|
المرة الثامنة تكللت بالنجاح بفضل الله
السلام عليكم اخواتي
حبيت احكيلكم قصتي مع اطفال الانابيب للمرة الثامنة بعد 6سنوات زواج...قبل كلشي توكلت على الله وكان ايماني قوي انها حتزبط هالمرة ومتوكلة على الله هالمرة خبرت الناس الي بعزوا علي اني رح ابدا علاج بلكي حدا يدعي دعوة خير الله يستجيب اخدت المنشطات والابر وكل العلاج المطلوب يوم السحب تم سحب 9بويضات وحكولي بكرا ببين قديش رح يضل منهم تاني يوم حكولي 5اجنة والترجيع كان 3يوم على 10كنت بالمستشفى وكتير مستعجلة للترجيع وخوف وتوتر حضروني للترجيع ونزلت على العمليات فجاة بحكولي صار خلل بالغرفةرح اتاخر بالترجيع ضليت هيك واحبس حالي عن الحمام للساعة 3 وبعديها دخلت انا وزوجي الا الدكتورة بتحكيلي متاسفة بس ضل 3اجنة والوضع ضعيف حكينا الحمد لله.... دخلت الدكتورة تجيب الاجنة وفي شاشة تلفزيون بشوف الاجنة عليهم... رجعت الدكتورة تفحص الاجنة الا هي بتضحك ومبسوطة وبتحكيلنا وضع الاجنة كتير تحسن عن الصبح وكانت الممرضة يهودية الا هي بتحكيلي هالمرة رح يصير عندكم بيبي وصرنا نبكي ضليت على ضهري بالمستشفى 3ساعات بعد هيك روحت تابعت مع شيخ وقران فترتها وايات رقيا وتثبيت الحمل وسورة مريم لحد يوم الفحص وحكولي انتي حامل والحمد لله الله اطعمني الحمد لله بنوتة والله يرزق كل مشتهية يارب بالذرية الصالحة اي سؤال او استفسار انا جاهزة |
رد: المرة الثامنة تكللت بالنجاح بفضل الله
ماشاءالله حبيبتي كثير فرحت الك ان شاءالله يبارك لك فيهم
|
رد: المرة الثامنة تكللت بالنجاح بفضل الله
ماشا الله تبارك الله الله يتمم فرحتك على خير يارب ويرزقك ما تتمني
|
رد: المرة الثامنة تكللت بالنجاح بفضل الله
الف مبروك حبيبتي
ممكن تتواصلي معي خاص ببعتلك مسجات ماعندك وسع ممكن تتواصلي معي لو سمحتي |
رد: المرة الثامنة تكللت بالنجاح بفضل الله
الف مبروك حبيبتي
ممكن تتواصلي معي خاص ببعتلك مسجات ماعندك وسع ممكن تتواصلي معي لو سمحتي |
رد: المرة الثامنة تكللت بالنجاح بفضل الله
صدقيني من كتر ما عملت عمليات وفشلت بطلت اعد
يمكن انا حاليا عاملة المرة 14 او 15 نسيت العدد الكامل بس هالمرة عندي امل ويقين باذن الله ونفسي جيب بنوتة كمان الله يحميلك بنتك ودعواتك انو هالمرة تزبط معي كنت مفكرة انو بس الوحدة تعمل اكتر من 5 مرات وتفشل يعني خلص بس انتي زدتي اطمئناني 😘 |
رد: المرة الثامنة تكللت بالنجاح بفضل الله
ألف ألف مبرووووك شفتي كيف حاولتي وحاولتي وصبرتي والله اعطاكي
لا يأس مع الحياة بس أنا مستغربة انتوا بتتعالجوا بمستشفيات اليهود ؟؟ ما بتخافوا يعملوا فيكم شي ؟؟ |
| الساعة الآن 09:57 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .