|
متى تبدون تجهيز المولود
صباااااااااااح الخير ....
شلونكم .... منو فيكم بدت تجهيز المولود ؟؟؟؟ وشنو جهزت ؟؟؟؟ وشنو ناقصهاااا؟؟ منو عندها نصايح لنا بمرحلة التجهيز؟؟ والله يجزاكم خير ويهون علي وعليكم يا رب hwaml7 |
رد: متى تبدون تجهيز المولود
والله مادري انا بالسادس قاعده افكر اشتري من الحين او انطر شوي بعد
شنو راي البنات ؟؟ |
رد: متى تبدون تجهيز المولود
انا بعد في اخر السادس بس جهزت كل شي من ملابس البيت الطلعه ومهادات وبطانيات ووووكل شي بس ناقصني السرير والمدس ان شا لله في اخر السابع بشتريهم
|
رد: متى تبدون تجهيز المولود
انا الحمد لله خلصت وبقى مفرش النفاس واغراض المولود وانا من الصيدلية وانا انصحك استشيري قريباتك المجربات انا احب اكثر من الملابس الداخلية والقطع الكاملة ومن المهادات والمفارش ولا انسى عطر المولود من المخلطات الناعمة او لوشن ناعم يمدحون حق الماجد والله يهون علينا والمسلمات
|
رد: متى تبدون تجهيز المولود
انا ماشالله خبره هذا رابع بيبي حمدالله وخلصت جهاز البيبي بس ماشريت سرير البيبي ولا حوض السباحه ولا اغراض تنظيف البيبي انا الحين بالسادس وانشالله بكمل بنهاية الحمل. والله يخون علينا يارب
|
رد: متى تبدون تجهيز المولود
أنا انصح للوحده تبداء من السادس لان بس تدخل السابع تتعب من المشي أنا الحمدلله خلصت بسادس بس باقي اغراض الصيدليه للنونو بأخذها انشالله اخر شهر ..
اذا انتي بسادس خذيها من الحين .. |
رد: متى تبدون تجهيز المولود
انا بصراحه ماقضيت الا ببداية السادس لما عرفت جنس البيبي
وشريت كل شيء من ملابس بس باقي لي السرير وحوض السباحه ووالقبعاااات واغراض الصيدليه ناويه اشتريهم اذا دخلت الثامن او بنهاية السابع ربي يسهل حمله ومخرجه ويارب يجي بالسلامه وبصحه وعافيه يارب |
رد: متى تبدون تجهيز المولود
انصحك تبدأي من السادس
لان من بداية السابع بتصيري ثقيلة وخصوصا المحلات إلي فيها درج بيكون الوضع متعب |
رد: متى تبدون تجهيز المولود
الله يسهل علينا
|
رد: متى تبدون تجهيز المولود
حلو التجهيز من السادس
انا الحين في الثامن ومره شيلتي ثقييييييييييييييله وكله ظهري يوجعني واتعب من المشي مع انه في التاسع ببدا المشي باذن الله ما ادري كيف بقدر الله يسهلها علينا انا الحين اجهز وادور المحلات الصغيره واللي ماتحتاج مشي واجد زي سنتر بوينت ستي ماكس اخر فرصه المذركير اللي ع الشارع بالخبر وكذا محلات واستثقل دخولي المجمعات لاني اتعب شريت ملابس البيبي والرضاعات والفوط واللفات ومناديل الصحيه و حفاضات الرضاعه للصدر ، ملابس داخليه للاستعمال مره وحده ( هذي مره مريحه ومهمه ) ، امم ، اخذت بعد قبعات وشرابات وقفازات للبيبي ، واخذت عدة الادوات الصحيه للبيبي ( المشط ، مقص الاظفار ، اللي حقت الانف ، مبرد صغير ) باقي لي مفااارش ( المحمل ) + مفرش النفاس + سرير البيبي + التوزيعات + عدة الشامبو والباودر اللي حق الاستحمام + اسفنجة اللي يحطون البيبي عليها اثناء الاستحمام الله يعين ويسهل عليا وعلى كل حامل |
| الساعة الآن 07:55 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .