|
شاركوني !!
السلام عليكم ورحمه الله وبركاته اسعدالله مسائكم بكل الخير اناعضوة جديده ولسه اول مشاركة لي معاكم وماشاءالله دوما متابعه لكم وعجبني تجمعكم وروح اخوتكم سوا وحبيت اسولف معكم شوي وبسال كم سؤال ونتناقش سوا فيهم اول مشكله البنت وغيره الام منها اوكرهه الام لبنتها وايش الحل تتوقعو وثانيا حبيت اقولكم عن مشكله لي واتمنى تساعدوني اذا لكم راي انا بنت وحيده وعندي اخوان خمس كل مشكلتي مع الوالده في زواجي مشكلتها من يجي انسان يتقدم لي ترفضه من نفسها بدون استشارتي وماتقول لي عن الموضوع واكثر شي اسمع من الناس وانصدم ودايما موفقه كل نصيبي بكل شخص يتقدم ومره من المرات شاورتني وتخيلو كيف كان المتقدم متدين جدا وشديد لدرجه قصوى ومافي تعامل معه وفرررق جدا جدا بيني وبينه وماهو مناسب وبيعذبني اتخيلو هذا الي شاورتني فيه وطبعا رفضتوو وهي معاملتها معي يعني الله يعلم بالحال بس بنفس الوقت معلقتني وماتبغى كذا تقدم نصيبي وعند الناس تتكلم وماتبى حد يتقدم لين صارو للحين محد يتقدم من زمان تتوقعو ايش الحل وايش رايكم بالموضوع وانا عن نفسي ابي خلاص اغير جو هالبيت واطلع منه تعبت نفسيتي وعندي حلم امومه ودي احققه اتمنى تشاركوني مشكلتي ومشكورين حبايبي |
رد: شاركوني !!
في بعض الامهات قلوبهم حجر
وقاسيه ولو جيتي لها بالطيب واللين ابد ماتتغير الحل بنظري ماقصدي بالحل تبعي انك تعقين فيها لا بس الامهات اللي كذا ماينفع معهم الى الشده فناقشيها وفهميها وشوفي نفسك وحياتك وقولي لها لو احد تقدم خبريني عنهم هاذي حياتي وانا اللي بختارها في اي شي ناقشي امك ولا تطلعين الى بنتيجه بصالحك خليك على المثل اللي يقول انطح الصياح بالصياح تسلم كوني بنت يقظه لحركات امك انتبهي على نفسك مو تكوني زي الاطرش بالزفه وحياتك تمشي على مزاجات امك بالنهايه مابتجنين لا بلح الشام ولا عنب اليمن _____________________________________ انا اسفه ماقصدي اخليك تعقين امك لكن تعاملت مع امهات كثير من هالنوعيه المتشدده والمتعصبه والغيوره والحقوده لاتجي وحده وتقول غلطانه حبي على راسها و واترجيها والخ هاذي النوعيه ماتفع معهم الحب والود قلبها يكون قاسي وبالتوفيق بحياتك |
رد: شاركوني !!
امك ثم امك ثم امك
وصاك بهالنبي لوكانت ظالمتك فربي مايضيع حق احد كل اللي عليك طاعتها وبرها والدعاءلها ان ربي يهديها ويصلح حالها |
رد: شاركوني !!
سويت مون
والله العظيم ماشد وفاهمه قصدك يااختي والله موعاقه اوشي بس اتناقش وكل شي معاها ماتحب تعصب وتقلب عليا وتطلعني غلطانه بكل شي وقد واجهتها وقولت لها صارحيني وقولي لي وكل شي بس ترجع ونفس الشي الله يعين دعواتك دوم لي انثى من زجاج الحمدلله افهم وعارفه ببر الوالدين واعرف ايش قيمه الام وانا ماعقيت ولاشكيت بشي بسولف عن حياتي وابغى نتناقش |
رد: شاركوني !!
فاهمه قصدك
وعارفه انك ماتعقين وباره لكن بعض الامهات لاحول الله ولا قوة ماتمشي بالطيب وماقول نمشيها بالعقوق طبعا لا تظل ام بس لازم ننقاش وبجد عشان امنا ماتضيع مستقبلنا :) |
رد: شاركوني !!
مهما صار يالغاليه الام أم مهما قست ومهما سوت بتبقى إلي حملت فيج وربت ..
إذا ربي كاتب لج نصيب يالغاليه بتاخذينه مهما كانت قوة الحواجز .. سبحان الله وأنا أقرأ موضوعج صوت صديقتي بذني يوم تقولنا بعزاء أمهاا الله يرحمهاا (مافيه أمان ولادفاء بالبيت من غير أم ..صح مريضه وربي هون عليها بس كان عندي أم الحين بلا أم ) .. الله يحفظ لنا امهاتنا ويطولنا بعمارهن ويعننا على حسن برهن .. عندج سجاده صلي ودعي ربج يحفظ لج أمج ويسخرها لج و يرزقج بالزوج الصالح والذريه الصالحه .. ومهما كانت عصبية أمج ومهما كان قاسي قلبها أكسبيها لصفج ولاتعاندينها وبالتفاهم والاسلوب الحلو راح توصلين للي تبينه .. |
رد: شاركوني !!
شوفي يا همسة لا تظلمي امك ممكن يكون رفضها العرسان لانها ما بدا تخسرك وبدها تظلي تحت نظرها يمكن خائفة عليكي طيب بدي أسالك هل صارحتيها بمرة وقلتي لها اللي بقلبك بطريقة لبقة طبعا وبهدوء؟حاولي تتفهمي وضع امك لأنو بالنهاية ما في ام بتكره بنتها بالوجود وهالكلام غلط بس نصيحتي الك خليلي صريحة معها وحوالي تناقشيها بها لموضوع والله يوفقك يارب
|
رد: شاركوني !!
حاولي تتقربي لأمك ، وتعرفي سبب رفضها ، و أكيد هي مو رافضتهم عشان بتكرهك
ما في أم تكره بنتها بس تلاقيك ما تحكي معها، أو تستفزيها وهي بتقول مادامت أنا أمها تعاملني هيك ، كيف لمّا تروح للرجال ديري في بالك إنك إنت البنت و هي الأم و احضنيها و ضميها و حاولي تعرفي السبب الحقيقي الله يجيبلك إلي فيه الخير حبيبتي ولا تزعلي من تعليقي |
رد: شاركوني !!
جلسيها معاها
وكلميها عن اللي بخاطرك قولي لها بس عن الاشياء اللي تتمنينها قولي لها اتمنى يماما تصير عندي بنوته بعد وتقولي ياماما اتمنى يصير عندي اسره صغيره تصدقين ياماما وش احلم أحلم اللبس فستان ابيض وانتي تزفيني قولي لها وش تتمنين بس لاتقولين ابي اتزوج يعني بطرق ثانيه الام بتفهم عليك وربي يسعدك |
رد: شاركوني !!
شوفي حبيبتي اول شي عليك بالدعاء و الاستغفار و قيام الليل واذا فيه احد قريب من امك مثل اخوك او اي احد قريب منها خليه يكلمها وانتي حاولي ماتزعلينها باي شي و وكلي امرك لله عز و جل الله يوفقك ياقلبي
|
| الساعة الآن 05:28 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .