نقلته لج يالغلاااااااااااا,,,,,,,,,,,
بالنسبه للمستشفى الامريكي عندهم قسمين
القسم الاول للفحوصات الشامله
و القسم الثاني قسم العيادات
اول شي اذا المريض ما يعرف شو عوقه يروح للقسم الاول و يعمل فحص شامل من الالف الى الياء و بعدين لما تطلع نتائج الفحوصات راح يبين شو العوق و بعدين راح يتم تحويل المريض الى العيادة المختصه علشان الاستشاري يفحصه و يشخص حالته و يقولكم العلاج ( قيمة الفحص الشامل حوالي 1500 درهم )
بالنسبه للاسعار حنا رجعنا الاسبوع الماضي من هناك الوالد عندنا مريض و كان عنده ورم في المثانه و تم عمل عمليه منظار و نجحت العملية و لله الحمد و كانت التكلفه بالاماراتي حوالي 15 الف درهم ( فحص شامل ( في القسم الاول ) +العملية ( في القسم الثاني) + النوم في المستشفى لمدة ثلاثة ايام في غرفه مفرده )
بالنسبة للفنادق
عندك فندق زنث قريب جدا من المستشفى ( حوالي 5 دقايق مشي ) غالي اشوي
في الفندق اللي حنا سكنا فيه اسمه جراند برسدنت ( حوالي 10 دقايق مشي للمستشفى ) و سعره معقول
اتمنى انك استفدتي
تحياتي