|
بنات ينبع أفيدوني (مستشفى الأنصاري)
السلام عليكم ورحمة الله وبركاته أرجو من الله بأن تكونو بأفضل حال.. ياصبايا او بالأصح يا حريم ^^ انا من جده وسكنت ينبع عشان عمل زوجي و أراجع في مستشفى الأنصاري عند الدكتوره زينب كمال والمستشفى قلبي ناغزني منها ماني مرتاحتلها صح الدكتوره طيبه لكن احسهم يلجؤ للقيصري على طول ماسمعت احد ولد فيها طبيعي >< وانا بكريه ...وسمعت ناس كثير تمدح في مستشفى الهيئه بس بحكم اننا ساكنين في البلد فما قدرنا نوصل لهالمستشفى =/ مين جربت الولاده في مستشفى الأنصاري في ينبع الصناعيه في إنتظاركن =) |
رد: بنات ينبع أفيدوني (مستشفى الأنصاري)
انا ساكنه بينبع جربته مراجعه لدكتورة النساء عشان الدوره بس مو عارفه كيف ماريحتني وماحسيتها مهتمه بس انا قد سالت بالمنتدى وقالتلي وحده من الاخوات الله يجزاها خير في الهيئه الملكيه حاولي تروحي هناك
|
رد: بنات ينبع أفيدوني (مستشفى الأنصاري)
الدكتوره مرفت إمكن الي رحتيلها سمعتها جدا سيئه لكن زينب شكلها جديدة
مستشفى الهيئة ماقدرنا ندخلها حاولنا =( |
رد: بنات ينبع أفيدوني (مستشفى الأنصاري)
تجربتي مع الأنصاري عند الدكتوره زينب كمال..
انا حاليا في الشهر السادس بديت اراجع عندهم..اول شيء الدكتوره حسبتلي موعد الولاده غلط قدمتها لي اسبوع!! ثانيا وصفتلي حبتين حديد فروز في اليوم وانا ما احتاج غير حبه!! ثالثا وصفتلي كبسولات زيت السلمون وانا مو في حاجه لها!! انا قلبي كان ناغزني منها ... لأني دائما ما اسمع فيها غير ولادات القيصري جيت أقرأ الرشدته حق كبسولات زيت السلمون طلعت من اعراضها تزيد من فترة الحمل بعد التاسع ما ادري هي ناويتلي تولدني قيصري ولا ايش الله اعلم بالي في نيتها ..الله يعطيها على قد نيتها قبل فتره رحت اراجع في جده عند دكتوره لها سمعتها لأن تعبت شويات عند اهلي فـ رحتلها وحللت وقالتلي انتي ماتحتاجي تاخذي حبتين حديد ولا تحتاجي تاخذي كبسولات زيت السلمون.. وقلتلها على موعد الولاده قالتلي غلط مو هذا موعد ولادتك.. المهم يا اخواتي انا و زوجي غسلنا يدنا من دكتوره زينب كمال في مستشفى الأنصاري و ان شاء الله حأولد في جده عند اهلي الله يسهلي ويسهلكم جميعًــا قلتلكم هالكلام من باب الإفاده لأن هالدكتوره وهي جديده شوفو اخطائها مابقول انها صغيره بعذرها لكنها حرمه كبيره =/ |
رد: بنات ينبع أفيدوني (مستشفى الأنصاري)
أنا كمان من ينبع وأحسن 2 هما سحر في الأمل ومايسه في الوطني ومايسه اللي في الوطني مرره يمدحو ولاداتها وطيبتها وأخلاقها وسحر كمان مره عسل بس هيا في مستوصف ماتقدري تولدي عندها الله ييسرلك وييسرلي والجميع يارب *
|
رد: بنات ينبع أفيدوني (مستشفى الأنصاري)
وانا نفس حكايتك من جدة وعشان عمل زوجي احنا هنا
المهم المستشفى ماينفع لشيء بصراحة انا رحت لهم ومااعرف اسم الدكتورة وكان عندي نزيف ووصفتلي ادوية ب300ريال ولما رحت جدة وكشفت هناك قالولي مااحتاج لشء والحمدلله ولدت في جدة في المركز الطبي |
رد: بنات ينبع أفيدوني (مستشفى الأنصاري)
اقتباس:
يعني ماتقدر تروح تولد في مستشفى زي الدكتورات الي بمستوصفات جده المراجعات في المستوصف والولاده في المستشفيات الي تتعامل معها الدكتوره وتختارها الحامل اقتباس:
الحمدلله انك ولدتي في جده..الله يعين ويكتب الي فيه خير وصالح للجميع انتبهو من هالمستشفى hwaml4 مره شفت واحد خارج من صيدليتهم ومعه اكياس ادويه تقولي خارج من بقاله وكلها لأولاده عشان عندهم كحه وزكام !!ومن كل دوا ماخذ 4 حبات hwaml03 يتاجرون بصحة الناس الله يجازيهم |
| الساعة الآن 03:18 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .