فى أول الأمر كنت دائماً أفرح لغيرى وأقول إن شاء الله أنا القادمة
لحد من سنتين تقريباً حصلى حمل فرحة كتير لكن ربنا ما كتبلهوش يكمل الحمد لله على كل حال والله مازعلتش وقولت إن شاء الله قريب هكون حامل بس من حولى سنه وأنا كل ماسمع إن حد حامل بحس إن قلبى بيتقطع مع إن برضوا مبحسدش حد وبدعلهم وبفرحلهم جداً لكن حزنى أصبح أقوى مع إنى أملى كبير فى الله والحمد الله بس الإحساس ده بيكون ساعة ساعتين مش أكتير وبرجع وأقول إن شاء الله الدور عليه أن إلى اقولها المره الجايةعلى فكره أنا بقالى 7 سنين متزوجه وعرفه إن فى ناس كتير صبرت أكتر منى علشان كده الحمد لله وعلى فكره قبل الحمل إلى فات وقفت الأدوية والدكترة وكل حاجة بس للأمانه كنت بشرب التلبينه
معلش صدعتكم بس دى أول مرة أتكلم وأحس إن إلى بكلمهم حاسين بى قوى
يا حى ياقيوم يا رحمن يارحيم أرزقنى أنا وجميع بنات المنتدى وكل محرومه الخلف الصالح عاجلاً غير اجلاً أمين أمين أمين