حبيت اشارك من اي منطقه انتي ؟ الرياض من وين جهزتي اغراضك ؟ لفلفت في المولات اسماء اغلب المحالات اللي شريتي منها ؟ بصراحه مااذكر بالضبط محل معين ركزت عليه. بس اكثر لبسي كان من حياة مول لانو محلاتو متنوعه وكثيره. محلات تنصحين بزيارتها في منطقتك ؟ والله السوق اغلب الوقت يحوم الكبد والله يعين اللي تجهززز ماعليها الا انها تبحث وتبحث فستانك الابيض شريتيه ولا ايجار ومن وين ؟ انا فصلتو وكان الموديل من النت وفي شوي اضافات من عندي :) اسم القاعه ؟ ورايك فيها ؟ وكم كانت كلفتها ؟ قاعتي بصراحه شكل فقط اما خدماتهم مره انصدمنا منهم يوم الزواج بس عاد بعد ايش ,التكلفه:25000 من غير العشا وتزيين القاعه العشا اتوقع كان ب 15000 وتزيين القاعه 10000 وبس عدت على خير اهم شي التوفيق فساتين خواتك جاهز ولا تفصيل وايضا من وين ؟ لا كلهم فصلوا من نفس المحل اللي انا فصلت منو فستان زواجي ,,يالله تذكرت روحاتي وجياتي عالخياطه مررره اياااام في اي مشغل تسرحتي انتي وخواتك ؟؟ ايش اسمه وماهو انطباعك عن شغلهم ؟؟ جونا فلبينيات يشتغلوا على حسابهم وبصراحه ثنتين شغلهم روعه والثالثه بس حقت استشوار . نوع الموسيقى بالزواج ؟؟ دي جي اغاني ولا دي جي طق ,,, ولا طقاقات ؟؟ وكم كانت كلفتهم ؟؟ كان طقاقات تكلفتهم 6000 ,وفي شريط اغاني شغلناه بنهاية الزواج وفي البدايه. ايش فكرتك لزفتك ؟؟ طليت من البلكونه على اغنية (طلي)وبعدين باقي مشيتي زفه لمحمد عبده بس مره روعه الاغنيه ماقد سمعت احد حطها بزواجو وانا كنت ابغاها من زمااااااااااان انو اذا تزوجت هذي زفتي والحمدلله اتحققت امنيتي وبعد ماجلست كم اغنيه عن العروسه اللي هي وانا وبس . ايش تنصحين العروس باهم الاغراض اللي ضروري تشتريها وماتنساها ؟؟ والله اهم شي مستلزمات العنايه بالجسم والبشره وكمان مرررررررره تكثر اندر وير وملابس بيت يعني اقصد ملابس بيت الشورتات والبديات مو قمصان النوم لانها مره تستهلللك خصوصا بالبدايه ,, الاخطاء اللي ضروري تتجنبها العروس ؟؟ من اكبر الاخطاء اللي يسونها العروسات الجميلات انهم يسمعوا كلام من كل الناس ويصدقوا خصوصا فيما يخص هذاك الشي (عن تجربه) لاتصدقي احد ومو اي وحده تجي تعطيك نصائح في علاقتك مع زوجك وطريقة تعاملك معاه تروحي تصدقيها مالك الا امك ثم امك ثم الكتب المتخصصه بهالمجال وبسسسس نصيحه تقدميها لكل عروس ؟؟ عيشي كل لحظه لانو بجد مافي اجمل من هذا اليوم اجلي النكد والخجل الزايد بعديييييييين عشان ماتندمين .. ابتعدي عن التمثيل مع زوجك خليك بطبيعتك الحلوه.. عندك اضافه حابه تضيفينها غير اللي كتبته ؟ الله يوفق كل العروسات الجميلات يارب ويتمم عليهم بخير