|
حماتي تعبت نفسيتي بغربتي
بسم الله الرحمن الرحيم
السلام عليكم ورحمة الله وبركاته رح أحكيلكم قصتي و انتوا حكموا بس ساعدوني أرجوكم أنا ساكنه عند بيت حماي لأن زوجي عم يصرف على البيت عمي ما بيشتغل عم يريح حاله و أخوات زوجي كلون عم يدرسوا لهيك ما منقدر نطلع من عندهوم , متزوجه من سنتين أنا أول ما أتزوجت دينت عمي ميت غرام ذهب و ما حكيت, كانت معاملت حماتي كويسه كتير لأني كنت كتل الخدامه شو ما بتطلب أمر و طاعه نسيت اني مثلي متل بناتها يلي ما بيتحركوا من غرفتهم بس من كم شهر صحيت على حالي ما عدت أشتغل إلا عند الصبح بطبخ و بنظف و بفوت على غرفتي و من وقتها المعامله صارت كلام قاصي و تجريح هلق بعد سنتين جبلي عمي الذهب بس ناقصين كتير جابون ثمانين غرام قال ليه ما عجبوني بهدلوني و ذلوني و ما عاد يحكوا معي والله تعبت من معاملتهم السيئه و كله من وره حماتي والله كل يوم بتحكي علي من ورايي كل ما بسمعون عم يحكوا بيكون الحكي علي شو اعمل شو الحل و ماحد يقلي طلعي من عندهم لأن زوجي مو قدرته عم يصرف على طلاب جامعه و بيت و عيله و أجارات... ما بيلحق بدي حل يخليني واجهم بس كيف أرجوكم ساعدوني الحكي مو مثل الشوف المعامله كتير سيئه كل ما عملت شي ألي بهدله في كتير قصص بس ما بدي طول عليكم عم انتظر ردودك لا تخلوني. تحياتي للجميع نيهال . |
رد: حماتي تعبت نفسيتي بغربتي
الله يعينك.. ماللك الا ان تبعدي شوي عنهم سوي الي عليك وخلااااااااص .. يعني طبختي غسلي الي سويتي فيه ونظفي مكانك واطلعي وببببببببس ...
(( ابعد عن الشر وغنيلوه )) والله ييسر امرك يالغاليه |
رد: حماتي تعبت نفسيتي بغربتي
الله يعينك ياقلبي..
مشكلة الدين خليها على ربنا حقك ماراح يضيع ان شاء الله واصحك تديني احد الدنيا مالها اماان ... ومشكلتك التانية ... بالنسبة لأنهم يتكلمو عليكي يختي افرحي في احد يعطيكي حسناااااااااااات المفروض تكوني مبسوطه حسنات بتجيكي على الجاااااهز... وكل ماشافوكي مبتسمه وفرحانه هما حيبطلو خديها مني كلمة دا شي الشي التاني دايما قابليهم باابتسامه وسوي الي عليكي واهتمي بيبتك وزوجك وكان الله سميع الدنيا .. ((رضا الناس غاية لاتدرك))لاتتعبي نفسك وتشيلي هم والله الدنيا ماتستاهل... يعينك ربي ياارب ويقويكي دايما قولي اللهم اجعل كيدهم في نحرهم وربنا حيكون معاكي ان شاء الله هوا سامع وشايف.. صدقيني ...^ـ^ دمتي بود |
رد: حماتي تعبت نفسيتي بغربتي
و الله هيك بقول يا بنات الله بعين و بكسب حسنات بس للصبر حدود أنا نفذ صبري تخيلوا كل شوي في حدن عم تعامليه معامله كويسه بس عم يردها بالحكي عليكي و ما حدن عم يحكي معي كأني قاتله لهم قتيل أنا بالغربه و صغيره عمري 15 و نص و مغتربه عن أهلي و بلدي تعبت ويلي أهلي و ويلي المشاكل يلي في سوريا و ويلي أخواتي الأيتام ما عندهم ام أمي متوفيه شو بدي أتحمل لأتحمل ...
مشكوره خواتي والله مالي غيركم أشكي همي تقبلوا ودي نيهال. |
رد: حماتي تعبت نفسيتي بغربتي
حبيبتي مافي بيت مافيه مشاكل خاصة اذا كان لكي بنات حماه
ربنا يعينك ... بس اذا كنتي على حق واسمعتي كلام بينحكى عنك لا تسكتي انا عارفة الواحد مايصبر خاصة لو كان الحكي عنه غلط وتبلي بس طبعا بأدب عشان مايحسوا انك ضعيفة ,,, يابتخبري زوجك بس انا شايفة انه زوجك شايل هم كبير الله يعينه يعني ما اعتقد يهتم لأنه حملوا كبير يعني حليها انتي .. يابتتبعي اسلوب التطنيش متل ما نصحوكي الاخوات قبلي بس انا طبعي مابحب حدا يحكي عليا خاصة لو تبلي لأنه ماعندي صبر |
رد: حماتي تعبت نفسيتي بغربتي
أي والله يا أختي أصعب شي أنك تسمعي حكي جارح عنيك بس كيف بدي واجههم والله بخاف و دغري ببكي الله يعيني
مشكوره أختي على الرد لكي تحياتي نيهال. |
رد: حماتي تعبت نفسيتي بغربتي
ياقلبي يانيهال وسعي صدرك ياااااااااختي واذكري الله وعليك بالاستغفااار والله يفرج همك وقولي هالدعاء حسبنا الله سيؤتينا الله من فضله ان الى الله راغبوووون دعاء المعجزات
شوفي ياعمري اغلب الحموووووووات كذااا لو بتعطيهم عيووونك مااايقدروووو فانتي سوي الي بترتاحي عليه يعني سوووي واجبك بس ولاتعصبي ولاتكتمي ولا تشيلي هم لالالا خلك مطنشه والله يانيهاااااااااااااال شوفي الي يطنشوووا ويضحكووووا ماختيررررررووا يعني ماكبررررررووو فابعدي عن الهم انتي قلتيهاا بلسانك زوجك مرتبط باهله ومابيقدر يطلع خلاص ياعمري عودي نفسك على هالحياه وتقبليه انتي اهم شي احترمي حماتك وصدقيني اذ شفتيها بتحكي اهي وبناتها سوووي نفسك ماسمعتي شي وابتسمي صدقيني بيستحووووا من حركاتهم اهم شي انك مبسووطه مع زوجك خلاص لاتكدري على حالك اضحكي تضحك لك الدنيااااااااا والله ينصرك ياارب ويخلي لك زوجك واهلك يااااااااااااااااااااااااارب وينصرررررررررررر سوريااا حبايبنا والله |
رد: حماتي تعبت نفسيتي بغربتي
اول اشي انا مو شايفه انك غلطي لانك انتي انسانه وفرد بالبيت متلك متلهم
انتي اعملي الي عليكي اطبخي ونظفي واعملي كل اشي بمحيطك انتي بالتالي الحق عليكي انتي لانك اعطيهم فرصه هلأ مو مهم الي راح المهم الي جاي بالعكس كوني منيحه معهم واتغاضي تصرفاتهم وحكيهم عنك لانو بالاخر راح يزهئوا من الحكي اذا ماشافوا نتيجه وشافوكي منيحه وراح يخجلوا اهم اشي زوجك ورضى زوجك برضوا مالازم الانسان يحمل اكتر من طاقتوا يعني حماتك وحماكي متل ابوكي وامك ساعديهم وطبطبي عليهم بحكم انهم كبار بالسن ومو مشكله على الذهب من ترك شيء لله عوضه خير منه وان شاء الله الي جاي احلى المهم ظلي ادعي الله واقراي قران واستغفريه كتييييييييير لانو الاستغفار مفتاح الفرج واهم اشي تكوني ذكيه ومنيحه مع الكل طمنينا عنك والله يوفقك |
رد: حماتي تعبت نفسيتي بغربتي
الله يرحم ستك ويجبر بخاطرك ويفرج عنك همومك ويرزقك من حيث لا تحتسبين
وبنصر سورياااا واهلهااا يارب |
رد: حماتي تعبت نفسيتي بغربتي
والله ماني عارفه ايش انصحك وماحبيت اقرأ وماارد
الله يفرج همك وهم اهلك واهل سوريا اجمعين الله يبرد على قلبك ويكتبلك الراحه النفسيه والجسديه الله يحفظ اهلك واخواتك ويرحم امك ويغفر لها |
| الساعة الآن 02:00 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .