|
وضع الجنين مقعدي
صباح الخير
بنات انا باقي اسبوع على موعد ولادتي ورحت امس للمراجعه عند الدكتوره قالت لي الجنين في وضع مقعدي يعني جالس وراسه فوق ومارح يطلع الى بعملية وقالت لي اجيها اليوم عشان تحدد موعد عشان العمليه وانا ماحس بألم الطلق ابدا وفيه ناس قالو لي لاتستعجلي على العمليه ولاتروحي لهم الى لما يجيك طلق احتمال مع الطلق تتغير وضعيته حبيت اسألكم من حصل لها كذا وولدت طبيعي انا صرت امشي وانزل من الدرج كثير واخاف ارهق نفسي على غير فايده لاني ماحس ألم ابدا واخاف اذ انتظرت وماعملت العمليه لما يجي الطلق يتضرر الجنين افيدوني بليز |
رد: وضع الجنين مقعدي
ياقلبي الله يسهل عليك ان شاءالله
انا اقول الافضل تسمعين كلام الدكتوره لانها هي الي تعرف مصلحتك اكثر وزي ماقلتي يمكن تجلسين ويسبب لك خطوره لاسمح الله او يصير عندك ولادتين وانتي وكلي امرك لرب العالمين سبحانه وان شاءالله يتعدل وضع جنينك عليك بالاستغفار والدعاء وربي ييسر امورك وتولدين بالسلامه دعواااتك لي اختي بولاده سهله ميسره |
رد: وضع الجنين مقعدي
الله يسمع منك يالغاليه
والله مره محتاره وخايفه لاني بكريه واخاف بعدين كل ولاداتي بعمليه الله يسهلها علينا وعليك ونولد بالسلامه ان شاءالله |
رد: وضع الجنين مقعدي
اهلين اختي
انا بكريتي كانت نفس الشي وولدتها بعمليه بس ترا مو شرط لو وحده عمليه تقدري الي بعدها طبيعي ان شاء الله بس يكون الفرق بينهم 3 سنين علشان تقدري طبيعي والله يسهلك يارب |
رد: وضع الجنين مقعدي
والله انا اقول خليك مع الدكتوره واتركي كلام الناس ... لو يصير له شي من راح ينفعك ..
بس سمعت ان (( الحبو)) يغير وضعية الجنين .. جربي والله يسهل لك يااااااااااااارب |
رد: وضع الجنين مقعدي
جربي السجووود ياقلبلي هو اللى يخلى الراس تنزل لتحت وعن تجربه
وربي يتمم لك ع خير |
رد: وضع الجنين مقعدي
حبيبتي الله يقومك بالسلامه
انا صار معي كذا بس في الاسبوع الثاني من التاسع وكنت امشي واحبوا والحمدلله تعدل واقري على بطنك في كل وقت وتوكلي على الله ولا تفكري في كلام الدكتوره عشان ما ياثر عليك واذا ربنا اراد العمليه خلاص وكلي امرك لله وان شاءالله الجاي يكون طبيعي الاهم سلامتك وسلامة البيبي كل شي تنسيه لما تشوفي النونو |
رد: وضع الجنين مقعدي
والله لو كنتي بكرية امشي واجلسي بوضعية السجود انتي سوي الي عليك والباقي على الله
|
| الساعة الآن 07:54 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .