منتديات حوامل النسائية - حبيباتي ساعدوني بمشورتكم...

منتديات حوامل النسائية (https://naqatube.com/index.php)

- منتدى الحياة الأسرية والزوجية (https://naqatube.com/forumdisplay.php?f=61)

- - حبيباتي ساعدوني بمشورتكم... (https://naqatube.com/showthread.php?t=65586)

حبيباتي ساعدوني بمشورتكم...

السلام عليكم ورحمة الله وبركاته...
كيفكم حبيباتي ان شاء الله تكونوا بخير...
هفوت بالموضوع ع طول وبتمنى انكم ما تبخلوا عليا بمشورتكم ...
اخواتي انا متزوجة من سنتين وكان عندي بنوتة وتوفت وهي عندها 8 شهور ومن دون سبب وهي اول طفلة الي والحمدلله على كل شي وان شاء الله تكون شفيعة النا يوم الدين ... هلأ انا حامل بالشهر الخامس وعرفت انه جنس البيبي ولد واخوات زوجي وحماتي واهل زوجي بشكل عام عايزين يعرفوا شو جنسه وبيتمنولي انه يكون ولد ما بعرف ليش يعني وانا خايفة احكي لحدا ما بدي حدا يعرف الا لما اولد لانه بعد وفاة بنتي سرت اخاف من العين بصورة مو طبيعية وخصوصا انه بنتي ما كانت مريضة ابدا فجاة صارت تستفرغ كل شي بتاكله وبعدها اخدناها المشفى ودخلت بالعناية المركزة يوم واحد بس وبعدها توفت مباشرة...الحمدلله هي كانت جميلة جدا جدا سبحان الله ومو تحكو القرد بعين امه غزال والله مو كلامي ما حدا شافها الا وحبها كتير حتى لما اكون بتمشى انا وزوجي بالحديقة كبار وصغار بتلفت انتباههم ولما اروح العيادة للتطعيم الدكاترة والممرضين يضلوا يطالعو فيها ويسألوني عنها سبحان الله تشد الانتباه والله انا موقصدي انه اي حدا يكون جميل ممكن يموت من الحسد لا بس المنطقة الي انا عايشة فيها كلهم حسودين ومعروفين ما شاء الله خصوصا عمة زوجي والله يوم المباركة صارت تقيس فيها كام شبر طولها وتمدح فيها من دون ما تزكر الله ولا تصلي على النبي حسبي الله ونعم الوكيل ,,,, المهم هلأ انا خايفة احكيلهم شو جنس البيبي وينزاع الخبر بكل المنطقة وخصوصا كلهم منتظرين يعرفوا ومن القصص الي بسمعها هون وهون خفت احكيلهم وخاصة انه الولد عندهم غير شكل عن البنت والله ما بعرف شو هالتخلف هلأ منتظرين اروح الشهر هاد عالدكتور واحكيلهم شو جنس البيبي لانه كزا مرة يسألوني بشو حامل واحكيلهم لسة ما عرفت ..شو اعمل وشو احكيلهم ما حدا بيعرف غير زوجي واهلي بس وماما وصتني ما احكي لحدا ابدا ابدا والله حاسة اخوات زوجي هيفرحولي بس المشكلة انه الي سلفة يا لطيف منها محطة اخبار ما شاء اللهhwaml15 وخايفة ينتشر الخبر بالمنطقة عنا ويسير شي بالولادة لا سمح الله بشو بتنصحوني يا غاليات وامانة تدعوووووووولي من قلبكم لاني بحاجة لدعواتكم ومشكورات مقدمااااا ...واسفة جدا عالاطالة حبيت احكي كل الي بقلبي بتمنى ما تخيبوني