حبايبي أنا محتارة ومحتاجة أحد يدلني على الصح
وكمان مررة نفسيتي مو مساعدتني أفكر
أنا قلت قبل كدى إن عندي أكياس دموية على المبيض اليمين بس مأجلة العملية شوي يقولوا إنها ممكن تسبب إلتصاقات وغير كدى ترجع مرة تانية حتى لو إستأصلتها..
فياليت إللي عندها حل أوعلاج مناسب أو تعرف وحدة كان عندها نفس المشكلة وتعالجت وهل ممكن يصير حمل لو انشالت..
وقريت إن الحجامة ممكن تعالجها
ياربي أنا إللي قريته عن الأكياس الدموية بصراحة تعبني نفسيا ممكن أحمل لو شلتها ولا الحجامة أحسن الله يخليكم ريحوني ..
الله يرزقنا كلنا من واسع فضله وماينتهي الشهر هذا إلا وكل وحدة ربي رازقها بحمل سليم وطفل معافا يارب ياكريم يارحيم يارب يارب يارب.