منتديات حوامل النسائية

السلام عليكم ورحمة الله وبركاته
من دون مقدمات ......<<دفش هاهاها
من دخلت التاسع وانا عند اهلي
وكل يوم ادق على زوجي عشان يوديني للبيت انظفه ويرفض
يقولي بكره وعلى هالحال لين جا ذاك اليوم اللي وافق طال عمره
قلت له قبل اروح البيت ابي امشي بالممشى
ومشيت ساعه كامله ولا حسيت بشي
وكان يقولي تحسين بشي وانا اقول لا
واسولف عليه تتوقع اولد نص رمضان والا بالعيد ونضحك
المهم رحنا البيت بديت انظفه ويوم شبه خلصت منه بديت اصلح السحور
وانا واقفه بالمطبخ حسيت شي ينزل
رحت للحماام وانتم بكرامه لقيت المويه بدت تنزل
ما انصدمت لاني شايفه خواتي قبل
المهم عرفت انو ولاده في ذيك الساعه مافيه شعوووور ابد
غسلت وطلعت كملت السحور وكل شوي اروح للحمام
سحرت ابو الشباب وصلى وراح ينام
قالي مو نايمه؟؟؟
قلت الا بس بخلص شغلي واجي انام<<اسلك طبعا
المهم على طول رحت تروشت واستشورت شعري وللحين ما حسيت بالطلق بس كانت المويه ماااره كثيره
خفت والساعه 6 صحيته وقلتله يلا نروح للمستشفى
الرجال ما استوعب طير عيونه وقال تكذبيييييييييييييييييييييييييييييييين
هنا حسيت بالخوف حطيت راسي بحظه وجلست ابكي
الا الرجال بدا يستوعب
اول ما ركبت السياره جتني اول طلقه
وكنت مغمضه من شده الالم وهو جالس يستهبل على راسي يقولي فتحي
شوفي الصباح انه جميل
وانا اصارخ عليه شوي شوي المطبات توجع
المهم وصلت المستشفى ورقيت للطواري يوم كشفت قالت واحد سم
وانا هنا جاني خووووف لان كل الالم اللي حسيته هذا بس واحد سم ؟؟؟
وقالت لا زم تنزيم عشان المويات
ومن هاك الساعه ليييييييييييييييييييييييييييين 8الصبح انفتح 3 وودوني غرفه الولاده
ومن الساعه8 لين 2 وانا بس اصيح واصارح
الم غير طبيعي واحس بعطش موطبيعي ورفضو يشربوني قبل اولد
اول ما شفت الدكتوره تحتي قلت لها ما ابي جرح جلست تضحك
حاولو يولدوني بس صالح متمسك ببطني موب راضي يطالع وربي هلكت
اللي فوق راسي بس 4 ممرضات ودكتورتين من شده تعسر ولادتي
ويصارخون بصوت واحد دفي دفي
وانا خلاص ما فيني تعبت
الساعه 3 ونص اسحبوه غصب الله لا يسامحهم <<لان حالتي المعروض قيصري
مسكين لقوه مختنق بالحبل السري خنقه قويه
على طول ودوه لعنايه حديثي الولاده
ونص نفاسي اتردد على جنيني بالعنايه كل يوم اروح اشوفه واقرا عليه
تعبت صراحه
وطلع عنده شد باوتار رجوله وقبل ما طلعوه لي حطوله جبيره برجوله يا حياة امه
وتعبت معاه مااااره صياح ومتغلق وكل اسبوع نغير له الجبيره
لكن الحمدلله على كل حال
وابشركم الحين وضعه احسن وباقي اسبوعين ونفكه نهائي
وهذي قصتي باختصاااااار <<لاحظو باختصار
لان احداثها كثيره ومؤلمه وما احب اتذكرها......hwaml7