|
اسئله من الامهات الي عندهم خبره عشان الكل يستفيد
السلام عليكم ورحمه الله وبركاته
اول شي اني عضوة جديده معاكم حبيت من جميع الامهات الي عندهم خبره يقولون لنا احنا الامهات الا ماعندنا خبره hwaml23 اول سؤال شنو احسن حليب تستخدمينه لولدج او بنتج وحسيتيه زين واهم شي يربرب الياهل ؟؟ اني استخدم حليب ابتاميل كمفورت وبخصوص هذا الحليب ابي اعرف استخدمه بس اذا كانت بنتي عندها امساك لو عادي على طول استخدمه لين اتكمل 6 شهور . بالنسبه للرضاعه الطبيعيه انا ارضع بنتي رضاعه اشوي طبيعي وشوي صناعي مع العلم ان مطفشتني بالغصب تشرب من صدري وتقعد تصرخ وترفس من اخليها خصا على الصدر اليسار شنو السبب مادري . بالنسبه للاكل انا بنتي الحين بنهايه الشهر الرابع يعني باقي 5 ايام وتدخل الخامس شنو اعطي بنتي من اكل يسمنها اشوي خخخخ اما بالنسبه للحفاظ انا استخدمت بامبي اوكى يعني بس ساعات يطلع لها تسلخات فابي كل وحدة تقول شنو احسن حفاظ استخدمتيه مايسبب لا تسلخات ولا تسرب اخر شي hwaml02 ابي كل وحدة اذا كتبت لنا عن وصفه اكل تكتب لنا الطريقه بالتفصيل يعني الحليب كم كميته والاكل شلون عشان الهبلان الا نفسي يستوعبون hwaml03 ارجو من الجميع التفاعل عشان كلنا نستفيد hwaml7 |
رد: اسئله من الامهات الي عندهم خبره عشان الكل يستفيد
معقوله ولا وحدة ترد انزين على الاقل رحبو فيني اذا ماتبون تردون على اسئلتي بجد زعلتوني
|
رد: اسئله من الامهات الي عندهم خبره عشان الكل يستفيد
هلا فيك يالغاليه
بالنسبه للحليب انا استخدم سيميلاك وهو مره زين وارضع بنتي طبيعي وصناعي بس الحليب عندي هالمره مره قليل وبنتي ما تخذ الصناعي الا بالغصب وللحين عمرها شهر و50 يوم وبالنسبه للاكل اسلقي لها بطاطس واهرسيه وخليه ينعم بالفرامه مع شوي حليب وراح تسمن عليه والحفاضات انا استخدمت بامبي واليوم لاحظت تسلخ بسيط لكن استخدمت لها كريم دكتارين وبسرعه خف اتمنى اكون افدتك بشي بسيط |
رد: اسئله من الامهات الي عندهم خبره عشان الكل يستفيد
انا فبنتي كنت اعطيها بالاول بليميل بلس كتير حلو مابيعمل مغص ولا امساك بعد ال6 شهور صرت اعطيها سيميلاك كتير حبتو
بالنسبة للاكل الفترة هاي ماتكتري بس تذوقيها من الفواكه والخضار المهروسة وتصيري تزيدي شوي شوي حتى يصير ملعقة صغيرة بعدين اكتر شوي شوي ويفضل كل صنف لحالو 3 ايام حتى تشوفي اذا في صنف تتحسس منو بالنسبة للرضاعة منك انتبهي انتي شو بتاكلي ممكن بغير طعم الحليب تبعك وبخليها ماتحب ترضع منك بالنسبة للحفاضات مافي بعد باااااااااااامبرز خاصة مع كريم العناية ارجو ان اكون افدتك واي سؤال انا جاهزة |
رد: اسئله من الامهات الي عندهم خبره عشان الكل يستفيد
أنـآ كم مره غيرت الحليب لولدي لين يناسبه شي
أول حليب رونالاك بس كان يسبب له مغص وبعدين نـآن وسبب له إسهـآل وألحين إستقريت على نان إتش إيه وعمره 3 شهور ونص للحين مـآ كلته شي بس اطعمه بطرف إصبعي يعني لحسه عشان يعرف الحالي والمالح والحفاظات مره بيبي جوي ومره بامبرز لأن الإثنين مناسبينه بس بامبرز للطلعات برى البيت والبيبي جوي بالبيت وعند أهل زوجي ... إن شاء الله لوكمل 5 شهور ببدأ أكله .. بس حبيت أسال متى نبدأ نأكله السيريلآك ؟ وأي نوع بأي طعم ؟ أتمنى أكون أفدتك هذآ أول ولد لي وماعرف شي ... |
رد: اسئله من الامهات الي عندهم خبره عشان الكل يستفيد
شوفي حبيبتي انا ارضع طبيعي بس والحمدلله ولدي وزنه مناسب وفوقه حبتين كمان وبنسبه الاكل بدات ااكله ٥شهور سيريلاك وفواكه وبعدين بطاطس مهروس وجزر وفواكه
|
رد: اسئله من الامهات الي عندهم خبره عشان الكل يستفيد
انا استخدم لولدي حليب 26 مرتاح عليه
بديت اوكله من دخل الخمس شهور بلشت بالتفاح اسلقه شوي واضربه بالخلاد بعدين جزر وبطاط ومن 6 شهور سيؤيلاك احسن حفاظ بامبرز |
رد: اسئله من الامهات الي عندهم خبره عشان الكل يستفيد
اختي ملكني بطيب قلبه اسعدني مرورك الغالي
وشكرا لك على النصائح |
رد: اسئله من الامهات الي عندهم خبره عشان الكل يستفيد
مشكورة ام جنى على تواجدك بموضوعي
المشكله من اخليها على صدري تنفر يعني من قبل لا تشرب وساعات من اخليها على طول تشرب وساعات العكس لو اموت ماترضى ترضع مني وشكرا لكي |
رد: اسئله من الامهات الي عندهم خبره عشان الكل يستفيد
اهلا اختي ام عزوز
بس حبيت أسال متى نبدأ نأكله السيريلآك ؟ وأي نوع بأي طعم ؟ بصراحه ماعندي اي فكره اكثر الناس يقولون من السادس لكن اني عطيت بنتي سيريلاك الارز لان اخف على معده الياهل هذا الا اعرفه |
| الساعة الآن 02:02 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .