منتديات حوامل النسائية - معدة الجنين ظهرتلي دايرة سودا

منتديات حوامل النسائية (https://naqatube.com/index.php)

- منتدى أعراض الحمل والوحام (https://naqatube.com/forumdisplay.php?f=8)

- - معدة الجنين ظهرتلي دايرة سودا (https://naqatube.com/showthread.php?t=60067)

معدة الجنين ظهرتلي دايرة سودا

ياجماعة انا بجد تعباااااااااااانة اوي وعمري ماتخنئت وخوفت زي دلوئتي ارجوكم طمنوني ده اول موضوع ليا فالمنتدي انا جديدة معاكو
انا كنت عند الدكتور انهاردة اتابع حمل وانا فضالي 9 ايام واكمل التالت
المهم روحت وعملتلي سوناروشوفت البيبي الاول كان زي مايكون ساجد كده وشوفت ايديه ورجليه وراسه المهم طبعا هي مكبرالي اوي عشان اعرف اشوفه كويس وسمعتني النبض كان تماام الحمد لله المهم وهي بتحرك السونار علي بطني لمحت دايرة سودة كده في والدايرة دي كانت كبيرة شوية وواضحة اوي انا مكنتش عارفة الدايرة دي فين ولا دي ايه انتو طبعا عارفين ان البيبي بيظهر لونه رماديشوية لون جسمه يعني كان لون جسمه كده بس كان فيه دايرة لونها غامق اوي وهي معلقتش وفضلت حرك السونار والصورة تتغير المهم انا سالتها قولتلها ايه يادكتورة الدايرة الودة اللي في راسه دي راحت جابتلي صورة راسه مفيهاش حاجة قولتلها انا شوفت دايرة سوده راحت جابتهالي قولتلها اه دي اييه دي ؟ قالتلي دي مش راسه دي معدته قولتلها ايه الدايرة دي قالتلي ده تمدد فالمعدة قولتلهايادكتوورة طب وهو ليه كده ده طبيعي ركزت شوية وقالتليهو حجمه اكبر من المعتاد طبعا انا تخضيت اووووووووووووي لاقيتها اتخضت علي خضتي وقالتلي اييه متققلقيش انتي ال ار اتش بتاعتك موجب ولا سالب قولتلها موجب قالتلي طيب قوقلتلها يعنني ايه يادكتوورة اعمل ايه قالتلي يمكن عشان الاعضاء لسة مكتملتش قولتلها الحل ايه اعمل ايه قالتلي انتي هتعمليلي اشعة عشان نحدد المهم كتبتلي وقالتلي ده سونار بس من نوع تاني عشان يعرفنا ده منن ايه وروحت للمركز اللي قالتلي اعمل فيه مننفعش اعمل انهاردو فضلتت اعيط طول الطريق والله لحد دلوئتي هموت من القلق مش عارفة في ايه مش عارفة دي حاجة خطيرة ولا عادي بتحصل وايه تمدد فالمعدة ده هموت بجد من هنا لحد بكرة مش عارفة ده من ايه وعلاجه ايه واصلا بينفع يتعالج ولا هنزل البيي لقدر الله لو مكنش ليه حل انا مخنوءة اوي وتعبانة ارجوكم لو حد يعرف اي حاجة بالله عليكم تقولولي انا مش عارفة هستحمل لحد بكرة زاي