|
باركولي ولدت بالسلامه وجبت احلا ( احمد )
السلام عليكم يا بنات حوامل
شلونكم؟ الحمد لله رب العالمين ولدت تاريخ 7-2-2012 وجبت نور حياتي حمودي ربي يحفظة ويهديه وينور دنيتنا طبعا كل يوم اقول ببشركم ومن التعب مابي غير النوم تعبت حيل بعد الولادة حسيت اني كبيرة بالسن لان كل شي بجسمي يوجعني~ وهاذي قصتي بعد الفاصل خخخخخخخ |
رد: باركولي ولدت بالسلامه وجبت احلا ( احمد )
مبروووك ياام احمد وحمدلله على سلامتك
|
رد: باركولي ولدت بالسلامه وجبت احلا ( احمد )
مبروك يا ام حماااااااااااااااااااااااادة لووووووووووووووووووووووووووووووووليليييييييييى
عقبالنا على خير يارب |
رد: باركولي ولدت بالسلامه وجبت احلا ( احمد )
الف الف مبرووك
والحمدلله عسلامتك |
رد: باركولي ولدت بالسلامه وجبت احلا ( احمد )
مبروك حبيبتي
ربي يخليه لك |
رد: باركولي ولدت بالسلامه وجبت احلا ( احمد )
الحمدلله على سلامتك وسلامة حمووودي
الله يجعله من مواليد السعاده ويرزقك بره |
رد: باركولي ولدت بالسلامه وجبت احلا ( احمد )
الله يبارك فيكم حبيباتي
سوري تاخرت عليكم بس قصتي طويله عريضه المهم صحيت الصبح 7 ونص وحسيت بمغص في بطني تركته ونمت ، الساعه 8 بالضبط دخلت الحمام الله يعزكم وحالتي حاله ارركض لانه اسهال الله يعزكم مع ترجيع وتعبت حيل وانا رايحه جايه ، وحسيت بالم بظهرري قوي ونهايه بطني ضليت شوي حتى اتاكد من الالم ، لاني ببيت اهلي واهلي بالدوام واخاف ادق عليهم واجيبهم بالاخير مافيني شئ~ المهم لين 8 ونص وانا اون مو قادرة اتحمل دقيت ع زوجي وقالي بالطريق بروح للدوام ، شرحت له الالم وقالي يلا جاي، وفجاه ابوي دق وقالي بجيب امك وبجي انا خفت هنا، جبتهم كلهم من للدوام ، زوجي دق ع ابوي قبلها طبعا وابوي اقرررب من زوجي المهم طبعا الجوالات تدق وانا رايحه جايه من الحمام، وماني عارفه شنو اسوي والالم يزيييد ، قلت بنفسي بروح احف جسمي ع السريع شكلي بولد خخخخخ فاضيه صح ودخلت تحت الماي الحار وارتحت وانا اشيل بالموووس بسرعه، عشان كذا حلقت بسرررعه خخخخخ جاو اهلي، واني سوت لي قرفه، وجابت تمر وركبت السيارة وطبعا من الالم ملقدرت اكل او اشرب وصلت المستشفى وكشفت علي قالت واحد سم ومستحيل ننومك وانا متعذبه وركبت التخطيط وخلتني نص ساعه وكان طلقي منتظم كل ربع ساعه تخيلوا لما وصل زوجي طلعت ورحت معاه ومع امي للبيت، والوالد رد الدوام، واحنا طالعين من باب الطوارئ يزيد الالم واجلس جنب الباب من الالم مقدر اتحرررك، قالت امي لازم تمشين شوي، ودوني الظهران مول قدام المستشفى وانا كارهه نفسي موقادرة امشي، وحالتي لله ولافطرت واحس بزيغه بقلبي، مشينا شوي لجات الطلقه اوقف وارص ع بطني ودموعي تنزززل خخخ، والله ما انحسد ع هالموقف كرهت المجمع اصلا مابقا احد ماتفرج علي، المهم رجعت اامستشفى، تقريبا كانت الساعه 11 ونص، وكشفت قالت 2 سم ع هالمشي 2 وقاعده اصيح، وطلعت رحت البيت، صلينا ونامت امي شوي وزوجي غفا جنبي وانا طلقي 10 دقايق اغمض ولجات اقعد اصيح ، قسسسم عذاب تقريبا الساعه 3 قمت اون وصوتي يعلا، والالم يزيد وظهزي متقطع الم لين 5 ونص وانا اصررررخ خلاص موقادرة اتحممل، واهلي يروحون ويجون علي وقومي امشي وقومي اكلي لو شربي وانا مافيني اسوي ولاشي، مسكني زوجي وقام يمشيني وانا متسندة عليه واصيح، وجسمي مرررة اعرق مرررة اموت برد سبحان الله مدري ليش، المهم قمت من الالم ولبست عبايتي وقعدت اصررخ الحين ابي المستشقى مسكين زوجي قام لبس وركبت السيارة، طبعا مع الطلق كله اررجع والاسهال يزيد ربي يعزكم، عذاب والله، المهم وصلت وكشفت قالت 4 ونص سم وقالت تنويم، انا ارتحت شوي ع الاقل مابرجع البيت، ودق ع امي قال لها ولادة وجات مع ابوي، اخذوا تحاليل عشان يعطوني ابرة الظهر ، تخيلوا تاخرت التحاليل من 6 لين 8 وقالت لازم نكشف قبل الابرة، كشفت شافت 8 سم وقالت ماراح نعطيك الابره خلاص رحمك مفتوح وتحملي، الراس مرررة نازل وانا اصرخ واسب لاني طالبه الابرة من الساعه ست الا ربع يمكن، وبالاخيررر تتاخرون علي، قهروني موتوني قهر المهم خيرة من ربي، وخلاص قاموا يجهزون للولادة وانا من المخدر الي عطوني اياه انام شوي واصحا مع الطلقه صارررت بالاخيييرررر حاررررره وماتحتمل عشان كذا اصرخ ، وامي مرة وياي ومرة زوجي، لما مسكت الراس قالت خلاص الحين الولادة طلع زوجي ورسل امي، من الخوف طبعا مايبي يظل، المهم جا وقت الدفع والتنفس البايخ الي ذبحني طبعا تقولي اخذي نفس واكتميه ومع الطلقه شدي، يمكن 4 مرات وطلع نور حياتي، طبعا حسيت بطلعته مدري كيف وحطته ع صدري، وهو ساكت ومغمض فديته ومن التعب ارتجف وانا اطالع فيه وحسيت عيوني بتسكر، بسته براسه بسرعه وغفيت، خلااااااااص سبحان الله ماكتي مريت بشئ لما طلع من بطني ولما شفته، ولا في ولا الم ولا كان مر علي اي الم بالدنيا، ياربي يارحيم الحمد لله رب العالمين الحمد لله، عقبال كب محرومه يارب شعور مقدر اوصفه امي كانت تصيح فوق راسي ليما طلع، وطلعت تبشر ابوي وزوجي كللهم دمعت عيونهم، وصلوا ركعتين شكر لله. ولدت الساعه 9 وربع بالضبط، وظلت تخيط لين 10 الا ربع، بعدين طلعوني ع غرفتي وامي كانت فوق تجهززها، وترتبها طبعا المخدر لسه يشتغل هههه، بس كانت فيني فقرة جوووع موطبيعيه، جابوا عشاهم البايخ الي ما كانه عشا، وبابا راح جاب لنا عشا خخخخ واكلت ودخت، انتظرررت البيبي يجيبونة وشفته ونمت وبالليل الساعه 2 جابوه غشان ارضعه طبعا ماعرفت ودايخه قلت لها خذيه خلاص مافيني، بسته وشيكت ع اصابيعه خخخخخخخ وخذته. ياربي لحظات حلوة حلوة حيييل الحمد لله ربي تمم ع خير وولدت وشفت نور حياتي حمودي وعقبالكم ياربي |
رد: باركولي ولدت بالسلامه وجبت احلا ( احمد )
تقيمي للمستشفى بروكير الخبر
طبعا انا تابعت من السادس اتوقع او السابع المواعيد زفت، قبل موعدي بيوم يدقون ويأجلونه الخدمه، نص ونص، النيرسات ثقيلات دم لقلت ابي الدكتورة تقولي ليش وحق ايش وتلف وتدور ولاتناديها بالاخير، تعبوني واجد، النظافه كويسه، لقلتي ابي البيبي يجيبونة ع طول الاكل حقهم مو حلو لو خلونا نقول عادي، بس ابد ماكلت عدل الا بالبيت، ازعاج بالليل رايحين جايين مايخلونك تنامين، وسوالف طبعا فوق راسك، الدكتورات كل مرة وحدة ما حبيت الا الي ولدتني مصريه كانت مروقه ع الاخرر ، وصرخت عليها كثير وانا اولد جاتني ثاني يوم اشوف الغرز، وتغذرت منها وقامت تضحك وقالت بالعكس عادي خخخخخ وضيفناها شوي وطلعت، مرررة طيبه ورايقه وذويقه، الخياطة تجميليه روعه لما شفتها بالمرايه حسيت اني احلا من قبل خخخخخ وكشفت دكتورة ثانيه وقالت خياطتك مرتبه ما شاء الله، وارتحت والله للبيبي: الختان حقه مو نظيف رحنا الطوارئ عشانه كان ينزف دم واجد وشافوه ونظفوا الدم وعلمونا كيف نحط الكريم والشاش عليه، طبعا اغلب المستشفيات يختنون ويحطون حلقه انظف اما اهم يحطون شاش، يتعذب البيبي مع التنظيف، بس الحمد لله 12 يوم وطاب ولدي فديته، السر لسه ما طاح اليوم 15 له مسكين ومايرضى نحركه وننظفه خخخخخ يزعل فديته، المهم الحمد لله ع كل حال عدت ع خير واي سؤال اناحاظررررررة |
رد: باركولي ولدت بالسلامه وجبت احلا ( احمد )
ماشاء الله ربي يخليه لك ويحفظه يارب
وربي عششت معاك الموقف لحظه بلحظه خفت من معانتك الله يعين بس بعد ماقلتي انه بعد ماولدتي بالسلامه نسيتي كل شيء هديت ششويات وقلت ربي يهونها / شوقتيني اعيش هاللحظات واشوف فهودي :$ ربي يرزق كل محرومه ياااااارب |
رد: باركولي ولدت بالسلامه وجبت احلا ( احمد )
الحمدلله على سلامتك ياام حمودي..
|
| الساعة الآن 02:16 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .