بنات ثصة حقيقية وابغى رأيكم ضروري
 

بسم الله الرحمن الرحيم
كيفكم بنات من أول ماسجلت في هذا المنتدى وانا عندي قصة حقيقية لوحدة قريبة مني مرة وابغى احكيلك هيا وابغاكم تردوا عليا بكل امانة
بداية القصة زوج وزوجة تزوجوا وانجبوا 7 اطفال 4 بنات و3 اولاد وعاشوا مع بعض 9 سنوات بس كانت فيها مشاكل فسافر الاب لاحد البلاد العربية وتزوج من وحدة تانية ولما عرفت زوجته تركت اطفالها في مدخل البيت (العمارة ملك لاهل الزوج )وقفلت الابواب واخدت شهادات ميلاد اطفالها عناد في زوجها واكبر وحدة في اطفالها كان عمرها 8 سنوات والصغيرة 10 اشهر
والحمد لله انوا اهل الزوج كانوا في البيت اخدوا الاطفال عندهم وجلسوا عندهم تقريبا15 يوم الين ما جا ابوهم من السفر
وبعدها صارت عدة محاولات للاصلاح لكن الزوجة كانت رافضة تماما الرجوع ولا حتى من اجل اطفالها لدرجة انها تنازلت عنهم في صك في الحكمة ورفضت اعطاء زوجها الاوراق الرسمية من شهادات الميلاد وغيرها واضطر الاب
لاعادة التطعيمات عشان تطلعلهم شهادات ميلاد جديدة عشان المدرسة بس وجلسوا عند جدتهم وعمتهم وهما الي ربوهم وتعبوا عليهم وبعد12 سنة اتوفت جدتهم الله يرحمها وجلسوا هما مع عمتهم والصراحة ماسيبهم وطبعا الاب هوا الي بيصرف عليهم وكل شي يسويه من توصيل مدارس وكل يوم يجي عندهم ويشوف ايش محتاجين والمد لله البنت الكبيرة اتزوجت والولد الي بعدها كمان اتزوج والاولاد الاتنين اشتغلوا البنات الثلاثة اتخرجوا وجالسين في البيت دحين الله يسهلهم ويتزجوا يارب
ودحين ظهرت الام الي سابتهم كل هذه السنوات وتبغاهم يصرفوا عليها ووفرولها العلاج ويعاملوها كأم حقيقية والصراحة هما ماقصروا معاها بس في الاخير اكتشفوا انها ممكن تكون متزوجة مسيار من وراهم وبتستغلهم فزعلوا وما صاروا يكلموها وهيا مرات تكلمني وتدعي عليهم وانا اقولها انها تدعيلهم بالهداية وتقولي انها حتشتكي عليهم عشان يصرفوا عليها بس انا ما اعرف كيف قلبها يديها تدعي علي فلذات اكبادها بس برضوا ما استغربت كتير لانوا الي تقدر ترمي طفلة عمرها 10 اشهر تقدر تسوي كل شي والى الآن عمتهم معا هم وتراعيهم ومابتطلب منه شي
في وحدة منكم تقدر تسوي هاد الشي ؟

رد: بنات ثصة حقيقية وابغى رأيكم ضروري
 

ان لله وان اليه يراجعون

بصراحه مالها حق تطالبهم لانها تركتهم وهم صغار ومالهم ذنب وجايه بعد ماكبرو تطالبهم

والله حرام عليها

الي تستحق تاخذ منهم هي عمتهم الي تعبت عليهم

حسبنا الله ونعم الوكيل

رد: بنات ثصة حقيقية وابغى رأيكم ضروري
 

ترميهم وهم صغار من غير رعايه ولاحنان وجايه تبيهم يصرفون عليها
كثر الله خيرهم استقبلوهاوصرفو عليها ورجعت العلاقه وما الومهم يوم درو انها متزوجه مسيار. لا قالت لهم وزعلووو من حقهم يزعلون

رد: بنات ثصة حقيقية وابغى رأيكم ضروري
 

المسؤليه على الزوج .. ومهما كان الام ماتخلت عنهم من غير سبب .. وواجب عليهم هذي امهم مهما صااار وحصل تبقى ام ..

رد: بنات ثصة حقيقية وابغى رأيكم ضروري
 

تبقى امهما مهما حصل منها !!
يجب عليهم برها واحتساب رعايتها
وحتى لو متزوجة مسيار هذا شيء خاص فيها
حتى الاب تزوج وبضروا بعد زواجة تركهم عند جدتهم وما اخذهم عند زوجتة !!!
ايش الفرق بينهم ؟!
انة يصرف عليهم يعني ؟!
المادة مو كل شيء .. يبقى فقد الام والأب موجود !

الله يهدي الجميع ويصلح القلوووب

رد: بنات ثصة حقيقية وابغى رأيكم ضروري
 

مشكورة حبيباتي (ام سو_فوفؤ -ثلوج الشتاء-ومشرفتنا المتألقة دائما ام رزان )على مشاركتكم الرد في موضوعي دمتم برعاية الله

رد: بنات ثصة حقيقية وابغى رأيكم ضروري
 

يعني هي الحق عليبها تركت اطفالها بوقت هنن بحاجتها فيه
بس كمان هذي امهم وتبقى امهم لو مهما صار
ولو كانت متزوجة مسيار هي حرة وحياتها اخاصة
وان متوفر معاهم المادرة يصرفو عليها لو بشي بسيط
بس هي المفروض ماتدعي عيهم ابدا
لان هنن ماغلطو بحقهها ابدا

رد: بنات ثصة حقيقية وابغى رأيكم ضروري
 

مشكورة حبيبتي سروءة انتي قلتيلي انها حياتنها الخاصة اذا كانت متزوجة مسيار انا معاكي بس ليش بتنكر الموضوع لو هي حاسة انو الموضوع غلط ماكان نكرتوا وكمان اولادها قالولها من زمان لما اتقدم لها واحد انهم ما حيخلوا اخواتهم البنات يروحوا عندها للبيت لو هيا اتزوجت والحمد لله هيا ماكانت محتاجة شي وغير كده هيا كبيرة ما هي صغيرة عمرها تقريبا 50 سنة فكان المفروض انها تحاول تحافظ عليهم وما تخسرهم بعد ما سامحوها وهيا في امس الحاجة لهم

رد: بنات ثصة حقيقية وابغى رأيكم ضروري
 

رد: بنات ثصة حقيقية وابغى رأيكم ضروري
 

اذا هالقصه حقيقيه...فما من حق الام اي شي.....حتى كلمه ام مو من حقهاا تسمعهاا.....هاي ما عندهاا قلب تحب نفسهاا وبس ....
لا حول ولا قوه الا بالله.............