|
استفتاء هل تخطبي لزوجك؟
السلام عليكم ورحمة الله وبركاته
ياحلوات نبغى نسوي استفتاء هل ترضي تخطبي لزوجك اذا انتي ماتقدري تخلفي وسويتي المستحيل وماحملتي؟hwaml10 انا عن نفسي ليا8سنين متزوجه وحاولت بجميع الطرق حتى الشعبيه والحجامه وماحملت وقلت لزوجي اذا تبغى تتزوج اتزوج لكنه رفض وقال انسي الموضوع وفعلا انا بدأ مخي يشتغل لو بخطبله مين اخطب وكيف أضمن ان اللي اخترتها ماتقلب عليا hwaml4 يالله ياعسولات ابغى اراءكم hwaml13 |
رد: استفتاء هل تخطبي لزوجك؟
والله ياعسل سؤالك مرررررررررره صعي والاجابه اصعب احترت
بس انا من رايي انتي ماتعرفي ايش راح يصير ومين تختارين عشان كذا الجأي للواحد الاحد اللي يعرف مستقبلك ووين الخيره لك ادعي باخر الليل وستخيري باي خطوه وادعي من ربك يكتب اللي فيه الخير ويرزقه باللي تريح بالكم انتم الاثنين ودامك عازمه عازمه نصيحتي تزوجيه وحده كبيره بالعمر فاتها قطار الزواج وماتتمنى غير الخلفه افففففف احسه شي صعب جدا والا خليه هو يختار الله لايحطني بوقف زي كذا بس المشكله مو بالبنت المشكله بالغيره بالقلب هي هي سواء كذا او كذا الله يوفقك يارب ويفتح لك باب يارب وتحملي بقدرة قادر الشهر هذا ويرزقك ربي ب 10 ويصرف عنك وعنه الشر |
رد: استفتاء هل تخطبي لزوجك؟
الله يرزقك انشاء الله ماتخطبي له بس والله صعبه ونادر تلقي وحده ماتتغير عليك بعد الزواج بس انتي فكري تقدري تتحملي ليله عندك وليله عندها وكمان تتحملي تشوفيه يضحكويسولف مع غيرك استخيري وشوفيلك وحده تعرفي لنها تخاف الله والله يرزقك
|
رد: استفتاء هل تخطبي لزوجك؟
اولا:الله يرزقك وماتضطري تخطبي لزوجك
ثانيا:اذازوجي صارحني بانه يبغى يتزوج ومافيه امل يتراجع عادي اني انااخطب له لانه من وجه نضري وجه تعرفه ولاوجه تجهله اخطب له وحده اعرفها واحبها واكون عارفه اخلاقها وطبايعها احسن من يوم يجيب لي وحده ماعرف عنها شي واناضد من يقول لاتجيني ولاتدخل بيتي ليش مهما كان بنصيرشريكات برجل واحد واولادنا بيصيرون اخوان ليش مانصير صديقات وخوات كثيرشريكات مثل الخوات قلوبهم على بعض بس اهم من هذا كله ان الزوج يكون حكيم ويعدل ويحسس كل وحده انهاالاولى بحياته وماينقل اكلام من بيت لبيت اويمدح وحده ويسب الثانيه عشان ماتنقلب على راسه الله يوفق الجميع |
رد: استفتاء هل تخطبي لزوجك؟
أنامع أن الوحدة تخطب لزوجها لو اضطرتها الظروف لذلك
وأنا خطبت لزوجي وزوجتة ومع هذا مازلت ملكة عرش قلبة .. ومافي مقارنة بيني وبينها عندة :) مع أن بنت الناس مافيها شيء يعيبها .. بس إلى الآن مو قادرة تفهمة واغلب مشاكلهم بسبب عدم فهمها لطبيعتة !! الزبدة .. لو شايفة أن زوجك محتاج لزوجة آخرى اخطبي له انتِ بدل مايخطب هو ويجيب لك وحدة يفقع مرارتك ههههههههههههه ^_^ الله يرزقك ويسهل اموورك يااارب |
رد: استفتاء هل تخطبي لزوجك؟
1الله يرزقك ياقلبي الذريه الصالحه وان شاءالله انك تحملي انا اعرف ناس قريبين مني جدا حملوا بعد14و10سنوات يمكن الله مو كاتب الحين وعن نفسي وبصراحه لاتحطي هالفكره بزوجك دامه راضي وترى الاطفال مو كل شي والله يفرح قلبك عن قريب يارب ياسميع يامجيب
|
رد: استفتاء هل تخطبي لزوجك؟
صراحه شي صعب من جد انتي مدام هو رافض الزواج حاولي تتعالجي كمان
اعرف وحدة ماحملت لها 12 سنه وتخيلي من خطب زوجها حملت انا اقول لاتستعجلين بالخطبه له يمكن تجيك وحدة وتغيره عليك الدنيا ما فيها امان ويارب ان يكتبلك هالشهر الحمل الصالح وتشوفينه بعد 9 شهور يارب |
رد: استفتاء هل تخطبي لزوجك؟
رحيق القلوب
أم شوووق أحلى من العسل أم رزان أم ميوري طال@عمري مشكورات حبايب قلبي على الرد ....من جد كلامكم ليش افتح على نفسي باب خاصة ان زوجي من النوع الحنون والطيب ماشاءالله اخاف تجي وحده تلحس مخه |
رد: استفتاء هل تخطبي لزوجك؟
الله يرزقك الذريه الصالحه يارب .. عاجلا غير اجلا .. لاتدخلي هالافكار براس زوجك ..
راسليني بالخاص باذن الله يمكن اقدر اساعدك ..بخصوص الحمل .. |
رد: استفتاء هل تخطبي لزوجك؟
ثلوج الشتاء مشكوره على الدعوه الله يسعدك بس كيف ارسلك على الخاص تراني غشيمه في المنتديات لسه مبتدئه
|
| الساعة الآن 02:04 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .