حبيت أضع لكم تجربة احدى الاخوات مع اولادهاأولا دايما أبدأ معاهم من عمر 4 أشهر
في البداية الصباح
سيريلاك بالقمح + 3حبات بلح
الطريقة: أضع من 2-3 ملاعق سيريلاك بالقمح في الخلاط وأضع البلح بعد إزالة القشر والنوى وأضع قليل من الماء وإذا حسيتي انه ثقيل نزود الماء
وهذا الشي نصحتني فيه أخصائية تغذية
في الظهر ممكن تختاري
1- الخضار المسلوقة ( بطاطس+جزر+كوسة+فاصوليا+قليل من الأرز المصري+ماء+قليل من الملح)
وبعد ماتستوي أضعها في الخلاط
ومعضم الأطفال مايحبوها عشان الطعم مايعجبهم والسر هو الملح أحط لهم كمية مناسبه بحيث أني إذا جربت أذوقه أحس بطعم خفيف للملح
2- شربة الخضار (بطاطس +جزر+كوسة +قطعة صغيرة جدا من البصل وكلها مبشورة(أي أضعها في مبشرة الجبنة) +شوفان وممكن في بعض الأحيان عدس وأهم شي الملح)
في العصر أي نوع فاكهة مثل
1- برتقال + تقاح أعصرة مع بعض وأصفيه بالمنخل (أستخدم نوع فتحاتة صغيرة وأخصصها لهم ما أستعملها لشي ثاني) وأحليه بقليل من السكر
2- برتقال + تفاح + موز نفس الطريقة السابقة
3- موز + حليب نفس الشي
4- بعض الأحيان اذا طفشت أسوي برتقال لوحدة
5- ممكن عصير المشمش بس مو دايم
في الليل
نصحني أخصائي باطنية أني أعطي أطفالي سيريلاك بالأرز دايما في الليل لأنه يساعد على طرد الغازات ومن يومها وانا استخدمه والحمد لله مايبكون في الليل إلا نادراً
أحيانا أشد الهمة وأنقع البلح بعد التقشير في موية دافية وأستخدمها مع الحليب
وأهم شي تعوديه يمسك البسكوت أو قطعة طويلة من الجزر ويحاول يعضها بس انتبهي من البسكوت أستخدمي نوع يذوب بسرعة عشان مايغص فية
أخيرا لازم تتخلل هذه الوجبات رضعات متفرقة
ونصيحة لا تعتمدون على الحليب في تغذية الطفل لأنه ماوراه إلا الإمساك ووجع الراس ومافيه فايدة كبيرة