|
مشكلة وأبغى حل,,,
صباح/مساء ,,,الخير على أحلى منتدى واللي فية,,, أخباركم حبيباتي أنشاء الله تمام؟,,,, ماأبغى أطول عليكم لكن أنا واقعة في مشكلة كبيرة ومالي الا الله ثم أنتو تحلوها لي وتكفون كل من يدخل يرد علي ولو بدعوة,,, المهم الموضوع ومافية أن أخوي علاقتي فية مررررررررررة كويسة والحمد لله ويقولي معظم أسراره ,,, أخوي كل يوم نقولة تزوج لانة ولله الحمد متوظف وله شقة جاهزة ودايما نلح علية لكن هو رافض بدون سبب,,, المهم جاء اليوم وقال لامي ولنا كلنا خلاص قررت اتزوج مرررررررررة انبسطنا واخيرا ,,, وسألتة أمي مين الي تبيها والا تبيني أختار لك قال أن أبغى أخت خوية ,, صحيح ماكان نبغاة ياخذ وحدة مانعرفها لكن قلنا خلاص دامك انت الي مختارها لانك انت الي بتتزوج,,, المهم وبعد شوي جلست انا وياه لحالنا وقال لي :::: أنا اكلم البنت من اربع سنين واحبها انا بصراحة انصدمت بقووووووووووووووووة,,, وشلون ؟ومتى ؟وكيف؟ قال انا مرة جيتهم للبيت عازمني خوية وشفتها طالعة وحطيت لها الرقم وعلى طوووووووووووووول دقت علي ,,, انا ماكنت مصدقة بعدين قلت وشلون ترضى تاخذ وحدة مثل هذي,, ويمكن تكلم مليون واحد غيرك قال لا ..لا قلت وش ضمنك هاذي هي قاعدة تكلمك قال انا واثق فية مستحيل تكون تكلم احد غيري... بصراحة انا يابنات حاولت بشتى الطرق اكرهه فيها لكن دون جدوى أحسها ساحرته اللي اعرفة ان الشباب اللي يتهربون من الزواج من البنات الي يكلمونهم لكن أخوي غيررررررررر... أنا بصراحة اقول اذا البنت خانت أهلها اللي هم اكثر ناس يحبونها وش بتسوي بعدين,,, يابنات انا مصدومة وابغى اصرف اخوي عن هذي البنت اللي ماحافظت على سمعت اهلها باي طريقة كانت,,, انا اقدر اقول لامي وابوي وهم يقدرون يمنعونة بس انا مابغى اخرب علاقتي باخوي عشان وحدة ماتستاهل... ساعدوني بنصيحة أو حتى دعوة لخوي انة يصرفة عن هذي البنت... |
رد: مشكلة وأبغى حل,,,
انك لاتهتدي من احببت ولكن الله يهدي من يشاء اختي لاتسيئين الظن لعل البنت تكون لم تحبب غيره
الله يهدي الجميع واكثري من الدعا اللهم ان كان فيها خيرا فقربها من اخي وان كان بها شر فاابعدها عنه |
رد: مشكلة وأبغى حل,,,
والله يأختي كلامك انتي اللي مشكله !!!
واذا تزوج اللي يحبها ايش فيها البنت كلمته لانها تحبه ,, وش دخل خانت اهلها وهالكلام انتي ماجربتي الحب عشان تحكمين عليها وعلى اخوك انه مسحور الحب هاذا بيد الله ,, يملك القلب من دون شعور بعدين دامهم ناويين يجتمعون بالحلال تجين تخربين عليهم وتبغي يكملو بالحرام عجب !!!!!!!!!!!!!!!! ليش تحكمين على اخوك انه يناساها ويعيش بشعور حزن وكآبه ولو تزوجونه غيرها صدقيني بتظلمون البنت لان قلبه معلق بحبيبته بعدين ويش اللي خلاك تقولي ان البنت ساحرته يمكن البنت علاقتها مع ربها قووووويه وتدعيه طول الليل ان ربي يجمعها مع حبيبها ماشوف اي سبب يخليك تمنعين اخوك ياخذ الانسانه اللي يحبها والله العظيم انه ظلم مابعده ظلم |
رد: مشكلة وأبغى حل,,,
حبيبتي دام له اربع سنين يحبها ويكلمها وعلى علاقه معها
ما رح تقدرين تمنعيه او حتى تقنعيه انه يتركها واي محاوله منك او من اهله انكم تفرقوهم بالعكس رح تخليه يتعلق فيها اكثر واكثر ورح ينفتح باب للمشاكل اله اول وماله اخرررر ولو نصيبه بالخير رح يتزوجها غصب لان هذا بيد رب العالمين ومو بيد احد فانتي سوي اللي عليك وانصحيه وادعيله بس لا تصري ولا تضغطي عليه ولا تحسسيه انك واقفه فطريقه ولو صار وتزوجها حاولي تتعرفي عالبنت وتحبيها يمكن تطلع بنت حلال ايش دراكي ولا تسيئي الظن بيها حبيبتي كل اللي بينهم كلام ومراسلات والحين يطلبون الحلال .. انشاء الله تكون بنت زينه وعلى خلق ودين والله يوفق خويك للي فيه الخير بس نصيحه انصحك هي بقوووووووووووووووووه انتبهي تعارضين او تخبرين اهلك او تفشي سر اخوكي انتبهي تخربي علاقتك باخوك وفالاخير ما رح يحصل الا النصيب فلا تخسري اخوك مهما كان المكتوب ما نقدر نغيره .... |
رد: مشكلة وأبغى حل,,,
اقتباس:
انا معاكي في كل الي قلتيه الحب مو عيب وخصوصا انه بيتزوجها العيب والغلط انه يلعب على بنات الناس وهو غير جاد واكيد عرف انها اخلاق وثقه ولا ماقرر يتزوجها ويخليها ام عياله الله يهديكي |
رد: مشكلة وأبغى حل,,,
اللهم اجمع بينهم على خير
|
رد: مشكلة وأبغى حل,,,
ليش الحب بمجتمعنا محررررررررررررم دام بيتوج بالزواج
ترضوا تزوجوه وحده تختاروها ويظلمممممها بنت الناس الشيخ سلمان العود سمعته ببرنامج حجر الزاوية عن رائيه بزواج المحبين واستغرب من انككار المجتمع خصوصا بعلاقة اخوك جادة وقال الرسول عليه السلام قال(لم اجد دواء للمتاحبين غير الزواج) يعني الرسول ما انكر هالشي باطار الديييييين حرام تظلميها يمكن بنت ناس ليش تكرهيه فيها ؟؟ مو حرام الحب وصدقيني مافي شي اسمه سحر الظلم يا اختي ظلمات يوم القيامة كل من يبى يتزوج عن حب قلتوا سححححححححححححر ؟؟؟؟؟؟؟؟؟؟؟؟ اخوك ما فكر بالزواج منها الا وانت عارفة الرجل الشرقي مايقدم على هالخطوة الا بعد مليووووووووون وترليون اختبار سيبوه يقرر حياته واتمنوله الخير |
رد: مشكلة وأبغى حل,,,
لا لا حرام عليك تفرقي بينهم مادامهم رايدين بعض
وما تاخدي فكره قبل ما تتعرفي عليها وان شالله يتوفقوا |
رد: مشكلة وأبغى حل,,,
شوفي عزيزتي أولا بالله عليك لاتظلمين البنت يمكن عن جد هي كمان تحبه ويمكن اكثر من حب اخوك لها صحيح مستغربه من انها تدق اول ما أخوك حطلها الرقم يعني لو أخوك هو الي مثلا داق عليها وأزعجها مثلا وهي مشت معاه بقول لا البنت ماكانت تكلم ولاتكلم غير أخوك بس أخوك هو الي جرها مثلا بس انها تاخذ الرقم وتدق على طول دليل انها متعوده مابي احط في ذمتي بس انت تأكدي ان الي بنهم كلام وبس يعني والعياذ بالله ان شاء الله مايكون كان في بينهم لقاءات بالسر هذا هو الي يخليك توقفين صح زانت حاولي تسألين عنها وشوفيها وتعرفي عليها زين وادعي ربك.
|
رد: مشكلة وأبغى حل,,,
شكرآ حبيباتي على كل من رد علي,,,
بعدين للي تقول انو انتي ماجربتي الحب ,,الا انا مجربتة بس مو عن طريق الحرام الي قاعدة تسوية البنت هذي بعدين انتو بكلامكوا هذا بتأيدوا ان الوحة تكلم رجل أجنبي عنهاقبل الزواج وهذا محررررررررررررررم شرعا حتى لو كان فية فعلا حب,,, وبعدين انا برضوا خايفة بعد الزواج يصير مشاكل لانه بيكون شاك فيها حتى لوصار لهم فترة متزوجين...ويصير طلاق وانفصال,,, وبعدين مثل مانتوا عارفين انو في بنات بتلعب هي على الرجال مو العكس يعني بتكلم واحد على انو الوحيد في حياتها وهي تعرف غيرة مليووووووووووووووووون واحد وهذي حقيقة... طيب انا كيف اتأكد اذا البنت من هذولي او لا لان الزواج مو لعبة وانا مابغاها تستغفل اخوي اوتضحك علية... بصراحة ماني عارفة ايش اسوي ,,,الموضوع مرررررررررة معقد,,, |
| الساعة الآن 09:17 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .