ام زوجي تنام معي على السرير لاتفوتكم
 

ام زوجي تنام معي على السرير لاتفوتكم00

قرأت هذه القصة في احدى المنتديات و اعجبتني
و حبيت ان الكل يستفيد منها


اني اكتب هذا الموضوع لاقنع كل زوجه متضايقه من ام زوجها


اخواتي اود ان اقسم لكم بالله العظيم بان كل كلمه سوف اكتبها هي حقيقه حدثت لي في يوم من الايام
اخواتي تزوجت وعمري عشرين سنه وكنت ماني داريه عن الدنيا ومقالب الحريم وحركاتهم..


المهم كانت ام زوجي حرمه متسلطه سليطه لسان يكرهها الجميع من اخوات زوجها وجيرانها واقاربها لان لسانها متبري منها
عندما تزوجت تعلقت بزوجي كاي زوجه تحب زوجها


000ولكن الحب يحتاج الى تضحيات واولها المواجه مع ام زوجي
00 وكان الكل يحذرني منها00ولكني قررت ان اكسب المعركه لصالحي


في البدايه اود ان اوضح ماهو اكثر شئ اعاني على المواجهه
(بعد اعانه الله سبحانه وتعالى)


((((كنت دائما اضع بالي لو انها كانت امي فمالذي سوف افعله بهذا الموقف)))))
الان سوف ندخل اجواء المعركه وساذكر لكم بعض المواقف البعض فقط لانها لاتعد ولاتحصى


كانت تحرص ان تدخل غرفتي بدون اذن وتاخذ بعض اغراضي وتستخدمه امامي لكي تغيضني وتجبرني على الكلام
(ولكن اتخيلها امي)واصمت


كنت احرص ان لا اقفل الغرفه اذا كنت نائمه وزوجي غير موجود لانها تحب ان تفتح الباب بين فتره والثانيه
(ولكن اتخيلها امي تود الاطمئنان علي)واصمت


كان يوجد داخل غرفتي حمام لمن نركب له باب لانه داخل الغرفه وضعنا عليه ستاره بشكل مرتب فقط كنت اود الاستحمام احيانا وهي موجوده بالغرفه اخذ روب الحمام واغلق الستاره واتروش عادي جدا وبعدين البس داخل الحمام
(ولكن اتخيلها امي استحي اقولها اطلعي برى)
المفروض هي تستحي


كنت انام الظهريه عندما يكون زوجي بالعمل واكتشف انها نامت معي بنفس السرير عندما كنت اغط بالنوم لاني اترك الباب مفتوح لها كما اسلفت سابقا وكانت حجتها ان مكيفها حار ومكيفنا ابرد 00والبيت فيه خمس مكيفات ماختارت الا غرفتي
(ولكن اتخيلها امي)واصمت


كانت تقتحم غرفتي وتفتش بين ملابسي بحجه ان الشغاله مضيعه تنوره بنتها يمكن مدخلتها عندي ويشهد الله اني كنت اساعدها بعمليه التفتيش (لاني اتخيلها امي)واصمت


كانت تحاول احراجي امام الحريم عندما نجتمع ولكن اسكت لاني عارفه الناس تقول حتى لو عمتها غلطانه المفروض مايتهاوشون قدام الحريم يعني اطلع انا الغلطانه وهذا مالا ارضاه لنفسي بعد هذا الصبر الطويل


اما وجبات الاكل هذي يبيلها مجلدات لحالها لانها كل مره تغير مزاجها مره تبي الاكل مالح ومره باهت مره الرز لين ومره تبغاه نثري0مره تقول البهارات تسبب لي حرقان ومره الاكل ماصخ مافيه بهارات
وطبعا في كل مره اطبخ له طبخه من جديد حسب المواصفات المطلوبه(وطبعا اتخيلها امي)ومشتهيه تاكل هالطبخه


لما ارجع من السوق اوريها اغراضي واحد واحد حتى الاشياء الخاصه (تذكرت موقف طريف بقوله لكم مره اشتريت لمعه الجسم وريتها على انها كريم عادي0 طبعا هي كل كريماتي من املاكها الشخصيه وتستخدمها متى مابغت 0وتخيلوا شلون بيكون شكلها وهي رايحه عند ناس وهي مستخدمه لمعه الجسم


وطبعا لما جاني عيال ياسلام بدات تلقى اثاره اكثر 00عيالكم سو وعيالكم فعلو00بذكر لكم موقف واحد
00مره ولدي كب بيبسي على الموكيت حق غرفتها00قالت انا حلفت ان البيبسي ماينمسح ولازم يتغير الموكيت كله(طبعا تبغى تنرفزني وتشوف رده فعلي)
المهم ولدها عيا قال هذا جبروت مهو طلب معقول
00ورحت وغيرت موكيت الغرفه على حسابي الخاص


المهم ياخوات ان هالمعارك دامت تقريبا خمس سنوات(داحس والغبراء)
وبعدها اعلنت ام زوجي استسلمها


وصارت تفضلني على زوجات اولادها السته وصارت كل ماشافت شي جديد عند زوجات عيالها او بناتها تشتريه لي وتقول شفتهم شروه اكيد انه شي دارج هالوقت وقلت باشتريه للغاليه
وصارت تستشيرني بكل شي يخصها حتى لو عيالها قالوا لها شي ماتثق فيهم لحد ماتاخذ راي
وصارت تدعي لكل عجوز تشوفها ان الله يرزقها بحرمه ولد مثلي


طبعا كل الناس مستغربين بما فيهم زوجي واخوانه شلون قدرت اكسب ام زوجي
واقسم بالله تقريبا تسعين بالميه من المشاكل ماكان يدري عنها زوجي لاني كنت اقول في نفسي
(طيب واذا عرف بالمشكله يرمي امه بالشارع ولا يروح يهاوشها وتزيد المشكله ماتنقص وهذا الي هي تبغاه)
كان مايدري الا بالمشكله الي يشوفها بعينه




والله اني اكتب قصتي مع ام زوجي لكي تستفيد منها كل عروس توها باول المشوار وماهي عارفه كيف تتصرف مع ام زوجها


منقول

رد: ام زوجي تنام معي على السرير لاتفوتكم
 

والله قصة رائعة كثير شكرا اختي على النقل المفيد ياريت كل وحدة تشوف الموضوع لا تعمل حالها ما شافت شئ


اقوللكم قصتي انا ام ازوجي من كثر ما نحترم بعض ولما اروح عند الجيران كل وحدة تحكي على ام زوجها كذا وكذا اشياء ما تصر

حتى وحدة قالتلي انها ما تحب تروح لعندها لما تزور تزور اهلها بس وما تحب تقعد عند بيت اهل زوجها والغريب انو ما عملولها شئ

وطبعا من كثر انا ما بنصح رجعوا الجيران ما يحبوني فضتريت اني ابعد عنهم


اختي في هذا اليوم المبارك المعة حاولي ان تراجعي نفسك


ههههههههه يتحب زوجها بس ما بتحب المراءة الي انجبته هذه انانية وليس حب

الي بتحب جوزها بتحب اهلو لانو فيه كثير اشياء مشتركة بينو وبين اهلو


السلام غيكم اختكم جمااااااااااااااااااااانة

رد: ام زوجي تنام معي على السرير لاتفوتكم
 

اهليييين جومانه


وفعلا اللي تحب زوجها تحب امه


اناالحمدلله كنت احسن من بناتها معامله لها


وتوفيت وهي عندي حتى اغير لها الحفاظ واعاملها مثل اولادي وربي الشاهد

وهالكلام مو رياء لاوالله


بس الدنيا ماتسوى هذي هي ماتت وانا كسبت قلبيهادعوات وحسنات باذن الله


راحت سبحان الله ماكانها عاشت عندي ابدااااااا


الله يرحمها ويغفر لهااااااااااااااااا ويدخلها جناته

رد: ام زوجي تنام معي على السرير لاتفوتكم
 

ههههههههههههههه هذي بالها طويل وبقوه كمان يارب الهمني الصبر وقوه التحمل اللي عندها عاد تدرين انا لو مكانها مداني اتطلقت من زماااااااااااااااااااااااااااااااااااااااااااااااا اااااااااااان نادرا بها الزمن ماتلاقي وحده مثل الاخت المذكوره بالقصه يعطيك العافيه على الطرح القيم

رد: ام زوجي تنام معي على السرير لاتفوتكم
 

فصة جميلة جدا ...الله يرحم حماتى يارب ويغفر لها

رد: ام زوجي تنام معي على السرير لاتفوتكم
 

ههههههههههه والله ثم والله ثلاث ارباع المواقف اللي ذكرتها القصه حصلت معي والله اني تصرفت مثل الكاتبه وسكت! واستمرت المعارك سبع سنوات وطلعت من بيتهم والمره ماتغيرت ولا حسنت معاملتها معي بل زادت سوء على سوء
حسبي الله ونعم الوكيل

رد: ام زوجي تنام معي على السرير لاتفوتكم
 

هههههه صارت لي مواقف اكثر ليتها جات على كذا بس تزوجت صغيره 16سنه
استمرت خمس سنوات ونص طلعت عنهم ولازالت تلاحقني بالمشاكل لحد ماملت والحين الحمدالله علاقتنا حلوه

رد: ام زوجي تنام معي على السرير لاتفوتكم
 

لاوالله فيه مواقف ماتحملها ولو هي امي ماتسويها لي اصلا
فديت امي عقلها اكبر من هالحركات

وكل شي له حدود حتى لو احب زوجي هو واهله على عيني وراسي
بس مو لدرجه اسبح وبيني وبينها ستاره وممكن باي لحظه تبعدها
تحوس باغراضي اوك بس فيه اسلوب احلى من اسلوب ام زوج هالبنت

فيه خالات ام ازواج مزعجات اكثر بس باسلوبهم ماتقدرين تقولين شي

وهاذي متعبه جدا جدا جدا

رد: ام زوجي تنام معي على السرير لاتفوتكم
 

ماااااااششششالللللله عليها واااااااجد حملت لو انا مكانها ما اجلس ولا دقيقه


كل شي وله حدود
ومن البدايه احاول قد ما اقدر اني ما اجلس معااهم في البيت

رد: ام زوجي تنام معي على السرير لاتفوتكم
 

فعلا صببرت ونالت