منتديات حوامل النسائية - قصتي مع خلطة الحمل

بسم الله الرحمن الرحيم
الـــــسلام عليكـــــم ورحمــــــــة الله وبركاته

انا من زمان اتابع المنتدى واستفدت منكم كثير الله يجزاكم خير
كنت افرح معكم وابكي معكم والله يعلم اني حتى اذا دعيت ربي ادعيلكم معي
ماأبغى اطول عليكم حبيباتي بدخل في السالفه
انا صار لي 6 سنين متزوجه الله مارزقني بعيال ولا حملت ولامره .. لدرجة كنت أقول حتى لو أحمل واسقط بس أهم شي أحس إني طبيعية وممكن أحمل زي باقي الحريم .. استغفرالله
السبب كان تكيس في المبايض وكان عندي أمل كبير ودوم متفائلة الحمدلله وماأحب اشكي لأحد حتى أمي بس دايم أقولها ادعي لي ياماما.. ومشاوير للمستشفيات صبغة وكلوميد وجلوكوفاج وعملية ثقب بالمنظاروإبر تنشيط وكل هذا مافاد بالعكس كانت حالتي تسوء سبحان الله.. فجأة اكتشفت شعرتين في ذقني ..صحيح ماكانت واضحه للناس بس أنا انجنيت وتعبت نفسيتي لأن الدكتوره قالت هذا لأنه التكيس اللي فيك من النوع القوي
ماقلت لأمي ولا لأخواتي كفايه هم شايلين همي..
وزوجي الله لايحرمني منه كان دايم يصبرني.. يقول يمكن ربي مأجل الحمل يختبرنا نصبر وإلا نضجّر..كنت اقول له تزوج .. يقول ماأبغى عيالي إلا منك إنتي وإلا ماأبيهم..

طبعا أمي دايم تنصحني اروح عند ممرخه أو أسوي حجامه بس أنا أخاف حتى الخلطات الطبيعية عمري مافكرت أجربها
وحدة من قرايبي تزوجت بعدي وكمان ماحملت برضه عندها تكيس تأخر حملها 4 سنوات .. ماشاءالله ماخلت خلطه ماأستخدمتها وراحت تمرخت كمان بس سبحان الله ماكتب لها ربي تحمل

وفي يوم قلت لها أنا قررت أسوي حجامه
قالت لا إصبري أنا عندي خلطه للحمل هذا أول شهر استخدمها ..أستمر شهرين ثلاثة ونشوف النتيجه إن شاءالله
قلت لها روحي انتي وخلطاتك ماعندك سالفه
طبعا رحت سويت حجامه في مستشفى قالولي لازم تسوينها 3 شهور بعدها انتظرت شهر كامل ماجاتني الدوره ..وقريبتي جتها الدوره وأخذت الخلطه ثاني مره.. وانا خلص شهر وجاء اللي بعده وانا لسه منتظره الدوره
في خلال الأيام اللي كنت منتظره فيها الدوره .. اتصلت علي قريبتي وقالت باركي لي أنا حااااااااااااامل ..ياعمري قالت لي أول وحده حتى أهلها لسه ماقالت لهم لأنها سوت تحليل منزلي .. المهم باركت لها وقلت لها روحي المستشفى تأكدي..قالت تعالي وين رايحه ماراح اقفل السماعه إلا تآخذين الخلطه الحين وتوعديني تستخدميها ..طبعا انا اكيد كنت ناويه آخذها بس اخليها تفرح أول.. المهم أعطتني الخلطه وبعدها بإسبوع تقريبا جتني الدوره سويت الحجامه مره ثانيه وفي نفس الوقت أخذت الخلطه والشهر اللي بعده جتني الدوره في وقتها واستخدمت الخلطه بس من غير حجامه والدوره استمرت 5 ايام وماهي غزيره زي العاده.. أنا بالعاده تستمر معي 7 ايام بس تكون غزيره مرررره ..المهم على نهاية الشهر منتظره الدوره عديت لها 28 يوم أو 30 يوم عشان ابغاها تصير منتظمه .. وكنت احس بألمها وأقول الحمدلله ماراح تتأخر علي زي العاده
وفي يوم نزلت علي افرازات بنية أنا قلت هذي مقدمات الدورة المشكله بس نزلت يوم واحد وانقطعت ..انتظرت اليوم اللي بعده مانزل شي وبعد يومين نزلت افرازات زلاليه مثل افرازات التبويض استغربت ياربي وش هذا وآلام الدوره مازالت مستمره وألم بخواصري وصداع
أنا كنت حاسه اني حامل بس قاعده اتجاهل نفسي وأقول لاتتعشمين يابنت زي كل مره
طبعا زوجي شاف حالتي قال أجيب لك تحليل حمل؟
تصدقون يابنات من يوم تزوجت هالإنسان ماعمره قال لي اجيب لك تحليل.. ولاعمره قال لي شكلك هالشهر حامل .. انا قلت له غريبه عمرك ماقلت كذا ضحك وقال عندي احساس انك حامل .
جاب لي تحليل .. ولا سويته خليته مركون 10 ايام وبعدها سويت التحليل وزوجي في العمل وفي ثواني أشوف خطين قدامي يالله يابنات ماأدري كيف اوصف لكم احساسي غرقت عيوني بالدموع ..وامسح الدمع اللي بداخل عيني ماخلاني اشوف الخطين زين .. سجدت شكر لربي وطبعا صحت لين شبعت
يوم جا زوجي حطيت له التحليل بعلبه هدايا يوم فتحها ..ماعرف وش يقول يقولي والله قولي والله.. وذاك اليوم ماذاق النوم وراح اليوم الثاني العمل مواصل ههههههههه
بعدين اعطيت الخلطه لصديقتي وبنت خالي وكلهم الحين حوامل ماشاءالله
بنت خالي وزنها مأثر عليها الخلطه سببت لها نزيف في البدايه بس خففت وزنها وضبطت معاها الحمدلله
ملاحظه: بنت خالي وصديقتي ماعندهم تكيس بس ضعف تبويض وصديقتي حملت من أول شهر ماشاءالله
بس اللي عندها تكيس ممكن تستخدمها شهرين وثلاثه ويمكن اكثر الين ماتضبط معاها
أهم شي الصبر يابنات والدعاء وكثرة الإستغفار والله يرزقنا جميعا بالذريه الصالحه

الحمدلله الحمدلله الحمدلله
اللهم لك الحمد على كل نعمة أنعمتَ بها علينا في قديم أو حديث، أو خاصة أو عامة، أوسرٍّ أو علانية
اللهم لك الحمد أنت قيوم السماواتوالأرض ومن فيهن، ولك الحمد لك ملك السماوات والأرض ومن فيهن، ولك الحمد أنت نورالسماوات والأرض ومن فيهن، ولك الحمد أنت ملك السماوات والأرض ومن فيهن ..
اللهم لك الحمد حتى ترضى ولك الحمد إذا رضيت ولك الحمد بعدالرِّضـا..

الخلطه على هالرابط الله يكتب لكم فيها الفايده ودعواتكم ربي يتمم حملي على خير
على فكره الخلطه مو بس للتكيس الخلطه بشكل عام للحمل بإذن الله
http://forum.hwaml.com/t36540.html#post535742

أحبكمhwaml84