|
نفسيتي تعبانه
السلام عليكم ورحمة الله وبركاته
كيفيكم حبيباتي اتمنى انكم تكونوا كلكم بخير يااارب آآآه ياربي بنتي تعبتلي نفيسيتي والله مدري ايش تبغى بلظبط عمرها 7سنين لها فتره تردد كلام غريب طبعا موجه لي انا (الله يعين قلبي يارب)كل ماامرتها بشي او مانفذتلها طلب او عصبت عليها على طوووول تقولي انا ابغى ام حنونه وعطوفه اتي بس تصارخي علي وتضربيني (طبعا انا احيانا امد يدي بس طبعا ضرب خفيف)والله من الضغوط اللي علي بيت وزوج ومدرسه ومسؤليه وفوق هذا شغاله مااافي وكل شوي تقارن بينه وبين اختها عمرها سنه ونصف انتي تحبيها اكثر مني انتي وانتي وانا بدور امك غيرك تحبني والله تخيلوا جاتها ثعلبه في شعرها قالي الدكتور من الحاله النفسيه بصراحه انا مررره تعبانه وماني عارفه كيف اتصرف معاها واالله وصلتني لطريق مسدود تبغلني على كيفها ومحسستني بلتقصير والله صرت افكر من ذحين في مراهقتها كيف بتكون بالله عليكم الحقوني بحلول وجزاكم الله الف خير |
رد: نفسيتي تعبانه
بنتك صغيره انها تقول هالكلام بس اعتقد ماقالته الا لانها حاسه فيه
حاولي تصبري عليها وماتصارخي عليها يعني قربيها منك اكثر اشتريلها هديه وحسسيها انها مهما كانت هي الكبيره العاقله وما ادري انا ماقد جربت توني حامل بس شدني كلامها جربي فتره اضغطي على نفسك واعصابك واذا تغيرت للافضل خلاص يعني اعتقد لو تغيرت المعامله رح تتعدل لانها توها طفله ورح تنسى اذا فيه تغيير بس لا تستمري على نفس الوضع لان من جد اذا كبرت على هالحال مراهقتها رح تتعبك اكثر البنات حساسات والله يعافيها لك وتنحل مشكلتك |
رد: نفسيتي تعبانه
شوفي انا اقول لكي خذى بنتك الصفيره وخليه عند امك يومين او ثلاث
وانتى خذى بنتك الكبيره وخرجيه لي الملاهي والاسواق ويجبي له العاب ونوميه عندك وفهميه ان اخته الصغير محتجه رعيه وبعدين اذ نامت بنتك الصغير والكبيره صاحيه خذي الكبيره والعبي معها ونمي عندها في الغرفه وان شاء الله تتغير لي الاحسن يا لب قلبي |
رد: نفسيتي تعبانه
شكرا حبيباتي عفوا حبيبي و حبك يجري بدمي وجزاكم الله خير والله يعيننا والله التربيه صعبه
|
رد: نفسيتي تعبانه
الله يعينك يارب
واضح ان بنتك تغار من اختها كثير عشان كذاهي تقلك كلام هي عارفه انه يضايقك موعلاشان انك مقصره بس تبغى تحسسك بالذنب ماشالله عليهم بنات هاذا الزمن عليهم حركات ماتتوقعينها بس انتي حاولي ان تغير المعامله بالتشجيع والمدح والمكافئات وحسسيها انها الكبيره وحاولي تشاركيها بالاشياء الي تحبها واذا سوت شي حلوا اوساعدتك بالبيت حتى ولوبش بسيط امدحيها قدام ابوها اوقدام امك او اختك دئمن امدحي الاشياء الي تسويها وتجاهلي اخطائها وفاجئيها بهديه وقولي لها هذي بمناسبه انك سمعتي كلامي هذيك المره كوني صديقه لها وربنا يكون بعونك |
رد: نفسيتي تعبانه
اختي الواضح ان بنتك من النوع الحساس لان الاطفال يختلفوا بس حاولي تتقربي كثير منها ولا تضهري حبك لاختها قدامها وحاولي تكثري الهدايا والاهتمام لها واجلسي معها وسولفي لانها تتاثر تقبلي خالص ودي
|
رد: نفسيتي تعبانه
يؤه الله يعينك بنت حساسه ونفس حركه ولدي عمره 12 سنه ودايمن يقول لي ماما انتي تحبيني ونااقول ايوه يقول ليه دايمن تهاوشوني واخواني الباقي ماتهاوشونهم اناقول من افعالك خلك ادمي وشوف كيف نتعامل معك
جبنا له جوال قلت يمكن يعقل ويتغير ومافيه فايده وبنتي كمان بعض الاوقات تقول ليش انتي تحبين حمود عشان هو ممتاز في المدرسه وحنا لا انااقول شدي حيلك ونسير نحبك زي حمود والله تعبنا في تربيتهم بس الضاهر بنتك مره حساسه وفارق السن بينها وبين اختها بيخليها تغار مررره من اختها بس انتي حاولي انك تخلينهم ينامون سواء وتسبحينهم سواء عشان ماتحس بالفرق حاولي تخلينها هي تاكل اختها وتساعدك في تغيير ملابسها يمكن تتغير نفسيتها جارتي بنتها عمرها 5 سنوات وولدها سنه البنت جننت اخوها عشان فارق السن الي بينهم ونا عن نفسي صراحه بنتي عمرها 11 سنه وذاحين حامل ببنت وقبل اسبوع اشتريت ملابس للنونو الجديد ورتبتها في دولاب بنتي وشوي خاصمتها وتدرين وش سوت ^ ^ ^ ^ ^ قامت جمعت ملابس اختها ورمتها في غرفتي قالت مابغا احد ينام معايه في الغرفه والله انصدمت قلت هاذا وباقي ماجت على وجه الدنيا وسويتي كذا كيف بكره وش بتسوين باختك وجلست يمكن 4ايام وهي من نفسها اخذت الملابس ورجعتها دولابها يعني هاذي الامور كلها بسبب الغيررره لانك تهتمين بالطفل الصغير وتركتي الكبير وحاولي انك ماتضربيها والا والله بتسير حاقده عليك اذا كبرت وبتحس انها منبوذه واختها هي المحبوبه بالنسبه لكم انا ذاحين ولدي بيكمل 5 سنوات يغار من الي في بطني لانه ليومك هاذا ينام معايا ويسالني اساله ياماما اذا جبتي النونو انا فين انام وانا ياماما باقي نونو ويسوي زي حركات النونو وكل ماقلت له شي قال انا باقي نونو احس نفسيته بتتعب اذا جبت البنت لانه مره متعلق فيه وناحاول اداريه لاكن نسال الله لنا ولك الهدايه لعيالنا والصلاح ويجعلهم من حفضة كتاب الله قولي امين |
رد: نفسيتي تعبانه
اللله يعطيكم العافيه جميعا والله انكم ماقصرتوا الله لا يخليني من اخوتكم يااااارب
|
رد: نفسيتي تعبانه
اغلق الموضوع بسبب كفاية الردود
|
| الساعة الآن 03:18 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .