يعرفوا وين الحمل لان ممكن يكون بالمبيض او عنق الرحم مو شرط الانبوب لاتشربي شي الله يهديك عن التخبيص روحي دكتوره شاطره خلها تكشف عليك |
رد: الحمد لله على كل حال شكل حملي خارج الرحم
اانا مع خجل العيون كيس الحمل يبين لما يكون
هرمون الحمل فوق ٢٠٠٠ ، في السونار المهبلي لا تهملين نفسج الحمل خارج الرحم يكون خطير لو ما تداركتي الموضوع والله ييسر امورج ويطلع حملج سليم يارب |
رد: الحمد لله على كل حال شكل حملي خارج الرحم
ياختي والله قلبي احسه طاح
لازم تعيدين تحليل ويشوفون النسبه وممكن نفس ماقالوا البنات ان صار حملك متأخر ولاتخاطرييين تاخذين عشبه مافي عشبه تثبت الحمل وطمنينا عليكك والله قلبنا معاكك |
رد: الحمد لله على كل حال شكل حملي خارج الرحم
اقتباس:
انا والله مو متطمنه اني اطنش عشان كذا اروح شافتني دكتورتين ودكتور كل واحد فحص لحال وكلهم نفس الكلام والحمدلله |
رد: الحمد لله على كل حال شكل حملي خارج الرحم
اقتباس:
الحمدلله ع كل حال اساس واضح خارج الرحم بدخل السابع مو معقوله ولابين حتى بالاشعه الثلاثيه بس الحمدلله عسساها خير مامعي طفل |
رد: الحمد لله على كل حال شكل حملي خارج الرحم
اقتباس:
كم تقريبا قصدج اذا زاد ب الالف!؟ اكيد بطمنكم من ارجع ع طول ادخل المنتدى دايركت الله يسعدك |
| الساعة الآن 11:42 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .