![]() |
باركولي ولدت وجبت احلى لين
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين الحمدلله ولدت بالسلامة يوم الجمعة بتاريخ 1/13 ميلادي الساعة 9 صباحا و5 دقايق خخخخ وهادي قصتي بالتفصيل زي ما حبيتوا من يوم الاحد بتاريخ 1/8 بالليل عالساعة 10 جاني طلق خفيف وكان يتكرر كل 4 دقايق لمدة ساعتين او اكتر ورحت لبنت خالتي << هي دكتورة وبيتها قريب بدل ما اروح عالمستشفى وهي بعيدة خخخ المهم كشفت علي وقالت فاتح 4 سم يعني صباعين بس وقالت لا تروحي الا اذا فتح 7 سم عشان ما يعطوك طلق صناعي والمهم رجعت الشقة وجاني طلق تاني والفرق كان دقيقتين بس الالم ما كان قوي كان عادي واتصلت عليها وقالت تعالي الساعة 7 ونص صباحا يوم الاثنين*ولما رحت قالت ما فتح اكتر وهنا جاني احباط بسيط خخخخ المهم قالت لي اشربي قرفة واتمشي وعملت متل ما قالت وما في جديد الطلق بااااارد ويجي طلقتين خفاف ويختفوا وبعد كم ساعة طلقتين ويختفوا ولسه بااارد ومر يوم الاثنين والثلاثاء والاربعاء والخميس لحد العصر جاني طلق اقوى شوي وكل دقيقتين كمان واتمشيت وشربت قرفة طول الايام الي راحت وكنت باكل تمر المهم بابا كان جاي يوم الخميس المسا وماما قالت لي اظنها منتظرة ابوكي ههههه وطعلت منتظراه فعلا كل شوي يقوى الطلق شوي ووصل بابا الساعة 9 مسا وكل ماله الالم زايد وفي النهاية عالساعة 11 مسا رحت لبنت خالتي وقالت فتح 5 سم بس لاتروحي لسه ممكن تروحي بعد ساعتين او 3 ساعات بس لما رجعت البيت نزل دم بس مو كتير وقلت في نفسي احسن اروح من الحين دام في دم نزل وماما قالت لي احسن نروح وقلت خير واتصلت على زوجي واتحركنا ووصلنا المستشفى عالساعة وحدة الا ربع يمكن<< اخلصي دوشتينا خخخخ المهم الدكتورة كشفت وقالت 5 سم وتاني رجع الطلق بارد وقالت الرحم تخين شديد ولازم نفتح الموية عشان يسخن الطلق واعطتني ابرتين قالت عشان الرحم يصير لين ويفتح بسرعة وقالت انها مو طلق وفكت الموية الساعة 5 ونص صباح الجمعة وبعدها صار الالم يقوى وانا كل همي بقولها انه وقت الخياطة تزيد جرعة البنج لانه ما باثر فيني وهي افتكرتني عايزة الكمامة وقت الطلق وقلت لها لا بتحمل بدون بنج<< مسوية قوية هههههه بس لما صارت الساعة 8 صرت ما اقدر اتحمل الطلق وطلبت الكمام خخخخخخخ وطبعا صرت دااااايخة تقولي استخدميه قبل لا تجيك الطلقة عشان ما تحسي فيها وصرت اعمل كدا بس قالت لي مو كل طلقة تستخدميه عشان ما يقل الطلق وصرت ما استخدمه كل مرة اهئ اهئ << هادي الي قبل شوي عاملة فيها قوية وتتحمل خخخخخ المهم وقبلها كل شوي اقول للممرضة ابغى اروح الحمام تقولي متاكدة مو هادا البيبي بضحك واقولها لا مو البيبي وكل مرة تدخل معاي الحمام وبصراااحة عندهم اهتمام حلو كتير وما خلوني بروحي لحظة وحدة وكنت كل ما يجيني طلق اتنفس بعمق عشان ما ادفع وبالقوة كنت امسك نفسي ما ادفع والمهم لما جا وقت الولادة وكنت مو قادرة امسك نفسي قلت للدكتورة خلاص مو قادرة امسك وقالت خلاص ادفعي وصرت ادعف لين طلعت حبيبة عيوني تبكي وطبعا كانت معاي ماما كانت جالسة جمب راسي وكانت تبكي وانا بطالع فيها مستغربة ونسيت نفسي خخخخ وزوجي كان في الغرفة بس ورا الستارة وهو اول واحد شاف لين وتوتة يا توتة خلصت الحتوتة معليش ادري اني طولت عليكم hwaml5 |
رد: باركولي ولدت وجبت احلى لين
مبرووووووووووووووووك...
مبروووووووووووووووووووك.. مبروووووووووووووووووووووك.. الحمد لله ع السلاااااااااامه حبيبتي.. ويارب تشوووفيهااا أحلى عرووووسه.. تيب كانت الولادة اللي قبل سلطة اسوووود المررره هذه كانت سلطة ايش...؟؟hwaml02 |
رد: باركولي ولدت وجبت احلى لين
ههههههههههههه سلطة حمرا
الف مبروووووووك ام الهادي الله يحفظها لكم واخوانها وتقومي بالسلامة يارب |
رد: باركولي ولدت وجبت احلى لين
مبروووووووووووووووووووك
الحمد لله على السلامه تتربى في عزكم يارب |
رد: باركولي ولدت وجبت احلى لين
الله يبارك فيك ههههههههه
هااا ذكرتيني بشي كنت ناسيته لما فتح الرحم 8 سم اعطتني طلق صناعي خخخ بس اصلا كنت مدروخة بس ما سطلت خخخخخ وعقبالك انشالله بولادة سهلة وسريعة مو متلي خخخخ |
رد: باركولي ولدت وجبت احلى لين
شذى وام ارجوان الله يبارك فيكم وعقبالكم انشالله
وربنا يرزق كل محرومة بالمناسبة انا دعيتلكم كلكم يالي في المنتدى وقت الطلق وانشالله ربنا يستجيب الدعاء |
رد: باركولي ولدت وجبت احلى لين
مبرووووووووك ان شاء الله يتربوا في عزكم هي واخووها
وعقباااااال الحواااامل ياااارب ~ وعقبالي احمل انا والبنات المنتظرااات ياارب ^^ |
رد: باركولي ولدت وجبت احلى لين
الحمد لله على سلامتك أنتي والبنوتة
تتربى في عزكم وربي يرزقك برها وصلاحها |
رد: باركولي ولدت وجبت احلى لين
مبروووك يا ام الهادي ولين تستاهل التعب كله حبيبتي وعقبال تشوفيها عرووس ان شالله والحمدالله علي السلامه وراح التعب والحمل والثقل وصارت حكايه حلوه الحمدالله علي كل الحال
|
رد: باركولي ولدت وجبت احلى لين
الف مبروك حبيبتي تصدقين من أسلوبك حسيت ان الولاده سهله هههههه تحمست للولاده الله يسهلها علينا جميعا
|
الساعة الآن 09:28 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .