منتديات حوامل النسائية - قصة ولادتي بفجر عمري**أحبك يمه**

بسم الله الرحمن الرحيم
الحمدلله كما ينبغي لجلال وجهه وعظيم سلطانه
هذي قصة ولادتي في احلى فجوره
صدق المثل الي قال جزاء الوالدين على الله مهما سوينا مانلحق جزاهم
كنت فجرية الجمعه جالسه كالعاده ع النت تعبت من الجلسه وانسدحت جاني الم قووي في بطني خلاني مااقدر اتحرك لمن راح من الخوف طلعت الحوش اصلي قيام وادعي ربي وقريت سورة مريم والزلزله بعدها صليت الفجر ونمت وكنت كل شوي اقوم ع وجع زي الدوره الساعه 9 الصبح قمت توي امشي واحس شي يسيل ع فخوذي وصل لساقي حطيت منديل لقيتها مويه ودم وردي صحيت امي خافت يابعد عمري وقلبي هي وقالت صحي اختك تروح معك قامت فديتها ودقيت ع زوجي مايرد دقيت ع البيت ردت ام زوجي قلت لها صحي زوجي انا تعبانه قالت شفيك قلت معي مويات ودم وقامت تبكي مسكينه واسمعها تصرخ تصحيه
جاني ورحنا المستشفى كشفت علي قالت واحد سانتي روحي امشي وتعالي لوجاك الم او دم طلعت جيت سوت لي امي بيض مع فلفل اسوود كثير وشربت اعشاب ونزنجبيل بعدها رحت البحر مع اهلي لانهم كانو ناوين يتغدون هناك وطول الوقت الدم ينزل وكنت امشي خمس دقايق واجلس لان الآلم مستمر جت الساعه خمس دقيت ع زوجي يرجعني البيت جربنا الجماع واول ماخلصنا نزل علي الدم والمويات بكثره قال اوديك قلت لا توي الالم موقوي رحت تروشت وصليت وسويت لي كوب قرفه وزنجبيل وفلفل اسود مع العسل وغفيت الى الساعه 8ونص وقمت ع الم قووي دقيت عليها وطيران المستشفى كشفو علي قالت 1سانتي مانومك قلت مويه ودم قالت عادي يمكن افرازات افرازات بهالغزاره قالت بكشف بالحديده ع عنق الرحم رفضت قالت تخطيط عالبيبي قلت اوكي سوت لي تخطيط مدة نص ساعه وانااعاني من الم الطلق لانه اشتد علي جت دكتوره ثانيه قالت هذي تنويم كان نبض البيبي زايد خلص زوجي الاوراق واختي بعد عمري تبكي وبكتني معها رحت فوق حطو التخطيط والطلق وانا اتوجع وتحاليل وجت دكتوره قالت نزلوها الملاحظه البيبي نبضه مو منتظم هنا دخلت الحمام وجلست ابكي بحراره ع جنيني خفت يصير فيه شي وزاد علي الدم والممرضات يهدوني لاتبكين ووو المهم نزلوني وخذو تحاليل وحطو علي مغذيات واكسجين والحمدلله انتظم النبض والطلق فيني جت دكتوره شافت تخطيط الطلق قالت عندك الم قلت موبس الم دم ومويات قامت تسالني اسئله روتينيه انسالتها الف مره بعدها كشفت قالت الرحم مفتوح 4 سانتي نزلوها الولاده كانت الساعه 2 ونص جت الممرضه اعطتني حقنه شرجيه وقالت ادخلي الحمام وبعدها امشي وبعدها ادخلي الحمام مره ثانيه سويت الي قالته وبعدها ودتني الولاده
ركبو النبض والطلق والمغذيات اه يابنات تعبت وربي بس الحمدلله جت دكتوره قاست قالت خمسه سانتي وفتحت المويات وهنا فتح العذاب علي روحي تصعد السماء مع كل طلقه وتنزل الارض لراحت مني وصل سته وانا وصلت حدي جلست اصرخ واقطع بشعري واتذكر امي وابكي وادعي لها عرفت ايش معنى ام وش ذاقت امي فيني الممرضه رحمتني وعطتني مويه ابل ريقي وقاست قالت 9 باقي شوي وانا خلاص جلست ادعي ربي ياخذ روحي من الم الطلق ترجيتها واعطتني ابره مخدره للالم شوي ومافي فايده كنت بين طلقه وطلقه يغمى علي وكانت طلقاتي كل دقيقتين او ثلاث ياربي ياذاك اليوم لكن رحمة ربي واسعه وصل 10 وجو الكاتره والممرضات رفعو رجولي وجلسوني وامسكي من تحت بيدك وادفعي وانا اسوي زي ماقالو وسبحان الله الساعه 5وربع الفجر طلعت بنتي يارب لك الحمد وسبحان الله عشان مشيمتي نازله طلعت مع الطفل ع طول مابينهم حتى دقيقه وكنت بالاسبوع 38 مااكلت التاسع مع اني بكر ت الحمدلله
ومن دخلت الاسبوع 37 وانا اشرب اعشاب ميلوبا حقت الاطفال واحط معها عسل لاني تعبت بحملي وابي اولد باي طريقه ولله الحمدوالمنه ربي من علي وكنت اكثر من الرطب والتمر من الثامن وكان مقرر لي قيصري لنزول المشيمه بس ربي كريم وجبت فجر يوم السبت الموافق 28-4-1432وهذي قصتي يابنات
ربي يهون على كل حامل يارب واهدي حبي لكل بنات قروب امهات الغد لانهم اكثر من خوات فديت قلوبهم والصلاة والسلام ع نبينا محمد وعلى اله وصحبه اجمعين